是咁的，我鍾意咗隻網絡人妖。

more

睇完新故返嚟睇
幾好睇

多謝你！！！

加速呢邊

等更新

聽日更新！

男女主幾時一齊

好快㗎啦可能過多十章生埋仔

2000 years later

對唔住，我知錯了俾多啲時間我，最遲下星期一出！

好過份

(62)
穎怡喊咗一段時間先逐漸冷靜落嚟，浩俊側眼去望挨喺膊頭嘅人，個心終於安落少少。

下晝三四點陽光唔會過於刺眼，但恰好透過層層樹葉喺穎怡臉上投下斑斕光影，白皙皮膚上淚痕仍舊明顯。

邊個會想像到一個嘻嘻哈哈嘅女仔會有咁脆弱嘅一面？

浩俊再望到對方鼻頭紅成蕃茄，有種衝動想代替穎怡去承受一切。

「你暫時唔好再諗呢件事啦。」

穎怡突然被一個更溫暖嘅擁抱包圍住，清爽氣息瞬間安撫心靈，大腦變成一片空白。

「月伶應承咗會幫你搞掂，咁你就放心交俾我哋啦。」浩俊一臉真摯咁凝視穎怡，琥珀色眼眸一瞬闖進視野，亦闖進心房。

穎怡感覺自己幾乎控制唔住表情，慌張咁不斷點頭，眼神四處游離就係想迴避浩俊嘅目光。

你想點呀！！！

兩個人距離近得就嚟連一呼一吸都感受到，穎怡驚自己好似個夢咁重蹈覆轍，眼都唔敢眨一下。

「知…知道。」穎怡下意識放輕語氣，下巴就咁靠喺浩俊嘅膊頭上。

浩俊見穎怡已經冷靜咗落嚟，鬆咗口氣，雙手反而抱得更緊。

「其實你以後有咩事都可以同我講。」浩俊塊面埋喺穎怡身上，令對方望唔到自己嘅表情：「我一直都喺度。」

一陣風吹過，拂過頭上樹枝，穎怡垂眼望落樹根位置，發現新萌芽嘅枝條已經冒出頭。

個心都好似有啲嘢生根發芽咁。

「知道。」穎怡忍唔住去貪戀呢段時間，呢段珍貴嘅時光。一切都平靜得美好，就好似所有煩惱都拋諸腦後咁。

浩俊重新將視線投喺穎怡身上，望到對方笑意漸濃嘅嗰刻，個心都好似瘋狂亂跳起嚟。

「其實就係……」浩俊猶豫片刻，大腦忽然思考唔到，所有嘢都脫口而出：「你之後都可以依賴我。」

穎怡曾經認為浪漫係一個抽象無比嘅概念，人哋口中所謂送玫瑰禮物等更似係膚淺片面嘅例子。

但當望住眼前人因為自己而緊張得吞吞吐吐，眉頭眼額間寫滿無處安放嘅感情嗰陣，佢而家終於知道咩叫浪漫。

「好。」平時穎怡係比較健談，而家反而係浩俊不斷咁安慰對方。

「你唔開心嗰陣可以搵我，嬲嗰陣都可以同我講，又或者無聊嗰陣都可以。」浩俊愈講愈急，連耳仔都變得愈嚟愈紅。

「你到底想表達啲咩？」穎怡笑咗出聲，忍唔住捏咗下浩俊嘅面珠墩。

原來一碌木都可以咁可愛。

「我想表達嘅係…」浩俊頓咗頓，然後嘆咗口氣：「我鍾意你。」

更啦更啦其實拖咗咁耐都係諗到底幾時表白好，但唔想再拖了

下一次更應該就係結局了，預星期一二左右就會post

唔捨得

想睇甜
想睇佢地結婚生仔

爛尾我會寄刀片

咁快完

甜到糖尿病，屌咩

文呢！