是咁的,我鍾意咗隻網絡人妖。
食完屎無飯痾
760
回覆
40 Like
13 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
食完屎無飯痾
2021-01-25 21:55:30
我返嚟啦
見到有人lm肯等我嗰陣真係好開心啊!!!今晚更多一章賀賀佢!
南區珍妮佛羅培茲
2021-01-25 22:07:03
樓主好波!
痴撚線讀撚(斷手)
2021-01-25 23:37:14
留名
痴撚線讀撚(斷手)
2021-01-25 23:37:28
文呢
食完屎無飯痾
2021-01-25 23:39:43
今日更咗兩章啦,聽日會再早啲更新
痴撚線讀撚(斷手)
2021-01-25 23:41:56
欺騙我感情
食完屎無飯痾
2021-01-25 23:50:01
絕對冇欺騙你!!聽日會照一次更兩章!!同埋多謝你一直有cm啊
-下一頁-
2021-01-26 00:10:30
正評
肥底廢青
2021-01-26 00:13:24
LM支持!
波娜莉波咩噗噗
2021-01-26 00:43:52
樓主好人一生平安
食完屎無飯痾
2021-01-26 16:27:12
(15)
晏晝十二點半,熾熱嘅陽光啱啱好曬到浩俊嘅背脊。一向怕熱嘅浩俊遇到呢種情況一定會心煩氣躁,然而佢而家毫不動搖咁喺傳說對決咁同新識嘅朋友傾偈,心情變得愈嚟愈好。
「哦~所以你都係因為驚驚所以入嚟!」一個外號叫胖虎嘅男人講道:「唔怪得你成朝都喺度問佢啲嘢啦!」
元朗桃味糖:都?有其他人咩?
浩俊興致勃勃咁打字問道,佢冇諗過驚驚會有能力吸引到咁多人。
尋晚跑完步嘅浩俊仍然未諗通心入面嘅謎團,於是佢採用自己最擅長嘅方法— 同公會嘅其他成員打好關係,去打聽月伶同驚驚之間嘅事。浩俊一朝早就起咗身,搵到平日經常同驚驚組隊嘅公會成員,然後一一邀請佢哋打機。
人類總係會被外表亮麗嘅嘢吸引住,浩俊嘅女裝icon果然成功咁吸引到驚驚嘅兄弟,更加令對方開始將自己當成好朋友。
「呃…哈哈哈哈哈!」胖虎知道自己啱啱唔小心講多咗,唯有尷尬咁笑道:「講錯嘢啫!」
浩俊知道繼續追問落去只會暴露自己嘅諗法,佢唯有問其他嘢轉移話題。
元朗桃味糖:你哋啱啱話佢二十歲,咁佢係咪仲讀緊書?
「係呀!」另一個叫小明嘅人答道:「紅磡嗰間呀嘛~」
「師弟?」浩俊疑惑咁摸一摸下巴,發現原來自己同驚驚係同校。
食完屎無飯痾
2021-01-26 16:29:27
「嗰陣佢仲話有靚女同學搵佢帶打機吖嘛!」胖虎笑住附和道:「屌!識靚女又唔叫!」
「咩唔叫呀!」小明留意到桃味糖冇再打字回覆,開始打圓場:「呢度咪有呀桃囉!」
元朗桃味糖:唔好咁啦,我怕醜 (´,,•ω•,,)
「咁咪即係佢同月伶係同學?」浩俊心入面諗道,隨便敷衍隊伍入面嗰兩個人。
元朗桃味糖:咁佢同阿月熟唔熟?
浩俊一提到月伶嘅網名嘅時候,小明同胖虎即刻喺一秒內回答佢嘅問題。
「好撚熟!佢哋成日黐埋一齊架!」佢哋異口同聲咁講道。
「咁又係,之前曦銘嚟食飯都提過佢哋識對方。」浩俊冇再加入佢哋嘅話題,佢眼見其他人未有開game嘅傾向,開始自己喺度思考。
浩俊坐喺張凳度望住天花板,幻想有兩個叫曦銘同月伶嘅圓形,然後喺佢哋之間畫咗粒心。
「佢哋兩個之間有嘢就一定㗎喇,但關驚驚咩事呢?」浩俊努力咁諗返以往嘅事。
食完屎無飯痾
2021-01-26 16:29:50
喺浩俊心目中,驚驚同月伶之間嘅關係唔簡單。淨係尋晚驚驚話朋友有事嗰陣,浩俊已經篤定對方指嘅嗰位朋友係月伶,更加肯定對方係去安慰佢。
「肯定唔止係朋友。」浩俊再幻想多個叫驚驚嘅圓形,然後喺佢同月伶之間畫條直線,三個圈嘅位置完美變成一個三角形。
「三角戀?」浩俊感覺事實距離自己愈嚟愈近,但係佢心入面同時問道:「咁點解會係驚驚過嚟問關於我同曦銘嘅嘢嘅?」
浩俊隱隱約約記起月伶尋日對住電話提過「收兵」兩隻字,頓時如夢初醒。
「唔通佢係月伶隻兵?!」浩俊突然大膽咁假設道:「咁唔怪得啦!」
然而,雖然浩俊終於認為件事水落石出嗰陣,佢莫名其妙地有啲唔啹。
「咁咪即係佢唔係對我有興趣。」浩俊想道:「原來淨係為咗討好女神。」
浩俊回想起驚驚一直以嚟同自己嘅對話,一諗起佢會用同樣嘅態度對住其他人,就好似嚿玩具唔再屬於自己嘅咁。
「喂!驚驚要入嚟玩啦!」胖虎把聲喺手機傳出嚟:「呀桃你仲喺唔喺度?」
元朗桃味糖:喺度啊~
「今鋪我仲唔玩死你。」浩俊耷低頭望住西鐵線驚驚嘅icon出現喺隊伍入面,成個人仍然有啲心煩意悶。
食完屎無飯痾
2021-01-26 18:09:26
寫到嚟呢度,已經唔希望會有幾多人睇呢篇嘢了,淨係想正正常常咁完咗個故佢,唔棄故當贏
點解啲賤人唔使死
2021-01-26 18:16:51
我覺得個故仔幾得意幾好睇
樓主唔好放棄
食完屎無飯痾
2021-01-26 18:25:17
多謝你
痴撚線讀撚(斷手)
2021-01-26 18:46:22
好多畫家都係死咗先出名
所以樓主你唔使驚
食完屎無飯痾
2021-01-26 18:48:51
你咁講都唔知開心定唔開心好
痴撚線讀撚(斷手)
2021-01-26 18:49:42
痴撚線讀撚(斷手)
2021-01-26 18:50:27
咁只係一個比喻,可能你完咗之後會好出名呢
食完屎無飯痾
2021-01-26 18:57:53
呢個故唔變糞作已經要劏雞還神
尋晚應承咗你今日會更兩章,想遲啲再補返(對唔住大佬
)
痴撚線讀撚(斷手)
2021-01-26 19:02:39
都幾新奇個題材,文筆我就唔批評啦,因為我都冇咁嘅墨水
總括嚟睇都可以話唔錯
唔好睇小自己
食完屎無飯痾
2021-01-27 19:51:31
(16)
「原來已經差唔多一點,好彩已經完sem。」頭痛欲裂嘅穎怡俾刺眼嘅陽光曬醒,佢唔情願咁轉身望去枱上面嘅鐘,然後拖住腰酸背痛嘅身軀行出房,慢條斯理咁梳洗好。
穎怡揞住自己額頭,唞咗啖氣。佢坐返喺床上面,開始回想起尋晚發生嘅事。
「我要繼續飲呀~」成身酒味嘅月伶想喺穎怡手上搶走罐酒。穎怡一手扶住爛醉如泥嘅月伶,一手拎住袋飲剩嘅酒。佢恨不得即刻將月伶綁喺燈柱度,等佢酒醒再送佢返屋企。
兩個人搖搖晃晃咁行到月伶屋企樓下嗰陣,月伶突然擺脫穎怡原本圈住自己嘅手臂,轉身正面望住穎怡。
「點呀白卡婆?」穎怡企咗喺月伶對面,無奈咁翹起雙手望住對方。
「我今年完之前會努力放低佢㗎啦。」月伶指住穎怡,一本正經咁講道。而穎怡企咗喺月伶對面粒聲唔出,好似等緊佢講埋下一句咁。
「但仲有個幾禮拜就下一年啦喎~」穎怡開玩笑咁講道。一陣冷風忽然吹過,令兩個人開始清醒過嚟。
食完屎無飯痾
2021-01-27 19:51:48
「其實我鳩噏。」月伶愣咗愣,然後苦笑道:「我成世人都唔會走得出佢手指罅㗎喇。」
「嗯。」穎怡好似預咗會聽到呢個答案咁,點一點頭就擰轉身返屋企。
「叮!」穎怡嘅手機突然響起Whatsapp嘅提示聲,將佢嘅思緒扯返去現實。
佢望住月伶大張聲勢咁喺Whatsapp度召喚朋友打機,即刻識相咁㩒入傳說對決。
一加載到遊戲大廳,佢就收到來自胖虎嘅組隊邀請。
「月伶、胖虎、小明,仲有桃味糖?」穎怡內心詫異道:「點解個組合咁奇怪嘅?」
「點解可以咁冤魂不散?」月伶望住桃味糖嘅icon,感到愈嚟愈唔耐煩。佢深深咁唞咗啖氣,決定同桃味糖今日嚟個了斷。
「胖虎、小明、驚驚,早晨啊!」月伶充滿活力嘅聲喺穎怡耳邊響起,穎怡反而打咗個冷震,感覺月伶今日有啲異常。
「早呀!齊人就開Game啦!」胖虎興高采烈咁講道。
張月伶:你一陣最好唔好出聲
穎怡望到螢幕上方彈出嚟嘅message,終於知道點解會有種不祥預感。
食完屎無飯痾
2021-01-27 19:52:00
喺另外一邊嘅螢幕,浩俊一見到月伶同驚驚同時出現就冷笑咗一聲。佢喺畫面一加載到戰場嗰刻就飛快咁打咗行字。
元朗桃味糖:早晨啊驚驚~
「女神同兵一齊出現…」浩俊摩拳擦掌咁諗道:「今鋪一定好好玩。」
元朗桃味糖:驚驚你應承過會carry我
元朗桃味糖:但係你成日打完一鋪就走,好傷心
「哇。今日玩攻心計?」穎怡明明打算呢舖扮啞唔出聲,點知一嚟就收到桃味糖衝住自己而嚟嘅問題。
西鐵線驚驚:而家咪補償緊你
穎怡言簡意賅咁覆咗桃味糖,費盡心思咁逃避成為炮灰嘅下場。
「呀桃,睇嚟你同驚驚好熟喎~」月伶別有用意咁拖長自己嘅語氣,蠢蠢欲動咁想開始刁難桃味糖。
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞