幸運兒
2017-06-05 12:53:46
「張嵐‧‧‧‧‧‧」伏低嘅阿敏稍稍抬起頭。
佢諗緊死神講嘅依個名,到底代表住啲乜。雖然佢心中都立即就有個頭緒,呢個‧‧‧或者會係死神嘅名字。
終於,阿敏喺個刻好似搵到自己嘅意義一樣,想要去求證死神最後一句說話嘅意思。
返到屋企嘅佢,即刻用macbook搜尋「張嵐」兩隻字,但都係一啲毫不關己嘅資訊。
不過阿敏冇氣餒,反而好似搵到一樣嘢做咁‧‧‧‧‧‧不斷追尋張嵐依個名嘅下落。
就正如當初,死神尋找張嵐一樣。
佢先去咗各大政府關於自殺嘅機構去問一下有冇張嵐依個人嘅存在、到網上發問有冇一個叫張嵐嘅人、又喺網上唔同國家嘅搜尋器搜索關於「張嵐」一切嘅資料。
阿敏佢推測,依一個可能就係死神嘅名字。因為佢依稀記得死神行入教堂個陣,仲記得佢講過知道咗一個真相‧‧‧‧‧‧所以嚟咗救自己。