墨巴d故點排法?定全部平行時空?一齊發生?
墨巴d故點排法?定全部平行時空?一齊發生?
如果係平行時空
如果阿一最後同到呀敏一齊
咁會幾好
Btw但之後阿一好似對敏冇左印象?
你病死咗,我就調查唔到令你逆天嘅人係邊個啊
你病死咗,我就調查唔到令你逆天嘅人係邊個啊
傲嬌
電影落幕播緊演出名單之際,我生硬咁慢慢伸隻手向佢,最後放落佢膊頭上。
人類安慰對方,大概係咁?
「唔該你‧‧‧」阿敏好快就收起淚水,重拾一副樂天少艾嘅樣子。
「點解喊。」
「吓‧‧‧?」
「你喊,並唔係因為剛才個套戲。」
「點解你會‧‧‧」
「我感覺到。」我望實阿敏。
阿敏亦都凝視住我,深一深呼吸、對我笑一笑:「咁我同你講個故仔啊,你可以當小故事嚟聽。」
我點頭。
「從前呢‧‧‧就有一個好鐘意作弄人類嘅死神喎,佢好鐘意整蠱凡人‧‧‧而佢嘅工作就係監視所有人類係咪附合時間死亡。有一日呢,有個女仔因為一啲事而唔開心,咁死神就出現喺佢身後準備睇佢點跳樓死,不過就係嗰個女仔想跳之際‧‧‧佢個心好奇怪,總係覺得,有一個人默默咁望住佢,當下嘅心跳好似曾相識‧‧‧就令佢記番起一句說話,然後有番「活著」嘅感覺。所以,佢就及時回頭,點知一回就見到有個男人突然出現,佢就自稱死神。」
「之後?」我一聽,就知阿敏講嘅故事,就係我哋之間嘅故事。
希望佢唔好醜化我。
「原來個女仔係逆天不死之人,所以死神就開始調查佢逆天嘅原因,喺過程之中‧‧‧女仔當咗佢係朋友,好信任佢,雖然佢係死神‧‧‧不過就係有種莫名其妙嘅安全感,覺得可以依賴,一個‧‧‧好陌生嘅親密朋友。」阿敏神情有啲低寂,不過都繼續講落去:「但之後有一日,死神因為一啲事,徹底破壞咗兩人之間嘅信任‧‧‧‧‧‧從此,死神就無再喺少女面前出現過。」
「結局?」
「結局‧‧‧‧‧‧我都唔知。」阿敏低住頭,淡然苦笑:「不過我相信,一定會係美好嘅。」
「所以,你已經原諒咗死神?」
「‧‧‧」阿敏冇回答到依個問題:「或者佢再出現個刻,我先答到你結局係點。」
因為已經冇人相信死神‧‧‧‧‧‧
所以佢嘅消失‧‧‧
其實都已經毫無所謂。