[少年監獄] 感受沙咀 二

少強在隊伍的前頭,他向右邊出飯位的窗口轉向.

然後左腳踏前,隨即右腳抽了上去再揼落了地面.

"砰"的一聲, 這是不會找數的表現

少強嗌出了台詞

「Good evening sir good evening sir ,請批准我們新人組學童攞晚飯sir , good evening sir thank you sir !」

「開始拎飯 !」

「good evening sir thank you sir」我們整個隊伍給予回應

之後recall行出了隊伍,在窗口附近教我們新人組點行條路線

巴打，你就好啦，新人組找數找打手板

我新人組個時找數，係找亂拳狂趙10秒鐘同埋午夜快車，真係打到背脊瘀哂

05年沙咀S仔，S 24X XXX

咩係午夜快車

除鞋除襪用警棍打腳板底，比打手板痛兩陪到啦

同埋車完一獲，你都唔洗旨意會好番，因為日日步操"dum"地，再加埋PE跳來跳去，隻腳最後會起大水泡，係真係成半隻腳咁大嘅水泡

首先呢,整個行路過程必須係用一步行路法,而每一步既轉向,都要嗌good evening sir thank you sir
跟著前面的路線,行到了通道的盡頭,右轉,行前兩步後

來到了第一個拎飯的窗口

但窗口在你的左側,這時要左轉,企穩後,大嗌一句good evening sir thank you sir

便可以拿起筷子和膠瓷羹在左手,右手就拎起一個橙同一個裝滿茶既茶麥.

之後右轉,嗌good evening sir thank you sir
前進到下一個窗口

再左轉,大嗌一句good evening sir thank you sir.

用左手拎起藍色膠碟的飯菜.

全部確定拎穩後,就可以再次右轉,嗌good evening sir thank you sir
跟隨前面的隊伍步入飯枱,當然,個路線仲要轉向幾次,所以good evening sir thank you sir既聲音會一直響起.

我們企在飯枱和長凳之間,手上仍然渣住飯菜和餐具

現時新人組共有八人,所以啱啱好新人組可以坐滿一台.

「宜家開始整理餐具 !」子藍sir命令

recall亦開始在旁教學

先放下手上的東西,然後拎起瓷羹在枱邊量度出半個瓷羹的位置,那個位置打上就係擺放你的飯碟,再係飯碟的右邊枱邊開始,放上瓷羹,之後拎出褲入面袋住既白色手巾,用指定既方法折成一個正方形盒仔.然後將個盒仔放在瓷羹上方位置,盒仔既開口必須向住自己,同埋有折痕既果面唔可以向住中間條大馬路通道.

隨後,再將茶麥放在盒仔既上方位置,茶麥柄向住自己.

橙要放在飯碟的左上方,橙椗向上

而飯碟擺放都有講究,飯碟亦要轉到個白飯向住自己.

每個人的飯碟之間,必須係啱啱好一個筷子的距離,而枱的兩邊飯碟,飯碟必須距離枱邊2個半瓷羹距離

量度好曬後,筷子便可以擺放在飯碟和右邊物品的空隙之中.但筷子的尾部必須貼住枱邊

十分複雜

複雜到我後悔緊點解我唔畫幅圖出黎表達.

直到成枱既人整理曬餐具
子藍sir便走了過來查看

「新人組整理好未?」

「Yes sir 」我們異口同聲回答

隨後子藍sir好認真地檢視我們既擺位

「李武傑 ! 」

「Yes sir 」武傑舉手回應,但位置緊逼,我們膊頭掂膊頭,就連舉手的空間都所剩無幾

「你個橙想點啊?碌黎碌去 」

「Sorry sir !」

武傑立即調教調皮橙

「蔡衡 ! 」

「Yes sir !」
我早已進入作戰狀態,反應迅速舉手

「你個茶麥又點撚樣啊?個柄係要點嫁? 」

「Sorry sir !」

我低頭一望,果然有點異樣.

我將茶麥柄轉向自己後.

擺放餐具的過程終於要結束了

「跟住要做既,就係要坐低食飯,大家聽住啦,當我嗌到個"低"字既時候,全部人同我迅速坐低.」
呢下同壁屋鷲sir教既一樣

「全部同我坐....低 !」

我地像機器人一般,屁股整齊地落在長凳上.

「跟住落黎係對腳啊,我嗌完對腳,你地就要將雙腳揼落地面,我要快 !留心啦! ! 」

我地仿佛正要開跑的田徑運動員.等待著那聲對腳的號令

「對腳 !」

「砰 !」
奇跡一般,這一下聲響真的只有一聲,而且響亮清晰.

子藍sir亦十分滿意,讓我們一 tick 過

「之後就係拉凳啦,當阿sir講拉凳既時候,兩邊既人就要將個長凳兩邊腳位,拉去對住個枱腳位.」

「拉凳 !」

枱兩邊的人開始拉起張凳,我地都挺起屁股等待他們.拉完後

「有無人唔使移碟嫁?」子藍sir問

「Sorry sir !」我們的回應帶出了無人唔識既訊息

「咁好啦,移碟 !」

我們迅速伸出手向對面虛晃

「移碟!」

通常呢個動作會做兩次

「好啦,等陣食飯既時候,由於你地係新人組,所以全部都要界飯先,只可以食飯既一半,點界飯啊?用筷子同瓷羹將個飯係中間界出由上而下既直線,然後只食飯既右邊果part.」

「然後呢,食飯都有次序嫁! 宜家次序係飯菜肉汁,意思即係你要先食完飯,然後再食菜,之後再飲埋啲汁,最後就可以食肉啦,食橙就等我指示再開始食.」

「好啦,開始食飯 !」

「Good evening sir Thank you sir !」
我地大聲表達出想食飯既意願.

「七分鐘食飯 開始 !」子藍sir說完後,走入了飯堂入廚房的鐵閘門.

今日先睇同囚
巴打寫文真係詳細過戲好多
點解佢地畢完一啖飯要搵匙扑一扑隻碟先畢第二啖？

我見其他人開始起筷,而我亦終於有時間可以好好檢視面前的一切

藍色的膠碟內,裝住了子藍sir頭先說的飯菜肉汁, 三條小堂菜,兩隻略細既雞中翼,一堆黑椒汁淋在了雞翼的面頭,但讓人困惑的是,這堆橢圓形既白飯,分量實在太多了.大概有三大碗既分量.

我依照指示,界出了一條由上而下的直線,但即使要食一半既飯我都覺得無力,因為真係太多,而且壓力讓人沒有了食慾.

我勉強著自己,開始強吞面前的白飯,但白飯旁邊的黑椒汁和雞翼飄來的肉香讓人覺得很為難.

因為個次序,我無得唔跟.
又或者我幾時諗過,原來食一餐飯既飯菜,都可以有嚴格的次序可言?

當然,係食既過程,並唔會咁簡單.

突然,志豪無端端停下狼吞虎嚥,慌忙地吐出了口中的飯菜.

他站了起來,然後大嗌

「Good evening sir !」

這一下的舉動,驚動了整個飯枱.

仲有d位要汁汁，但今晚會出曬成個晚飯過程

不過我就勸你地早抖會好d啦

仲有d位要汁汁，但今晚會出曬成個晚飯過程

不過我就勸你地早抖會好d啦

畫圖呀

多規則唔是問題, 但太多就真係好撚煩

btw 樓上話白底入去操一個月, 如果無理由入去既話實大把人半途而廢
同埋佢咁操法一定會過度疲勞, 頂唔順既話到時實上報

今日先睇同囚
巴打寫文真係詳細過戲好多
點解佢地畢完一啖飯要搵匙扑一扑隻碟先畢第二啖？

睇文易入戲過睇戲好多

巴打，你就好啦，新人組找數找打手板

我新人組個時找數，係找亂拳狂趙10秒鐘同埋午夜快車，真係打到背脊瘀哂

05年沙咀S仔，S 24X XXX

午夜快車 正喎

個動作真係唔方唔快

步操好多位要記
睇一次邊度記得哂？

夜晚翻倉用腦練？
又無得出聲問同學

氣氛話比我聽,這時候不能輕舉盲動

有好多人迅速開始停下手上動作,然後開始嗌起Good evening sir

我有樣學樣,停下手上動作,吐出口中咀嚼的白飯泥,加入聲浪當中.

這時子藍sir亦走了回來

「停低啦,係唔係好撚好食啊?聽唔到同學仔嗌good evening sir 咩! ?」
子藍sir由後捉實了停慢左既阿壯頭髮,使力扯著

「Sorry sir ! Sorry sir !」
阿壯能做的,只有sorry sir

「聽住啦,教多你地一件事.宜家志豪坐既位置,叫致敬位 」
我望向志豪.
志豪坐在了飯枱角落位置,而且他面向著飯堂門口.

「當坐致敬位既同學見到,有任何一個阿sir行入左飯堂,就要企起身然後問好,同枱既人都要立刻停低動作,吐出口入面所有既野,然後一起問好,知唔知道啊?袁家壯?」

子藍sir 扯住阿壯既頭髮fing了幾下問道

阿壯只能Yes sir sorry sir 交替地求饒

「志豪 ! 坐..低 ! 對腳 !」

「繼續食飯 .」
我們既晚餐繼續進行,途中J ,S ,YA的其他team沙咀仔入了飯堂,都打斷了我們既晚餐,逼於致敬

「好,時間到 ! 全部同我開橙,唔好再食飯啦」
子藍sir 發出食橙既命令

我停下了手中正刨著的白飯,第一餐果然同肉無緣

我拿起了橙,望住其他人邊望邊搣.

「唔使應我,你地聽住我繼續,搣橙既橙皮唔好斷啊,斷左就要同我食埋佢,不過最好趁宜家仲係新人組既機會,好練好點樣搣長個橙皮啊,落左大棚,橙皮至少要有藍蝶咁長先收貨嫁.」

我一邊搣,心中的壓力亦不斷增加.

到底,還有多少規矩需要記住,多少細節,我要留心?

我小心翼翼搣曬了手中的橙,脫下的陳皮寬而大,所幸的是並沒有斷橙皮

我將橙放入口中,那是我今天為止唯一覺得有味道,而且係好味的食物.

「清埋杯茶佢,拿飲茶唔可以飲曬嫁,飲到個茶個水位岩岩好係茶麥耳仔最下面既位就要停嫁啦」

又係一個細節位.

等大家都清曬茶後.

「全部停啦,唔好再飲啦.」

「全部起身 !」

「開始汁枱 !」

recall亦行了過來幫忙指點

我地收好餐巾後,將所有餐具渣係手上,並且保持在胸口位置.

「倒野 !」

「Yes sir Thank you sir 」

我們回應後,便開始用一步行路法逐個逐個行出去,當然,每次的轉向仍然要嗌good evening sir thank you sir

這時,飯堂右邊的通道已經擺放了收集廚余同餐具的藍色大桶,跟住Recall指示,我地輕輕放下了手上的餐具,並且倒掉了我未食到既菜肉汁.

估唔到,沙咀會強逼你浪費食物

收拾完後,我地聽從子藍sir指示,操到了飯堂中間條大馬路.

宜家諗返,果條大馬路,我地圍內稱之為皇帝路

我地操到皇帝路後,前面的5個新人組同學逐個逐個抬腳揼地,煞停了自己的步操.
然後他們原地又抬腳揼落地面,但今次有些少唔同,他們的右腳落地位係左腳的後面,
形成了一個T字型的雙腳腳型,然後仲成個身面向了右邊.

最後,他們拎出了牌仔同白色手巾,用左手既食指同大隻公渣住,跟住再揼地還原動作.

「唔識既人跟住前面既人做 !」

等我地三個新人都預備後,子藍sir又再一次叫人致敬

「志豪 !」
「Yes sir !」

志豪開始操去了紅線.

但由於左手渣住左野,所以左手並且隨著步操擺動,換言之只有右手係操緊

之後志豪標準地操到紅線前,標準地發出了揼地聲

然後嗌出台詞

「Good evening sir good evening sir,我們新人組學童現正離開飯堂sir,good evening sir thank you sir」

標準,完美.子藍sir叮囑我們要記住後,便帶領我們步出了飯堂集隊

當然,係出飯堂既時候,左手要渣住果堆野做一個芭蕾舞步,嗌埋good evening sir 先過到骨

在外面集隊後,重複頭先係飯堂入面拎牌仔同餐巾出黎既動作,但今次係收返入褲袋

我地拎埋包和奶,便返回B座.

整個晚餐的程序,就這樣有驚無險地完結了

Good evening sir!同sir 報岩岩追到live好好睇，真係好寫實好巴good evening sir thank you sir!

精彩 謝樓主

出番黎後有無搣橙俾屋企人食？

步操好多位要記
睇一次邊度記得哂？

夜晚翻倉用腦練？
又無得出聲問同學

記唔哂, 唯有努力記同求神拜佛唔好俾人抽中
除咗致敬其他都可以跟人行既

步操好多位要記
睇一次邊度記得哂？

夜晚翻倉用腦練？
又無得出聲問同學

記唔哂, 唯有努力記同求神拜佛唔好俾人抽中
除咗致敬其他都可以跟人行既

找數找到記得為止

或者睇到呢到，你地已經覺得入飯堂都咁多規矩，好鬼煩

但睇完文後，你回唔回想得返頭先文入面提過既所有規矩和細節？


對於新人組既我地，有壓力同係現場環境之下，更加難將頭先既野塞曬入腦

偏偏這個地方，最大既魔鬼永遠藏於細節之中。

所以我打文打的咁詳細，都係想之後既故事情節發生時，你地會知道到底發生咩事

我都知，找數既情節，可能你地更加中意睇，但係入面受緊既我地，最想避開既都係呢個情節

每日都提醒住自己唔好瀨野，每日都全神貫注記憶細節，活在阿sir規定的排頭之中

good evening sir

歡迎你地進入新人組

下次出文就要進入夜晚啦