是咁的,我鍾意咗隻網絡人妖。

760 回覆
40 Like 13 Dislike
2021-01-21 19:43:45
今日早啲update,下章更可愛
2021-01-21 20:00:41
樓主加油 好好睇!
2021-01-21 21:21:25
多謝你
2021-01-21 22:33:06
G持樓主
2021-01-22 08:38:55
多謝你一喺度comment
2021-01-22 08:39:12
一直*
2021-01-22 09:26:08
好睇
2021-01-22 10:34:55
多謝你
2021-01-22 18:05:47
(12)
夜晚八點半,食完飯穎怡摸住肚腩滿足咁返到去自己間房度。佢坐落電腦凳度,搵咗個最舒服嘅姿勢,開始打開Instagram睇其他人嘅動態。

「我係咪都應該出去社交下呢?」穎怡望住中學同學嘅相,感覺佢哋嘅生活過得特別充實。相反地,自己就一如既往咁留喺屋企打機,咁耐以嚟都冇咩變化。

「算啦,都係唔好搞咁多嘢。」穎怡自暴自棄咁撳熄螢幕,視線停留喺自己嘅倒影度。

張月伶:打機要人!

穎怡嘅手機螢幕突然因為收到Whatsapp而重新著返。

張月伶:我約咗佢啊!求支援!

月伶大張旗鼓咁喺Whatsapp group度召喚同伴陪佢打機,穎怡呆咗呆,醒起幾個鐘之前月伶先提過佢同曦銘之間嘅約定。

楊穎怡:啱啱食完飯要消化下,你哋玩先

穎怡諗起曦銘嘅時候,自然諗起對方身邊嘅桃味糖。佢皺一皺眉,隨便作咗個理由拒絕月伶。

林海螢:你哋二人世界啦,唔想做電燈膽

海螢喺推卻完月伶之後,反而私底下搵穎怡打機。

穎怡望住海螢句「靚女carry我排位ok?」,思考咗一陣,最後都係決定拒絕對方。

林海螢:做咩咁反常啊?平時你一定即刻應承㗎喎
2021-01-22 18:05:59
楊穎怡:感覺一online就會見到桃味糖…

穎怡嘆一口氣,坦誠咁將自己嘅擔憂講出嚟。佢托住下巴,默默咁等待海螢嘅回覆。

林海螢:點解驚佢嘅?一係踢返佢出公會?

海螢好奇咁問道,喺佢心目中對網上社交自信滿滿嘅穎怡竟然都會有驚嘅一日。

楊穎怡:同佢傾偈反而俾佢恰返轉頭,第一次喺網上俾女仔調戲得咁勁

穎怡最後選擇坦白從寬,佢拎起床上嘅攬枕,心煩意亂咁對住攬枕打咗幾拳。平日穎怡同陌生人傾偈時綽綽有餘,尋晚反而俾桃味糖佔上風,令自己有啲悶悶不樂。

佢腦海突然浮起尋晚桃味糖嗰句「你真係可愛」,不知所措咁用手揞住自己塊面,心入面好似打咗無數嘅死結咁。

林海螢:屌!咁你而家唔on咪即係示弱?

海螢無奈咁「超」咗一聲,冇諗過自己朋友會變得咁拖拖拉拉。

張月伶:要人啊!曦銘又拉咗條女入嚟啦!!

月伶嘅message咁啱喺嗰一刻彈出嚟,穎怡見海螢講完之後即刻offline,無可奈何咁㩒開傳說對決。
2021-01-22 18:06:13
穎怡一online就見到月伶嘅組隊邀請,佢嘅食指停咗喺螢幕上面,躊躇不定。

元朗桃味糖:點解唔入嚟嘅?(๑´ㅁ`)

「因為你囉屌…」穎怡喺心入面抱怨道,桃味糖果然即刻主動搵佢。佢反咗個白眼,故意忽略對方。

元朗桃味糖:你尋晚唔係話會同我玩咩>_<係咪我嚇親你,所以你唔想理我?

穎怡望住桃味糖嗰句挑釁味重嘅說話,就即刻接受月伶嘅組隊邀請,佢嘅好勝心唔允許自己再一次輸俾對方。

月伶見穎怡嘅icon出現亦都即刻打電話俾對方,佢好唔容易終於先叫齊人。

「咩料呀搞咁耐架?」月伶不滿咁講道:「你唔係同人好熟㗎咩?」

「而家咪嚟咗囉~快啲開場啦~」穎怡深深咁吸一啖氣,從容自若咁講道。

就喺大家等緊入場嘅時候,穎怡若有所思,決定先發制人。佢伸長手臂拉一拉筋,喺chatroom度打咗一行字。

西鐵綫驚驚:我係見桃味糖主動叫我玩先嚟架
2021-01-22 18:07:34
星期六日唔update住,星期一再見
2021-01-23 09:37:47
等你
2021-01-23 10:46:02
等你更
2021-01-23 17:03:27
好睇,留個名先
2021-01-23 19:02:01
無文
2021-01-23 23:54:33
梳呀星期六日要抖下,休息是為了走更長的路
2021-01-25 19:59:56
(13)當局者迷
喺另一邊嘅螢幕背後,浩俊同樣地同曦銘傾緊電話。

「好彩你肯嚟咋!」曦銘謝天謝地道:「我完全唔敢單獨同月伶玩。」浩俊輕輕咁「嗯」咗聲,腦海浮起月伶下晝時對住電話大吵大鬧嘅場面。

「真係諗唔明點解佢會對咁惡嘅人咁上心。」浩俊望住螢幕上月伶嘅icon,心入面無奈咁諗道。

「硬係覺得月伶好似對我有敵意咁。」浩俊諗道:「不過好彩佢嘅朋友都算好玩。」佢嘅視線停留喺西鐵綫驚驚嘅icon上。

西鐵綫驚驚:我係見桃味糖主動叫我玩先嚟架

遊戲加載到戰場前嘅最後一刻,西鐵綫驚驚突然send出一行字,殺浩俊一個措手不及。

「浩俊!你嗰晚係咪同人私訂終身嚟?!」曦銘吃驚道:「人哋話特登為咗你嚟喎!」佢從來冇諗過浩俊喺遊戲中會咁有魅力。

「佢係咪因為尋晚嘅事喺度報仇?」浩俊見到西鐵綫驚驚嘅一行字時,亦都驚訝咁戚起眉,但佢默不作聲,冇答到曦銘嘅問題。

元朗桃味糖:下~你咁講曦曦會誤會㗎(๑• . •๑)

「睇下你會唔會上釣先。」浩俊諗道,佢感覺到驚驚對佢同曦銘之間嘅事有興趣,決定放手一搏。

「借住你嚟過橋先。」曦銘嗰邊傳嚟嫌棄嘅聲音,浩俊唯有略略解釋自己嘅動機。

今日西鐵綫驚驚莫名其妙地覆得特別慢,喺浩俊等到佢嘅回覆之前,月伶嘅角色忽然就死咗。
2021-01-25 20:00:37
咁奇怪嘅?」曦銘語氣之間充滿疑惑,佢喃喃自語道:「月伶好少咁早死㗎喎…」

「啊~睇嚟我嘅影響力都幾大㗎喎~」浩俊心入面慨嘆,佢醒起月伶同曦銘相處嗰陣嘅模樣,意識到月伶嘅死因正正就係源於自己嗰句說話。

西鐵綫驚驚:點解你會介意將軍佢誤會嘅?

「三句不離我同曦銘之間嘅關係。」浩俊諗道:「又唔關佢事,咁關心做咩?」浩俊望向月伶嘅角色,開始喺度思考。

元朗桃味糖:點解又係問我同曦曦嘅嘢嘅?(*´ω`)

此時此刻嘅浩俊淨係想搞清楚來龍去脈,佢冇點諗過應該點覆驚驚嘅問題,決定用返尋晚嘅方法反問返對方。

西鐵綫驚驚:因為我會呷醋。

「哇…」曦銘驚嘆道,原本認真打機嘅佢都俾兩人之間嘅火花分散咗注意力。

浩俊啞口無言咁望住驚驚嘅回應,估唔到對方已經早有準備,冇再踩入同樣嘅圈套。

「佢唔係應該繼續問落去㗎咩…」浩俊一時間大腦停止運作,俾咗個機會驚驚去反勝一仗。
2021-01-25 20:01:48
西鐵綫驚驚:你尋晚明明對我咁主動,今日竟然拎第二個男人做擋箭牌

西鐵綫驚驚:有啲失望添

驚驚似乎信心十足,估到浩俊一時三刻唔會答到佢,繼續講落去。呢一刻,浩俊再唔反擊嘅話,對方就會食住佢上。

浩俊思索片刻,決定將自己嘅好奇心拋諸腦後,回應咗對方先。

元朗桃味糖:唔好恰我啦(´・д・`)

元朗桃味糖:件事唔係咁架(´;ω;`)

「睇吓你又會點話我。」浩俊嘴角揚起一個狡黠嘅笑容。

作為一個經驗豐富嘅「女性玩家」,浩俊十分清楚自己嘅優勢— 就係扮委屈去激發對方嘅愧疚感。

可惜西鐵綫驚驚今日好似不在狀態,佢不但冇應到浩俊嗰句話,佢嘅角色更加不斷咁死,令場遊戲好快就輸咗。

浩俊眼見月伶完咗場遊戲就即刻offline。佢嘅朋友亦都走咗去同其他人組隊,本身齊人嘅隊伍就咁就不歡而散。

「咁無趣嘅,小小刺激就唔玩。」浩俊苦悶咁望住隊伍散band。
2021-01-25 20:03:07
西鐵綫驚驚:唔會捨得恰你啦
西鐵綫驚驚:我朋友有啲事,走先。
西鐵綫驚驚:下次補返一鋪贏嘅俾你

浩俊突然收到驚驚一口氣send嘅幾個message,原本不快嘅心情有所緩解。佢攤咗喺床度重新尋思月伶、驚驚,同曦銘嘅關係,大腦不斷咁搵緊有關三個人嘅記憶。

「阿仔?點解你又攤喺度唔郁?」李太敲敲門就入咗去浩俊嘅房度,佢不滿咁抱怨道:「你而家好出去跑幾圈先返嚟。」

「嗯。」浩俊換上深藍色嘅衛衣同黑色運動褲,打算去附近嘅公園散下心。

「成日淨係掛住坐喺度打機…」李太見浩俊終於肯喺返學以外嘅時間出門口,欣慰咁唞咗啖氣。
2021-01-25 21:19:15
lm
2021-01-25 21:48:10
(14)非你莫屬
「我唔玩啦。」月伶疲倦嘅聲音喺穎怡嘅耳機響起:「你哋而家得唔得閒?」

「唔得啊,約咗人打機。走先!」海螢答完就收咗線。穎怡從容咁笑咗笑,心入面肯定海螢係走咗去搵仔仔打機。

「我得閒呀~」穎怡答道:「你係咪想飲嘢?」佢望一望個鐘,估唔到打完機已經差唔多九點幾。

「係呀~我地各自拎啲嘢飲啦。」月伶有力無氣咁講道:「去你屋企樓下嗰度好無?」

穎怡「OK」咗聲就收咗線。佢望住桃味糖仍然顯示住online,感覺對方突然冇得打機,心情應該會好無奈。

「雖然今日真係唔太想理你,但係見你咁慘…」穎怡喺chatroom度打咗幾行字send出去,唔等對方嘅回應就offline。

十五分鐘後,着住黑色外套嘅穎怡就出現咗喺樓下公園嘅入口。佢拎住袋啤酒挨住石柱,喺度東張西望咁搵月伶嘅身影。

「到未呀仆街…」一陣寒風吹過,穎怡扯高自己嘅口罩,條頸縮入件外套度。佢百無聊賴咁望入公園左邊,提前睇吓仲有冇空位。

「啊~咁熟口面嘅?」穎怡睇到一個喺不遠處跑緊嘅人,佢覺得對方嘅身形有種講唔出口嘅熟悉感,但係佢日常生活中又冇啲咁高大嘅男性朋友。

「係邊個呢?」穎怡放咗袋酒喺石壆度,好奇咁側身觀察嗰個跑緊過嚟嘅男仔。個男仔跑得愈近,佢嘅五官就愈清楚。

男仔距離穎怡愈嚟愈近,穎怡亦認真咁打量對方嘅外貌— 皮膚白凈、有成米八咁高、雖然係內雙眼皮,但都遮唔到嗰對好睇嘅琥珀色瞳孔。

「等等,琥珀色瞳孔!?我屌!」穎怡終於認到男仔嘅身份,佢屌咗出聲,即刻轉身匿埋喺石柱後面。

「頂…點解會喺呢個時候撞到佢。」穎怡開始慶幸自己着住全黑嘅衫,幸好着得唔顯眼,唔係嘅話就可能俾靚仔當眾指罵自己係偷拍狂。

穎怡回首望返公園入面,發現靚仔已經跑遠咗,幸災樂禍咁揞住心口。
2021-01-25 21:50:12
「望乜鳩呀?」穎怡嘅膊頭突然有隻手拍落嚟,嚇到佢成個人震咗震。

「屌你唔好成日嚇我啦。」穎怡擰轉頭見到係月伶,就一臉嫌棄咁撥開對方隻手。

貪靚嘅月伶好少會冇打扮過就出街,但係今晚月伶淨係紮咗條馬尾,素面朝天就出咗嚟。穎怡發現佢嘅異態,識相咁幫手拎埋對方嗰袋酒行入公園。

「你爭人錢呀?」月伶問道。佢望住穎怡鬼鬼祟祟,不斷四周圍望嘅神態,嗰一刻有衝動想扮唔識隔籬嗰條友。

「唔好諗太多~」穎怡笑住敷衍月伶,佢搵到一個比較隱蔽嘅位就放低兩袋酒。

「你搞咩嚟?」穎怡用紙巾抹一抹罐面,然後開咗罐酒遞俾月伶,佢好奇咁問道:「你今日下晝唔係仲好地地㗎咩?」

「係呀,嗰陣仲好開心添!」月伶除低口罩,啜走冒出嚟嘅氣泡。佢思量片刻,然後講道:「係唔知點解個桃味糖又會出嚟囉。」

「咁又係,你見我今日都唔太想應佢啦。」穎怡附和道:「佢好似想特登激你咁。」

「曦曦前曦曦後,我都想咁叫佢啊。」月伶心灰意冷咁苦笑起嚟,將手上面嗰罐酒一飲而盡。

穎怡又再開多罐酒俾月伶,兩個人默默無言咁遙望喺公園其他打情罵俏嘅情侶。

「暗戀咗佢咁耐,你唔攰咩?」穎怡率先打破沉默,用膊頭撞一撞月伶。

「點會唔攰啊師兄…」月伶翻過身,又舉起酒飲咗一大啖。
2021-01-25 21:50:24
「邊個唔想move on啊?成件事就好似…你明知做個份卷一定會炒,但係你死都要頂硬上咁。但係我放唔低佢啊」佢腦海浮現以往同曦銘相處嘅點點滴滴,諗起自己喺對方心目中可能只係一個師妹嘅事實,不自覺地用手揞住對眼,沒精打采地講道。

「我覺得成個人好似唔再屬於自己嘅咁,九成心情都受佢嘅一舉一動影響。」月伶繼續緩緩講道,穎怡亦默默咁聽佢訴苦。

「明明我喺佢眼中可能係一個不值一提嘅存在,但係我總係有股莫名其妙嘅佔有慾…見到佢同其他人行近啲就會好介意,更加唔使講佢同其他女打機嗰陣。」月伶愈講,個心就愈沉。

「唔好頹住,我都幫你行咗第一步啦,咪幫你睇吓個條女咩料囉。」穎怡一想像到月伶心灰意冷嘅樣子,就更加堅定咁要出手幫佢。

「老實講,我而家反而有啲希望桃味糖係曦銘條女。咁我至少會知難而退,唔使再活喺呢種不停呷醋嘅循環中。」月伶開始自嘲道。

「可能下個更可愛呢~」穎怡用手拍咗拍月伶嘅膊頭去安慰佢。

「佢已經係最可愛嗰個啦,唔會再有下一個。」月伶啞然失笑:「就算有咁多個人追我,我都唔覺佢哋有咩特別好。」

「放心啦,我實盡力幫你。」穎怡安慰道,佢漫不經心望去遠處,好奇咁諗到底靚仔走咗未。

果然,穎怡喺公園出口嘅位置睇到熟悉嘅身形。然而位置太遠,佢唔知道靚仔究竟望緊去邊。

「點解可以咁陰魂不散…」穎怡即刻心虛咁將視線移開。

「點解可以又會撞到佢嘅?」跑完步嘅浩俊輕輕咁喘住氣,佢望住穎怡坐嘅位置,感覺自己今日嘅運氣唔太對路。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞