我之前第一次正式用R6,當日帶四粒電 (七年前副廠LP-E6 x 1、七年前原廠LP-E6N x 1、全新LP-E6NH x 2),由1100影到2230,因為有心順便試機,所以好多時開連拍狂掃,總共影大約萬二張相,最初我用舊2014年買落副廠LP-E6,影四千幾張冇電而自動熄機,之後換粒全新LP-E6NH落去,又影多七千幾張相,剩返唔記得一定兩格電...
R6比我原先估計慳電,用2014年副廠LP-E6做先頭部隊,係作為耗電測試,如果佢只可以影到幾百張,之後三粒電就要慳住用,唔好再狂掃,點知粒殘電都影到四千幾張,就唔同講法,現時電池數量絕對夠我由朝影到晚,就算中途有一粒打柴,應該冇大影響..