是咁的,我鍾意咗隻網絡人妖。
食完屎無飯痾
760
回覆
40 Like
13 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
食完屎無飯痾
2021-06-05 21:40:36
唔洗啦
個故咁柒就由佢啦
食蕉好嗎?
2021-06-06 11:01:23
推
食蕉好嗎?
2021-06-06 11:07:25
好多年前我都有做過網絡人妖
當年高登有排興組團扮女人玩狗公,果陣成班人扮單親媽媽,好壞嘅姐姐,咩都唔識嘅妹妹同妹妹嘅同學。
長篇大論整左成個story黎去起左個有老婆嘅阿叔底
Btw, 我果陣是妹妹哦~~最鐘意姜b
食完屎無飯痾
2021-06-06 13:39:15
頂
原來係同行
我都試過,不過未到你咁癲起埋人底
食蕉好嗎?
2021-06-06 17:04:05
果陣有個廢中,一連加左幾個女都係巴打,然後話有老婆有女想搵d娛樂
食完屎無飯痾
2021-06-07 15:43:33
(54)
穎怡從來未試過送禮物俾異性,以往類似嘅經歷無非都係喺中學聖誕聯歡會交換禮物。
嗰年咁啱係一個男同學抽到穎怡悉心準備嘅青蛙造型廁紙筒。當時對方扭成一團嘅表情仍歷歷在目。
又或者係喺表弟生日嗰陣偷偷地塞個Tenga飛機杯去對方背囊入面。
咁唔通要送個飛機杯俾浩俊咩?
記憶中第一次遇到浩俊,都係源於自己按捺不住衝動偷影對方。今時今日仲送個飛機杯過去,仲唔係「性暗示星矢」嘅究極版?
佢會唔會當咗自己係欲求不滿嘅痴女?
穎怡耷低頭使勁地捽起塊面,洗走一切胡思亂想。
當一個腦唔夠使嗰陣,三個臭皮匠總能勝過一個諸葛亮。穎怡果斷地打電話向朋友求救。
食完屎無飯痾
2021-06-07 15:43:48
「你哋呢排唔係成日傾偈咩?佢有冇同你提過自己嘅喜好?」海螢一連串問題令人頭昏腦脹。
穎怡打開同浩俊嘅Whatsapp紀錄,不禁好奇起到底係幾時開始習慣同對方吹水。
由早晨到早唞,浩俊咁多日以嚟一次都冇漏過,一切似乎係由聖誕節嗰朝萌芽,然後到病咗嗰刻起愈發頻繁地關心自己。
看似平平淡淡嘅問候一直都冇放上心,直到海螢提起之後先發現一切暗藏玄機。
浩俊一直都係主動關心穎怡嗰個,而自己的確從來冇過問對方嘅事。
「我淨係知道對方食唔到辣,同唔鍾意食筍…」穎怡支支吾吾地回答道。
「知道細節都係好事嚟嘅…只不過對揀份禮物冇幫助囉。」海螢無言以對。
死啦,呢樣嘢仲要係未相認之前先得到嘅資訊。到底我係有幾唔了解每日都同自己傾緊偈嘅人?穎怡扶額嘆氣。
食完屎無飯痾
2021-06-07 15:44:18
「我哋同你出去買咪得囉。」月伶聽咗穎怡嘅心路歷程後簡潔地回應道。
「呢啲先叫做到嘢吖嘛!」
採取行動畢竟比紙上談兵更有效率。半個鐘之後三個人同樣地企喺荃灣西Donki門口,望住密密麻麻嘅人頭躊躇不定。
「Donki相戀意中人,荃灣西裡等—」穎怡輕輕哼起歌去發洩無奈心情。
「擠擁處間極親密,暢銷抵價在這尋。」海螢細細聲接埋下一句,結果換來月伶一個白眼。
「點呀,唔係買禮物嘅話我返去㗎喇。」月伶率先行入人群中。
Donki就係一個龐大嘅迷宮,周遭貨品琳瑯滿目,隨眼一望都係一排排嘅鮮艷包裝。
食完屎無飯痾
2021-06-07 15:45:58
要唔要整個零食背囊俾對方呢?送嘢食實冇死㗎喎。穎怡拎起一包卡樂B薯片,眼球不斷地數過其他相似嘅包裝蝦條。
「唔好搞咁多嘢啦。」企喺隔籬嘅海螢不禁取笑道:「呢啲中學生先會整㗎喎。」
「你係咪唔記得之前有人為咗討好我特登放喺我Locker入面呀?」月伶不屑地將包薯片放返上架:「呢條橋要Ban!」
三個人繼續漫無目的咁東張西望,但都搵唔到似模似樣嘅生日禮物。行到成人區附近嗰陣,穎怡碰巧望到一個男仔拎住個飛機杯穿過布簾行出嚟。
一個鐘前危險嘅想法重新爬上腦海,穎怡打咗個冷震。
「其實你有無諗過—」月伶注意到穎怡目光所投之處,突然靈光一閃:「你送你自己做生日禮物。」
反正月伶已經篤定雙方情投意合,推波助瀾係遲早嘅事。
「係呀係呀。最好綁埋絲帶添。」穎怡半開玩笑道,指尖摸上隔籬一隻毛公仔。
棉花嘅觸感就好似倒數嗰陣嘅浩俊咁— 軟綿綿,令人不知不覺地陷入去。
蛇夫子
2021-06-07 16:49:15
助推
食蕉好嗎?
2021-06-07 20:18:34
推
食蕉好嗎?
2021-06-07 21:12:03
推
食蕉好嗎?
2021-06-07 21:12:31
樓主出咁多文都未1001好過分
食蕉好嗎?
2021-06-08 16:40:13
推
yhseht
2021-06-10 06:59:47
Push 話說樓豬忙緊搵intern?
食蕉好嗎?
2021-06-10 08:27:25
推
食完屎無飯痾
2021-06-10 12:02:51
放棄咗搵intern鳥
呢排有啲唔舒服,同埋因為想寫好啲,星期六再更新一章
食完屎無飯痾
2021-06-10 15:02:39
收返嗰句,而家更新了
食完屎無飯痾
2021-06-10 15:02:57
(55)
浩俊生日嘅事準備得如火如荼,穎怡以往對其他人都冇咁上心。明明只不過係一粒微塵勞碌掙扎多一年嘅證明,但今次隱隱約約有啲唔同。
可能係因為放假無所事事,所以先會咁認真。穎怡再一次搵藉口去解釋一切別有用心嘅準備工作。
禮物大可以行實用路線,要出嚟嘅人都報晒名,但有啲嘢總要向主人公詢問過先可以落決定。
於是穎怡咬緊牙關,打破呢段時間停滯於「早晨」「早唞」嘅僵局,主動邀請浩俊一齊打機。
「喂。」穎怡眼見浩俊嘅icon出現喺屏幕上,開mic嘅時候先發現自己從來冇叫過浩俊嘅名,本身都冇為意,過咗幾日突然講返嘢反而變得尷尬起嚟。
放個假原來仲有智商倒退嘅後遺症。
食完屎無飯痾
2021-06-10 15:03:28
「嗯?」對面似乎啱啱瞓醒,聲線沙啞磁性得令穎怡心頭一震,剎那間慶幸冇其他人聽到呢把聲— 殺傷力太大,呢啲粗重嘢都係自己一個頂就夠。
「你鍾意食咩味嘅蛋糕?」穎怡懶得掩飾,簡單直接咁問出口。
「平時唔鍾意食甜嘢…」浩俊頓咗頓,感覺答案未免過於敷衍,下秒改口:「栗子味唔錯。」
「栗子味啊?」穎怡遲疑片刻,語帶遺憾道:「好啦。」
總要尊重壽星嘅選擇。
「你唔好栗子味咩?」浩俊感覺到對方語氣間一絲唔情願,無緣無故着急起嚟:「其實你揀咩味我都會鍾意。」
可能係大腦未清醒嘅緣故,浩俊冇三思就直接表達出真實想法,直直砸喺穎怡心上。
穎怡雖然知道浩俊冇想像中咁難相處,但對方嗰番說話難免令人遐想聯翩。
奇怪。人一旦心生邪念,睇咩都會變味。
食完屎無飯痾
2021-06-10 15:03:40
「你又知我係買俾你?」穎怡平日習慣心直口快,到緊急關頭嗰陣反而口不對心。
浩俊嗰頭冇出聲,顯然冇預想到穎怡會否認準備緊自己生日嘅事實。
「有識嘅人就快生日,想調查吓啲男仔鍾意食咩蛋糕。」穎怡胡亂搵咗個藉口去搪塞,無論點都唔想俾浩俊知道自己對佢咁上心,邊個回想俾人捉到痛腳?
最近除咗浩俊之外的確有其他人即將生日,只不過係穎怡嘅表弟咁解。
今年穎怡一次過喺同一個舖頭買咗表弟同浩俊嘅生日禮物— 前者係一個巨乳動漫人物滑鼠墊,軟綿綿嘅質感足以呵護表弟長年累月都要作上下運動嘅手腕。
後者係一個淨色滑鼠墊,穎怡喺見到深藍色嗰刻就不自控地諗起浩俊,於是下定決心買俾對方。
鍾意打機嘅人唔會拒絕一個襟污糟又大嘅滑鼠墊。
「咩男仔嚟?」浩俊聲線染上幾分煩躁,明知自己無權過問穎怡嘅感情生活,但一得知有其他異性嘅存在不免有啲在意。
食完屎無飯痾
2021-06-10 15:04:25
「冇呀,表弟嚟。」穎怡輕輕笑起嚟,無意再作弄對方。
「哦。」浩俊再次無言以對,好似俾人整蠱完一輪咁有啲唔啹。
浩俊好似每一次都會誤會穎怡身邊嘅親戚為對手,到底係過於敏感定對自己過於自卑。
聽到答案嘅嗰刻就好似放下心頭大石。
對浩俊而言,穎怡唔係僅僅識咗個零月嘅新朋友,對方更加似係陰魂不散纏咗自己幾年嘅熟人。
唔知點解對方明明淨係當住自己面放聲大哭咗嗰一段時間,就已經足以深深印喺腦海中揮之不去。
穎怡同陰晴不定嘅天氣差唔多,連大交合都預測唔到對方下一秒嘅反應。浩俊自己亦不外如是,最近自己嘅情緒變得愈嚟愈唔穩定,連自己都摸唔透點解可以咁大變化。
浩俊唯一肯定嘅係自己恨不得時間快進到幾日之後。畢竟,今次係第一次同穎怡一齊慶祝生日。
yhseht
2021-06-10 16:51:05
我都放棄咗😂 做住廢青等樓豬po文
蛇夫子
2021-06-10 20:20:49
更新了,推。
食蕉好嗎?
2021-06-10 22:06:49
推
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞