十二時半,月色正濃得迷人。
如同被月光底下皮膚通透潔白嘅阿敏一樣,光芒亦無被烏雲所掩,如同阿敏今次想要喺死神面前敞開心底。
「阿敏‧‧‧!」陳文輝啱啱趕過嚟,望住企喺教堂門外等待住嘅佢。
「死神呢?」阿敏一見到陳文輝出現,就問。
「‧‧‧」陳文輝見佢一嚟就問死神喺邊,心中一沉:「佢‧‧‧佢好快會到,入去坐下先。」
「咁夜‧‧‧得咩?」
「係‧‧‧」陳文輝望住佢、點頭。
佢緊握住拳頭,知道自己即將要做一件上帝都原諒唔到嘅事。
因此,佢都預備好‧‧‧
就連自己都會殉情。