《家姐話，幫我追女仔》
偏偏喜歡你
1001 回覆
561 Like
17 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
抖下都要
家姐聖誕節實俾阿輝呃蝦條，我諗樓主唔會咁殘忍既
好，咁我一定要諗一份好嘅禮物送畀婷婷！
如常返學。
調咗位總係好唔慣，一入課室就習慣性咁行去我之前個位，行行吓先醒起已經調咗位，又去返而家個位。
我依然，會買一包檸檬茶畀婷婷；不過婷婷話實在飲得太多，所以我都係星期二、四先會買畀佢。
我坐喺位等婷婷返嚟——係！我已經慣咗早早咁起身，再早早咁入課室，攞定啲數學練習出嚟畀婷婷，或者mark返啲重點出嚟。
跟住，我就見到婷婷都入咗嚟啦，佢同我一樣，都行錯咗去原本嗰個座位。
我嘅目光一直喺婷婷身上，當佢發現自己行錯，都抬一抬頭笑自己，然後見到我望住佢。
好似，畀我見到佢出醜咁，所以婷婷唔好意思咁望住我傻笑，然後再慢慢一步步咁行過嚟；向住我嘅方向，面帶笑容咁行過嚟——有冇人明呢種感覺，自己鍾意嘅人對住自己、笑住咁過嚟，只係咁單純嘅一個舉動，都好似好值得不斷回味。
「早晨，行錯咗添！」婷婷講。
「我都係啊。」我答。
婷婷好快就坐低，擰轉身，自然咁接過我嘅檸檬茶同埋練習：「多謝。」
呢個時候，Chris就入咗嚟，坐咗喺婷婷隔籬，同我哋say hi；婷婷由原本望住我，到望住Chris。
Chris坐低，同婷婷講：「我買多咗份三文治呀，一齊食吖？」
「我食咗早餐啦。」事關，我冇再買燒賣魚蛋畀婷婷，佢話屋企人叫佢留喺屋食，健康啲。
「Share半份畀你吖？好少㗎咋。」Chris向婷婷展示厚度：「如果唔係我食唔晒就嘥㗎啦。」再默默咁望住婷婷。
雖然婷婷面有難色，亦都察覺到我嘅目光，所以都望一望我；但係婷婷都係話：
「好啦，少少得啦。」
我喺後面聽住，有少少莫名嘅不忿，不過冇人睇得見，而我都唔知我不忿啲咩。
「你仲有檸檬茶添喎——我知，楊文俊買畀你嘅！」Chris用我聽到嘅聲量提起我，但仍然無視我。
「係啊，你又知嘅？」婷婷好奇。
「我知道見到啊。其實一直都想同你講，檸檬茶冇益㗎，又多糖。」Chris答。
其實Chris係冇講錯嘅，但我忍唔住講：「鍾意咪得囉。」
「鍾意都唔一定好㗎嘛，咁就要揾其他嘢取代。」Chris應完我，同婷婷講：「冷泡茶你啱唔啱啊？而且又無糖。」
「唔啱，婷婷鍾意甜。」我喺後面代婷婷答。
「唔係問緊你啊。」Chris稍稍轉頭望咗我一眼，然後又用眼神問婷婷。
「唔使啦唔該，我鍾意甜嘢。」婷婷望一望我，再答。
YES！感覺好似婷婷撐我咁。
「咁你都飲少啲手頭上嗰包啦。」Chris訕訕。
婷婷望住檸檬茶，又真係冇再好似以前咁飲，而係咬咗三文治先。當然啦，我就冇咩資格講啲咩，但我見到，個心都有少少唔舒服。
婷婷一邊食，一邊做練習；Chris問：「好勤力喎。」
「唔練唔進步。」婷婷答。
「有咩唔識，可以問我啊，我應該都得。」Chris講。
「唔使麻煩你啦，佢唔識嘅問我就得啦，之前一直都係咁。」我向前面講，強調「一直」。
婷婷都點頭，之後冇再理過我哋。
Chris成個身擰去右邊，只對我講：「你得唔得㗎？」啫係質疑我咁話啦喎？
我數學係第二，Chris係第一，每次，都係差少少、少少，好偶然先會有一次高分過佢。
「OK㗎我都。」我唔執輸。
Chris係乞人憎版嘅出木杉，佢靚仔、聰明、成績好，乜都識啲咁，好多人都葡萄佢；但點解乞人憎呢？係佢身邊實在太多女，真係幾乎大部分女仔都鍾意過佢咁濟，佢亦都有同過其他班嘅班花拍拖，係得自己班嘅婷婷冇，或者未。
我唔會畀呢件事發生。
「好好好，但而家婷婷問我會方便啲囉。」Chris講。
「大家咁近，有咩唔方便？」我反駁。
「後面點及隔籬呀，我同佢講嘢細聲少少，你都已經聽唔到啦。」Chris講。
下一秒，佢就擰返過去，喺婷婷耳邊講咗啲嘢，之後婷婷就喺度笑，再細細聲答佢兩句。
Chris向我嘅方向斜視，好似喺度講：「見到啦？」
頂，好想知佢哋講緊咩。
之後上堂，我成日都見到前面嘅Chris有陣時會同婷婷講吓嘢，婷婷都有畀反應，笑吓、點吓頭、講吓嘢，但我乜都聽唔到；有時，見到Chris指住婷婷本書，再指一指黑板，好似同佢講解緊咁——
之前做呢啲嘢嘅人，一直都係我；而家係Chris Wong條撚樣？你都咁多女埋身啦，可唔可以唔好搶走婷婷？我好似畀你取代咗咁。
我專心唔到，實在睇得太清楚Chris嘅姿勢，同埋婷婷嘅神態。
英文堂又有嗰啲咩二人同隔籬位輪流present，喺我聽緊隔籬肥仔傑讀稿嗰時，其實對眼同對耳都早已飄走，留意前面做緊咩——婷婷好認真咁正眼望住Chris，一邊流暢咁講英文。
「Good！」Chris畀咗個手指公，扮係扱印咁，扱喺婷婷嘅膊頭上面。
快啲放開佢！我都冇試過咁樣對婷婷；但係，我唔可以講出口！
最緊要嘅係，婷婷冇講啲乜，只係由Chris，然後又專心聽Chris嘅feedback……
其實只係咁，但都已經令我，十分不爽……
-
樓主ig: chingceciii
https://instagram.com/chingceciii?r=nametag
如常返學。
調咗位總係好唔慣，一入課室就習慣性咁行去我之前個位，行行吓先醒起已經調咗位，又去返而家個位。
我依然，會買一包檸檬茶畀婷婷；不過婷婷話實在飲得太多，所以我都係星期二、四先會買畀佢。
我坐喺位等婷婷返嚟——係！我已經慣咗早早咁起身，再早早咁入課室，攞定啲數學練習出嚟畀婷婷，或者mark返啲重點出嚟。
跟住，我就見到婷婷都入咗嚟啦，佢同我一樣，都行錯咗去原本嗰個座位。
我嘅目光一直喺婷婷身上，當佢發現自己行錯，都抬一抬頭笑自己，然後見到我望住佢。
好似，畀我見到佢出醜咁，所以婷婷唔好意思咁望住我傻笑，然後再慢慢一步步咁行過嚟；向住我嘅方向，面帶笑容咁行過嚟——有冇人明呢種感覺，自己鍾意嘅人對住自己、笑住咁過嚟，只係咁單純嘅一個舉動，都好似好值得不斷回味。
「早晨，行錯咗添！」婷婷講。
「我都係啊。」我答。
婷婷好快就坐低，擰轉身，自然咁接過我嘅檸檬茶同埋練習：「多謝。」
呢個時候，Chris就入咗嚟，坐咗喺婷婷隔籬，同我哋say hi；婷婷由原本望住我，到望住Chris。
Chris坐低，同婷婷講：「我買多咗份三文治呀，一齊食吖？」
「我食咗早餐啦。」事關，我冇再買燒賣魚蛋畀婷婷，佢話屋企人叫佢留喺屋食，健康啲。
「Share半份畀你吖？好少㗎咋。」Chris向婷婷展示厚度：「如果唔係我食唔晒就嘥㗎啦。」再默默咁望住婷婷。
雖然婷婷面有難色，亦都察覺到我嘅目光，所以都望一望我；但係婷婷都係話：
「好啦，少少得啦。」
我喺後面聽住，有少少莫名嘅不忿，不過冇人睇得見，而我都唔知我不忿啲咩。
「你仲有檸檬茶添喎——我知，楊文俊買畀你嘅！」Chris用我聽到嘅聲量提起我，但仍然無視我。
「係啊，你又知嘅？」婷婷好奇。
「我知道見到啊。其實一直都想同你講，檸檬茶冇益㗎，又多糖。」Chris答。
其實Chris係冇講錯嘅，但我忍唔住講：「鍾意咪得囉。」
「鍾意都唔一定好㗎嘛，咁就要揾其他嘢取代。」Chris應完我，同婷婷講：「冷泡茶你啱唔啱啊？而且又無糖。」
「唔啱，婷婷鍾意甜。」我喺後面代婷婷答。
「唔係問緊你啊。」Chris稍稍轉頭望咗我一眼，然後又用眼神問婷婷。
「唔使啦唔該，我鍾意甜嘢。」婷婷望一望我，再答。
YES！感覺好似婷婷撐我咁。
「咁你都飲少啲手頭上嗰包啦。」Chris訕訕。
婷婷望住檸檬茶，又真係冇再好似以前咁飲，而係咬咗三文治先。當然啦，我就冇咩資格講啲咩，但我見到，個心都有少少唔舒服。
婷婷一邊食，一邊做練習；Chris問：「好勤力喎。」
「唔練唔進步。」婷婷答。
「有咩唔識，可以問我啊，我應該都得。」Chris講。
「唔使麻煩你啦，佢唔識嘅問我就得啦，之前一直都係咁。」我向前面講，強調「一直」。
婷婷都點頭，之後冇再理過我哋。
Chris成個身擰去右邊，只對我講：「你得唔得㗎？」啫係質疑我咁話啦喎？
我數學係第二，Chris係第一，每次，都係差少少、少少，好偶然先會有一次高分過佢。
「OK㗎我都。」我唔執輸。
Chris係乞人憎版嘅出木杉，佢靚仔、聰明、成績好，乜都識啲咁，好多人都葡萄佢；但點解乞人憎呢？係佢身邊實在太多女，真係幾乎大部分女仔都鍾意過佢咁濟，佢亦都有同過其他班嘅班花拍拖，係得自己班嘅婷婷冇，或者未。
我唔會畀呢件事發生。
「好好好，但而家婷婷問我會方便啲囉。」Chris講。
「大家咁近，有咩唔方便？」我反駁。
「後面點及隔籬呀，我同佢講嘢細聲少少，你都已經聽唔到啦。」Chris講。
下一秒，佢就擰返過去，喺婷婷耳邊講咗啲嘢，之後婷婷就喺度笑，再細細聲答佢兩句。
Chris向我嘅方向斜視，好似喺度講：「見到啦？」
頂，好想知佢哋講緊咩。
之後上堂，我成日都見到前面嘅Chris有陣時會同婷婷講吓嘢，婷婷都有畀反應，笑吓、點吓頭、講吓嘢，但我乜都聽唔到；有時，見到Chris指住婷婷本書，再指一指黑板，好似同佢講解緊咁——
之前做呢啲嘢嘅人，一直都係我；而家係Chris Wong條撚樣？你都咁多女埋身啦，可唔可以唔好搶走婷婷？我好似畀你取代咗咁。
我專心唔到，實在睇得太清楚Chris嘅姿勢，同埋婷婷嘅神態。
英文堂又有嗰啲咩二人同隔籬位輪流present，喺我聽緊隔籬肥仔傑讀稿嗰時，其實對眼同對耳都早已飄走，留意前面做緊咩——婷婷好認真咁正眼望住Chris，一邊流暢咁講英文。
「Good！」Chris畀咗個手指公，扮係扱印咁，扱喺婷婷嘅膊頭上面。
快啲放開佢！我都冇試過咁樣對婷婷；但係，我唔可以講出口！
最緊要嘅係，婷婷冇講啲乜，只係由Chris，然後又專心聽Chris嘅feedback……
其實只係咁，但都已經令我，十分不爽……
-
樓主ig: chingceciii
https://instagram.com/chingceciii?r=nametag
男主主動啲啦
唔係既話婷婷就會比chris搶走架喇
唔係既話婷婷就會比chris搶走架喇
Chris Wong仆街死全家
Lm
Chris Wong死全家。
Chris Wong正仆街
Chris呢啲人渣無啦啦撩事鬥非
明明條女本身都會飲檸檬茶
因為條Chris Wong叫就無飲
咁樣係咪代表Chris Wong重要過男主？
因為條Chris Wong叫就無飲
咁樣係咪代表Chris Wong重要過男主？
lm
其實只係咁，但都已經令我，十分不爽……
我認我係呷醋。
如果Chris唔係乞人憎版嘅出木杉，而係好似我隔籬嘅肥仔傑咁，咁我應該會覺得冇乜嘢。
啫係呢，其實Chris已經乜都有，樣佢又靚仔，成績又掂，多才又多藝，仲要身邊大把女；如果佢真係有心冧婷婷，真係唔難——男神喎，好少媾唔掂女㗎嘛？
我有危機感。
而而家，只係啱啱調位，Chris就好似、已經搶走晒原本我同婷婷會一齊經歷嘅事。
仲要，佢好似真係想搶咁，而唔係咁啱得咁橋。
Lunch time返到嚟，我見到婷婷枱面多咗條繽紛樂；婷婷未入課室，而Chris已經喺佢隔籬坐緊。
可能見到我望住婷婷枱面，Chris就同我講：「你係咪想食啊？但我只係買咗兩一包，得兩條咋，我同婷婷一人一條。」
「唔想喎，但點解你要買畀婷婷？」我問。
「啱啱英文堂講起童年回憶吖嘛，咪買佢嘅童年畀佢回味一吓——我諗你唔會唔知啩？」Chris答，仲寸寸貢咁。
「點會？」但其實，我真係唔知婷婷想食。
但都由呢刻開始，我知道，Chris想追婷婷，如果唔係點會咁做？又唔係得閒。
我沉默兩秒，再講：「唔好搞婷婷啦，你咁多女。」
好似將一切都攤開，正如佢都睇得出我對婷婷有意，先會寸我。
Chris挑眉：「識吓朋友啫，唔使咁㗎喎。買嘢畀佢食，又唔係你尊屬。」
「你又知我有？」
「唔係盲嘅都見到啦。」
即係Chris一直都有望過嚟啦，一直都有望住婷婷啦——又難怪嘅，班花之中，得婷婷佢冇追過咋！
呢個時候，婷婷都入咗嚟，見到枱頭條朱古力，驚喜地問咁啱喺枱前嘅我：「你買㗎？你又知嘅？」
阿俊又知我鍾意？我又提過咩，定佢咁啱估得中？
我望住婷婷呢吓嘅驚喜樣，有啲心痛——因為知道嘅人其實唔係我；只係調咗個位，為佢帶嚟情緒轉變嘅人，原來可以唔係我。
「Chris買㗎。」我答。
婷婷側一側頭，唔自然咁講：「吓——哦、哦，好。」然後攞出銀包，畀返錢Chris。
哎吔，你咁啱企喺我枱前，以為係你買嘅添，等我仲開心咗一吓。但點解Chris又咁好人嘅？明明我哋都唔係太熟。
「唔使啦，幾蚊咋。」Chris講。
「要嘅，多謝你。」婷婷拒絕。
爭人嘢唔太好嘅。
哦，其實佢哋都係唔太熟嘅。我買嘢畀婷婷，其實佢都有畀返我，不過係補習費畀多啲家姐，當係幫我補吓我嗰份錢；但至少，唔係佢哋而家好似好疏離咁吖。
「真係客氣。」Chris笑住講：「你家教好好喎。」
「哈哈。」婷婷唔知點應，就咁樣笑。
我喺佢耳邊講：「以後你鍾意咩，我都可以送畀你。」
婷婷笑：「做咩啊你？」
你今日好奇怪呀？又冇點出聲，一開口就咁。
Chris坐喺度見住我哋兩個陰住陰住咁傾偈，就講：「不如坐低先傾啦。」佢都不滿聽唔到我哋吱吱浸啩——咪同之前我聽唔到你哋一樣囉……
仲要，Chris聽唔到係一時，我聽唔到將會係成個月呀！
婷婷聽到就坐喺位啦。但我哋一坐低，Chris又淨係同婷婷講嘢：「好悶啊而家，有咩做？」
「伏喺度休息吓囉。」婷婷答。
「不如我哋一齊玩天下太平啦。」Chris提議。
「吓——」我喺後面忍唔住細細聲叫咗出嚟，咁多嘢你唔玩，同我撞橋？電話唔好玩咩、覺唔好瞓咩，係都要學我做old-school嘢。
「唔要，」婷婷答：「我要做嘢。」
叻女！係囉，玩乜喎。
然後，婷婷又好似諗起啲咩咁，擰轉身，同我講：「上次張紙我未抌㗎，仲喺度。」
我反應唔嚟：「吓，咩紙？」
「咁就算啦，冇嘢啦。」然後婷婷又擰返轉頭，繼續做嘢。
我每日都夾住喺手冊裏面㗎，諗住你會記得我哋可以繼續玩埋未完嘅天下太平！我以為，你會記得添！
竟然我有少少失望。
唔知點解，其實我平時冇咁小氣㗎，但而家好似都係有少少失落咁；我原本覺得你一定記得㗎嘛。
我又真係醒唔起。
Chris都只係望一望我，眼光裏面有種「你憑咩？」嘅感覺。
我知道，佢想追婷婷，而佢覺得有壓力了——因為婷婷理我多過理佢。
雖然係咁，我仍然知道，只要Chris再發力，日子耐咗不斷做返我做嘅嘢，其實婷婷都會理得佢多啲。
而呢一刻，Chris根本冇失望，或者冇表現出嚟，只係望住婷婷做數，有時會同佢講，用某個方法快啲；婷婷都真係專心聽，同表現出崇拜，同有時望住我嘅樣係一樣。
放學嗰陣時，Chris又同婷婷一齊擺書，我喺後面望住佢哋、跟住佢哋，突然覺得好攰。
鍾意咗班花，而競爭對手係個乜都掂嘅靚仔——如果擺上連登問，可否話我知我有幾多成勝算？
而且，上完兩堂中文，婷婷又同Chris傾得埋啲古人嘢；直到放學仲傾得勁開心。
Chris知道我喺後面，又得戚咁對住我笑一笑；事關婷婷呢一陣都冇同我講過嘢。
突然郭靖拍一拍我膊頭：「濕濟喎！Chris從來冇試過媾唔到女㗎；我今日望向你嗰邊，佢同婷婷傾得好開心。」
我認我係呷醋。
如果Chris唔係乞人憎版嘅出木杉，而係好似我隔籬嘅肥仔傑咁，咁我應該會覺得冇乜嘢。
啫係呢，其實Chris已經乜都有，樣佢又靚仔，成績又掂，多才又多藝，仲要身邊大把女；如果佢真係有心冧婷婷，真係唔難——男神喎，好少媾唔掂女㗎嘛？
我有危機感。
而而家，只係啱啱調位，Chris就好似、已經搶走晒原本我同婷婷會一齊經歷嘅事。
仲要，佢好似真係想搶咁，而唔係咁啱得咁橋。
Lunch time返到嚟，我見到婷婷枱面多咗條繽紛樂；婷婷未入課室，而Chris已經喺佢隔籬坐緊。
可能見到我望住婷婷枱面，Chris就同我講：「你係咪想食啊？但我只係買咗兩一包，得兩條咋，我同婷婷一人一條。」
「唔想喎，但點解你要買畀婷婷？」我問。
「啱啱英文堂講起童年回憶吖嘛，咪買佢嘅童年畀佢回味一吓——我諗你唔會唔知啩？」Chris答，仲寸寸貢咁。
「點會？」但其實，我真係唔知婷婷想食。
但都由呢刻開始，我知道，Chris想追婷婷，如果唔係點會咁做？又唔係得閒。
我沉默兩秒，再講：「唔好搞婷婷啦，你咁多女。」
好似將一切都攤開，正如佢都睇得出我對婷婷有意，先會寸我。
Chris挑眉：「識吓朋友啫，唔使咁㗎喎。買嘢畀佢食，又唔係你尊屬。」
「你又知我有？」
「唔係盲嘅都見到啦。」
即係Chris一直都有望過嚟啦，一直都有望住婷婷啦——又難怪嘅，班花之中，得婷婷佢冇追過咋！
呢個時候，婷婷都入咗嚟，見到枱頭條朱古力，驚喜地問咁啱喺枱前嘅我：「你買㗎？你又知嘅？」
阿俊又知我鍾意？我又提過咩，定佢咁啱估得中？
我望住婷婷呢吓嘅驚喜樣，有啲心痛——因為知道嘅人其實唔係我；只係調咗個位，為佢帶嚟情緒轉變嘅人，原來可以唔係我。
「Chris買㗎。」我答。
婷婷側一側頭，唔自然咁講：「吓——哦、哦，好。」然後攞出銀包，畀返錢Chris。
哎吔，你咁啱企喺我枱前，以為係你買嘅添，等我仲開心咗一吓。但點解Chris又咁好人嘅？明明我哋都唔係太熟。
「唔使啦，幾蚊咋。」Chris講。
「要嘅，多謝你。」婷婷拒絕。
爭人嘢唔太好嘅。
哦，其實佢哋都係唔太熟嘅。我買嘢畀婷婷，其實佢都有畀返我，不過係補習費畀多啲家姐，當係幫我補吓我嗰份錢；但至少，唔係佢哋而家好似好疏離咁吖。
「真係客氣。」Chris笑住講：「你家教好好喎。」
「哈哈。」婷婷唔知點應，就咁樣笑。
我喺佢耳邊講：「以後你鍾意咩，我都可以送畀你。」
婷婷笑：「做咩啊你？」
你今日好奇怪呀？又冇點出聲，一開口就咁。
Chris坐喺度見住我哋兩個陰住陰住咁傾偈，就講：「不如坐低先傾啦。」佢都不滿聽唔到我哋吱吱浸啩——咪同之前我聽唔到你哋一樣囉……
仲要，Chris聽唔到係一時，我聽唔到將會係成個月呀！
婷婷聽到就坐喺位啦。但我哋一坐低，Chris又淨係同婷婷講嘢：「好悶啊而家，有咩做？」
「伏喺度休息吓囉。」婷婷答。
「不如我哋一齊玩天下太平啦。」Chris提議。
「吓——」我喺後面忍唔住細細聲叫咗出嚟，咁多嘢你唔玩，同我撞橋？電話唔好玩咩、覺唔好瞓咩，係都要學我做old-school嘢。
「唔要，」婷婷答：「我要做嘢。」
叻女！係囉，玩乜喎。
然後，婷婷又好似諗起啲咩咁，擰轉身，同我講：「上次張紙我未抌㗎，仲喺度。」
我反應唔嚟：「吓，咩紙？」
「咁就算啦，冇嘢啦。」然後婷婷又擰返轉頭，繼續做嘢。
我每日都夾住喺手冊裏面㗎，諗住你會記得我哋可以繼續玩埋未完嘅天下太平！我以為，你會記得添！
竟然我有少少失望。
唔知點解，其實我平時冇咁小氣㗎，但而家好似都係有少少失落咁；我原本覺得你一定記得㗎嘛。
我又真係醒唔起。
Chris都只係望一望我，眼光裏面有種「你憑咩？」嘅感覺。
我知道，佢想追婷婷，而佢覺得有壓力了——因為婷婷理我多過理佢。
雖然係咁，我仍然知道，只要Chris再發力，日子耐咗不斷做返我做嘅嘢，其實婷婷都會理得佢多啲。
而呢一刻，Chris根本冇失望，或者冇表現出嚟，只係望住婷婷做數，有時會同佢講，用某個方法快啲；婷婷都真係專心聽，同表現出崇拜，同有時望住我嘅樣係一樣。
放學嗰陣時，Chris又同婷婷一齊擺書，我喺後面望住佢哋、跟住佢哋，突然覺得好攰。
鍾意咗班花，而競爭對手係個乜都掂嘅靚仔——如果擺上連登問，可否話我知我有幾多成勝算？
而且，上完兩堂中文，婷婷又同Chris傾得埋啲古人嘢；直到放學仲傾得勁開心。
Chris知道我喺後面，又得戚咁對住我笑一笑；事關婷婷呢一陣都冇同我講過嘢。
突然郭靖拍一拍我膊頭：「濕濟喎！Chris從來冇試過媾唔到女㗎；我今日望向你嗰邊，佢同婷婷傾得好開心。」
我喺佢耳邊講：「以後你鍾意咩，我都可以送畀你。」
婷婷笑：「做咩啊你？」
阿俊
Sweet到我覺得自己會有糖尿病
其實阿俊真係唔使太擔心
女仔只要真心鍾意一個人
就算之後有個更好嘅人出現 都唔會變心
所以阿俊只需要更加主動一定會得架
女仔只要真心鍾意一個人
就算之後有個更好嘅人出現 都唔會變心
所以阿俊只需要更加主動一定會得架
初戀總是令人回味
睇嚟呀俊俾人牽著咗個鼻走
又見到絲打你
其實有陣時男仔呷起醋上黎真係好恐怖
有時見到自己中意嘅女仔比另一個自己覺得好過自己嘅人撩都會亂諗
其實有陣時男仔呷起醋上黎真係好恐怖
有時見到自己中意嘅女仔比另一個自己覺得好過自己嘅人撩都會亂諗
大家都係講故台活躍份子
咁其實又唔恐怖嘅 會呷醋姐係在乎吖嘛
好過醋都唔呷啦
咁其實又唔恐怖嘅 會呷醋姐係在乎吖嘛
好過醋都唔呷啦