我和鄰居大姐姐的故事（4）

葉開葉開 2020-12-24 19:34:46

七十九

「男朋友？」Ada瞇埋眼睛望一望我：「雖然係你呢個新男朋友係靚仔一名，但Kitty姐妳轉左性戀童呀？」

呢條撚樣都幾冇禮貌，我有啲火火地：「童妳老母！」

「喂你…！」

「哎呀～哎呀～咁我口味係轉左嘛，又靚仔又大隻仔又『勁』～」Kitty姐姐急住打圓場：「唔好講我喇～呢位哥哥仔就係妳新男朋友～？」

哦…新男朋友…

係咪即係呢個Ada換男朋友都換得好撚密呢？

Ada於是橫左我一眼，轉而答道：「係呀，佢叫Alexander。」屌你老味，個名叫騎呢既。

肥仔Alexander怕怕醜醜咁一笑：「你好。」

「哈哈～你地兩個就係A & A～」Kitty姐姐搞爛gag。

「好爛囉唔該。」Ada一臉嫌棄。

「哈哈，唔係吖，幾好笑。」肥仔回答。

「我話爛就爛喇！」Ada不滿地道。

「係既係既…」肥仔賠笑道。

呢條肥仔好似好好恰咁，唔撚怪之得比我既first impression就係Ada食撚住佢咁喇。

「哎呀～我地快啲點歌先喇！」Kitty姐姐拖住我響疏化上面坐低，再用個搖控器響度點點點歌。

我其實第一次黎乜鳩都唔識，自己又冇聽歌，所以我淨係得個聽字。順帶一提，Kitty姐姐唱歌又意外地幾撚好聽喎。

不過好彩既係有K Buffet食，對於我黎講自助餐真係好新鮮，雖然後尾Kitty姐姐話其實啲食物質素好一般，但我就覺得啲野食好好味。

結果佢地有佢地唱，我有我食。

亦都好彩我keep住有野食，可以分下心唔駛諗住秋兒姐姐今晚去開既黃社聖誕party…

唔駛諗社長會點同佢製造機會二人獨處…

唔駛諗…

…

…

…

但我而家仲響度諗緊…

*

不得不講既係，兩條女既唱功應該唔錯，雖然我對Ada既印象好差，但不得不承認佢唱歌係幾好聽。

Alexander就唱得好撚難聽，佢唱既時候我見到Kitty姐姐係咁忍撚住先可以唔笑。

不過雖然Ada睇落對Alexander好多怨言，但係Alexander要錫要攬要抽水又好，Ada縱使一臉唔願意，都會照比佢做。

老老豆豆，如果係過左十幾年之後既而家，我會覺得佢係一個服務態度好撚差既ptgf。

不過都埋單果陣我就知點解…因為肥仔一個請晒我地咁多個人唱K。

「多謝喎～」Kitty姐姐道：「妳男朋友真係有錢～」

「梗係喇！」Ada講完之後白左我一眼。

屌妳吖，我明妳想講咩！

但佢又真係冇講咩…所以我只能夠忍鳩住…

我地唱完K之後都差唔多六點，所以就一齊離開，響正門道別。

Ada撟住肥仔話：「Alexander呢就book左B酒店既自助餐同我二人世界，所以我地而家過去先喇～Kitty，下次再見喇！」然後好似炫耀咁向我白一白眼。

屌吖。

「今日好開心呀～Ada姐～」Kitty倒係好似睇唔明Ada背後既意思咁，向佢愉快咁道別。

*

響平安夜既銅鑼灣街道之上，行人熙來攘往，加埋四周圍既聖誕節裝飾，其實好熱鬧、好溫暖。

Kitty姐姐就係咁拖住我隻手，響銅鑼灣度周圍行街睇野。

明明應該係好溫馨先啱，但我心入面總係記掛緊某樣野。

我都唔知點解會咁在意。

唉，我要整理好心情，好好咁享受呢個平安夜先。

「喂，淫賤既Kitty！」我毫無掩飾咁叫住Kitty姐姐。

我想令自己只係專注眼前呢隻淫娃。

「作死你咩！」Kitty姐姐輕輕力咁打落我手臂度：「啲人望住喇！」

「乜妳唔係咩？」我諗起呢條姣婆好似幾鍾意玩野外露出，咁都仲唔係淫賤？

「係啫…」

「係喎！妳仲乜話我係妳男朋友！」我已經唔係破處果陣既余正熙，Kitty姐姐呢種逢場作戲既語氣係呃我唔到既。

「嘻…做我男朋友唔好咩？」

「屌妳，問妳就答喇。」我微怒。

我咁都有得嬲，可能真係同秋兒姐姐去黃社個濕鳩party所以心情唔好有關…

「玩下咋嘛～唔好嬲喇～」說著響我面頰錫左一啖，又道：「因為Ada話要帶埋男朋友出黎嘛～咁我為左唔好一個自己出黎咁丟架，所以咪搵你扮我男朋友囉～」

都幾無聊。

「我唔鍾意妳個朋友。」我同Kitty姐姐講：「我最撚憎人當我小朋友。」

係好好好好好好好撚憎。

「唔好咁喇。」Kitty姐姐道：「佢都係冇心啫。」

佢係妳朋友所以妳先咁講啫，我就唔係好覺。

「妳都當過我係小朋友架！」

「唔通就係因為咁所以一開始你唔鍾意我？」Kitty姐姐好似有小吃驚。

「係又點，吹咩？」

「今晚就幫你吹…」Kitty姐姐淫淫地道…

佢真係…夠晒淫…

（待續）

Monomer(無鋁) 2020-12-24 19:37:40

six nine nine