晒小小時間睇咗佢，會走小啲冤枉路
有健身野想問可以自己search嘈交要自貼post
開到第百幾，自己入最新嗰個問
減肥/增磅 4 (Beginners' Guide)
https://lih.kg/1071429
- 分享自 LIHKG 討論區
簡單咁答你
你以為自己食得多=/=食得夠同啱
1）上磅要食夠卡路里，要增埋肌就要計好每日最小要食幾多蛋白質。
（你預蛋白質每日最小最小要食體重以磅計1比1既份量，盡量有大食大，有人係食1比2份量）
2）要每日保持到食超過tdee 既份量，1日食夠，但係第2日食唔夠都係冇用
3）每日食既時間同量要平均，就算你1餐食勁多，你都消化唔到，最好要平均又分好多餐咁食
4）要配合埋做尖先做到增肌效果
有錢就去搵個有信譽既教練，因為姿勢唔啱好易受傷，情願貴小小都唔好貪平、唔好比人水簽咁多堂、比人圍要識講冇錢同堅定唔簽要走人。
冇錢就自己慢慢學慢慢摸熟，最簡單係望下隔離大隻既師兄點做。
一開始唔好做太重，做靚個姿勢好過做太重借晒力。
5）你如果瘦底、好輕暫時未需要飲粉，因為你要增肌上磅所需蛋白質唔算多，食幾塊扒都夠，除非你真係食唔夠，再考慮飲粉
6）最重要要知道瘦底上磅係好難，要堅持，唔得就睇下有咩改善/上黎問，唔好放棄
最好度晒自己體重腰圍、臂圍、胸圍⋯資料
實際數字先會知自己有冇進份，就咁望好難睇得出。
7）想飲粉但係對奶類敏感點算
好多人都有呢個問題，所以奶粉好多種類。
首先最基礎係分做增磅粉、蛋白粉
- 增磅粉/gainer
除咗蛋白質係會有埋碳水、相對多糖，通常建議份量係3-4羹，好撚大羹，飲完會好飽好頂胃。
通常唔建議買增磅粉，因為性價比低，買蛋白粉溝麥皮生果都做到同樣效果，平好多。
- 蛋白粉 whey protein
通常有BCAA、純蛋白粉，通常建議份量係1-2羹，約20-26g protein，份量好小唔會飽肚
有細分幾種，而對奶有敏感，可以揀分離乳清蛋白(whey protein isolate)或者植物/牛肉提取蛋白粉，呢類會貴過普通蛋白粉
記住奶粉係凍水沖，用熱水沖會一舊舊，但係某幾隻牌子蛋白粉本身難溶都係1舊舊。 而且好撚難飲，因為堆味係溝出黎會好假，想穩陣就揀*On*呢隻牌子
8）唔好skip leg day
上身漲下身筷子腳係好肉酸，而且唔好諗住淨係手臂變粗，開始做尖之後就會發覺腳>背>胸呢類大肌肉最重要
因為我都係咁
