我和鄰居大姐姐的故事(4)

1001 回覆
131 Like 6 Dislike
2021-01-03 14:27:51
今晚有文?
2021-01-03 14:30:57
2021-01-03 14:57:44
尾已爛
2021-01-03 19:02:33
放心,寧死不棄
2021-01-03 19:03:49
新年hea左幾日好鬼舒服,好耐未試過唔駛趕稿既日子,比我抖埋今日

聽日七點至八點會更新
2021-01-03 19:51:52
唔夠甜就棄故
2021-01-03 19:55:07
屌左成個禮拜仲唔夠甜 想睇個故推進
2021-01-03 20:24:14
你不如去睇av算啦
2021-01-03 22:38:50
巴打嗰故係諗住寫到主角升U?
2021-01-04 00:11:03
即然性誕冇特別篇
咁我申請新春特別篇
有成個月畀你準備冇得say no
2021-01-04 00:12:43

然性誕冇特別篇
咁我申請新春特別篇
有成個月畀你準備冇得say no
2021-01-04 02:49:04
2021-01-04 09:28:26
2021-01-04 19:19:08
唔好意思,趁住新年放假休息左幾日偷下懶

而家出文喇
2021-01-04 19:19:18
八十六

我唔想再糾纏響我今晚去左邊度玩,因為驚講講下會露餡,於是轉變話題,問秋兒姐姐:「咁妳呢?今晚玩得開唔開心。」

秋兒姐姐面上突然間一紅,道:「都開心既,不過發生左小小事,所以我早左返黎。」

見到秋兒姐姐既反應,我突然心中有啲不安,於是追問:「發生左咩事?」

秋兒姐姐更加有啲忸忸怩怩,道:「其實都冇咩事。嗯…可能…嗯…因為我覺得唔想太夜走,所以走左先。」

「太夜…?」我當然知道秋兒姐姐唔鍾意去夜街,但我覺得呢個唔係佢早走既原因。

而且見到佢忸忸怩怩,我心中好似更加不安…

「係呀,佢地而家應該都仲玩緊,所以我就走先。」秋兒姐姐答道。

我覺得有啲奇怪…

唔通係同社長有關?

我…應唔應該直接問…

但我有咩資格去過問?我今晚做過啲咩黎?

哈。

但…

無論係點都好…

就算我冇資格去插手…

我都好想知…

「所以妳就早左返黎?」我問。

秋兒姐姐點點頭。

「自己一個?」我追問。

秋兒姐姐怔左一怔,道:「嗯…」







「唔係。」







我個心好唔舒服。

我冇追問落去,因為我直覺話比我知,果個人陪秋兒姐姐返黎既人係社長。

之後我地一小段路大家都冇出聲。我就係灰緊,但秋兒姐姐雖然係面紅紅,但好似係認真思考緊啲野,並唔係尷尬。

「吖,唔好意思,我掛住諗野添。」秋兒姐姐好似由沉思之中清醒返,向我道歉。

我搖搖頭,心入面繼續胡思亂想。

我諗…

或者我只係唔想失去左個家姐。

之後一段路,秋兒姐姐都對我噓寒問暖,問我第一次去同學屋企好唔好玩、同啲同學又相處成點…

秋兒姐姐其實真係好關心我…

只係…

佢越問,我就越心虛…再加上我心情突然變壞,所以我都答得好求其…

好快,我地就返到屋企,秋兒姐姐就陪我入埋屋。一入去,就見到老豆撟起隻腳響疏化睇緊報紙,似乎係諗住等埋我返黎先訓。

「老豆。」我道。

「你個衰仔。」老豆失笑道:「你咁夜仲打擾到秋兒,要佢落去接你!你睇人地秋兒姐姐幾錫你吖!」

秋兒姐姐微笑道:「唔好咁講,係我自己想落去接熙熙既。」

我心入面湧起一陣內疚…

「不過大時大節…一次半次都OK喇!下次自己返黎好喇,唔好再要麻煩秋兒!」

「嗯…」明明自己最親愛既兩個人就響我旁邊,我反而沒精打采…

「你睇你…」老豆啞然失笑:「玩到咁夜自己都攰喇,入去訓先喇!聽朝先沖涼。」

此言一出,秋兒姐姐好似醒起啲咩咁望一望我…







佢唔會發覺到我啱啱先沖完涼下嘛?

一來我心虛、二來為左唔好令秋兒姐姐起疑竇,於是我拿拿淋扮到好攰咁講:「嗯…咁我去訓先…」


再望住秋兒姐姐,用我可以扮出最真誠既眼神道:「秋兒姐姐,多謝妳接我返黎。」

秋兒姐姐本來好似諗緊野,不過一聽到我咁講,就轉左個甜美既笑容,甜甜地笑道:「我應該既。」

「早抖老豆。」講完之後我都轉身行返入房訓。

*

第二日雖然係聖誕節,但係之前果一晚玩得太夜而且做得太多床上運動,所以我好晏成十一點幾先起身。

不過,秋兒姐姐似乎一早就起左身,仲整左早餐拎過黎我屋企擺左響飯枱。

雖然訓到十一點幾,但尋晚一路訓一路亂鳩咁諗野,所以睡眠質素真係麻麻地。

食過早餐之後,我將隻碟拎返過秋兒姐姐屋企,諗住順便留意下秋兒姐姐同平時有冇啲咩唔同。

「熙熙?」秋兒姐姐打開門比我入黎:「哦,隻碟擺響廚房星盤度就得架喇,我一陣間會洗。」

「唔該秋兒姐姐。」我將隻碟放上星盤,之後再出去望下佢:「妳響度做緊咩?」

「溫書囉。」秋兒姐姐溫柔地道:「放完假就考試架喇,你食完早餐都好早啲溫習喇。」

「咁我而家拎啲書過黎溫習吖。」咁我就有藉口睇住秋兒姐姐全日了。

「呵,我都未見過你咁主動話溫書既。」秋兒姐姐微笑道:「你拎過黎喇,有唔識既我都可以教下你。」

「好!」於是我歡天喜地咁去將啲課本、碌屎拎過去秋兒姐姐屋企,開始我既監視…唔係,係溫書之旅了!

(待續)
2021-01-04 19:25:22
2021-01-04 19:52:22
「發生咗小小事」
冇喇冇喇
2021-01-04 20:12:49
可能社長表白啫 無事嘅
2021-01-04 22:56:15
「發生咗小小事」
冇喇冇喇
可能社長表白啫 事嘅

2021-01-05 01:17:51
2021-01-05 01:18:31
秋兒唔好比社長食
2021-01-05 03:32:12
講真如果秋兒比人搞左or whatever
即刻棄故
By忠實讀者
2021-01-05 08:03:10
社長條軟皮蛇入唔到窿,所以走先
2021-01-05 08:52:47
帽事,帽事
放心!
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞