《家姐話,幫我追女仔》

1001 回覆
561 Like 17 Dislike
2020-09-23 11:20:05
樓主又開新故
留名先
2020-09-23 14:32:56
G持樓主
2020-09-23 22:57:47
輝哥走咗之後,我就問家姐:「佢係邊個嚟㗎?第一次見你帶男人返屋企喎。」

「你都聽到㗎啦,朋友囉。」家姐晦氣咁講。

佢心情好似唔係太好咁,我就即刻切幾個橙,等佢一路食,心情一路好返啲先。

我搬咗碟橙出嚟,同家姐一齊食。

「朋友?你點會帶朋友返嚟,入房玩,仲要咁親密呀?我見佢摸你Patpat喎——唔怪得你叫我遲啲先返嚟啦。」我根本唔信家姐講嘅嘢。

「咪八卦啦你,多事。」

唔知點解,雖然家姐用惡惡哋嘅語氣講,但係佢個表情係超級委屈,好似有啲想喊咁,少少楚楚可憐,同平時完全唔同;見到咁,我更加要知道究竟輝哥係咩人啦:

「你同輝哥係點識㗎?」

講真,佢撻陰厚成咁,額頭唔熱咩,仲喺度fing嚟fing去?同家姐乾淨利落嘅形象完全唔夾,一啲都唔襯!

「Tinder……」

「吓?全港最大型嘅扑嘢app?」

連我呢個中五學生都知啦,大把人喺Tinder度揾食㗎喎!即約即出吖嘛。我唔否認真係有人喺度揾真愛嘅,但狗公嘅比例一定係多啲,冇乜點聽過修成正果嘅故事啊。

點解家姐又會玩Tinder呢?我一直以為佢毒在家中,唔會揾target㗎嘛。

「咁你又唔好咁講,我同佢都冇做呢啲事。」

家姐用鄙視嘅目光望住我,但語氣又有啲心虛噃。

我喺心裏面諗,而家冇啫,好快就有,呀輝哥仔睇落都猴擒喎——我喺隔籬仲摸你,我唔喺度,你渣都冇啦。

「發展得好深入啦?」

我指,傾得係咪好深入?先會肯畀佢上嚟屋企。家姐聽完之後唔理我,默默咁食橙,可能唔想同我講;我唯有再𠱁佢:

「係咪有煩惱呀?講出嚟囉,有時男人係了解男人多啲嘅。你有咩唔明,就問我啦。」

家姐,呢招叫以其人之道,還自其人之身,就好似當日你呃我講鍾意婷婷咁。

靜。

空氣靜過太空幾秒。

尷尬咗一陣,家姐終於一臉為難咁開口,好似好唔好意思咁:

「佢話佢唔想拍拖……不過話都幾鍾意我。」

我聽完,其實都明輝哥咩料啦;家姐又問:

「咁啫係點?我係咪應該等到佢想拍拖,先至表白?」

「吓,你仲要表白?」

我即刻大大聲咁問。屌你係咪戇鳩,條仔咁樣Hea你,講到明唔想一齊喎?

「咁唔係點一齊?」

搞唔掂。

「佢呃你㗎咋。」我反咗個大大嘅白眼。

好奇怪,唔知係咪我篤爆咗家姐嘅美好幻想,定係識穿咗佢自己呃自己,所以佢又好似唔想再理我咁:

「你識咩吖。」

家姐睇唔起我係𡃁仔,嗚。

之後,佢就冇再講過嘢,就算我點問,佢都唔答。

死港女,發脾氣。

其實我真係覺得家姐唔係咁蠢㗎喎,佢有畀人追過,以前又有同過男仔傳緋聞,點會咁死板?

自欺欺人?

定真係戇鳩?

好啦,家姐唔講,咁就我講啦:

「你係咪收到婷婷啲相?」

「係,阿婷影得幾好吖。」

我又醒起:「你同咗婷婷講,我有鍾意嘅人?」

「哦,係呀。」

家姐諗咗一諗,點頭。

「點解?」

我問;家姐漫不經心咁講:

「佢問我嘅,佢問你係咪有鍾意嘅人,我咪答係。」

「佢主動問?」

「係呀,阿婷無啦啦問咋,之前都冇講過相關嘅嘢。」

家姐嘅語調越嚟越輕,唔知點解,我覺得佢好似知好多嘢咁,只係唔同我講——到底係啲咩呢?

「哦……」婷婷又會咁突然想知嘅,真係奇怪。

但係,我都開心,啫係佢對我有興趣啦?

「FF完未?可能佢只係隨便問吓,當你係好朋友。」

家姐用一句說話打擊我。
2020-09-23 22:59:10
想問吓你哋想唔想睇多個視角,定淨係男豬?

只睇男豬
樓主ig: chingceciii
https://instagram.com/chingceciii?r=nametag
2020-09-23 22:59:24
2020-09-23 22:59:35
2020-09-23 23:03:19
你個名好威
2020-09-23 23:43:33
家姐有冇示意圖
2020-09-24 00:20:27
交畀你哋
2020-09-24 00:29:04
甩p了
2020-09-24 00:42:03
Lm
好似幾好睇
2020-09-24 03:02:12
唔想家姐俾人呃
2020-09-24 03:20:25
2020-09-24 12:13:01
新讀者留名
2020-09-24 14:21:00
通常好似家姐情竇初開呢啲年紀嘅女仔最易畀啲衰人呃 不過或者係呢啲年紀懵懵懂懂先至會即使自己受傷都好都會對愛不顧一切唔知大個諗返會唔會覺得遺憾或者後悔呢
2020-09-24 14:52:46
2020-09-25 01:16:34
機主有文未
2020-09-25 04:36:23
2020-09-25 07:35:05
2020-09-25 12:18:12
2020-09-25 12:20:59
家姐用一句說話打擊我。

但下一秒又陰陰嘴笑:「有希望係好事嚟,夢想話唔定可以成真呢。」

家姐笑笑吓,臉上又飄過一啲落寞嘅神色——做咩呀?食滯咗啊?無啦啦喺度歎氣。

「加油追阿婷,主動啲啦,佢份人算被動。」家姐補充。

傻仔嚟嘅,暗戀係唔會令你追到一個人㗎,只會令你哋傻更更咁樣錯過對方。所以勇敢啲啦,阿婷咁好女子,我都想佢做我弟媳喎——係咪講得太長遠啦?

「得啦得啦,我會努力㗎啦。」而且,家姐你會幫我㗎嘛。

但我望望家姐,又覺得佢唔係咁可靠,始終佢都好似蠢蠢哋咁;尤其是啱啱,我知輝哥擺明唔係好人,但家姐仲咁,靠唔住。

梳,向來愛情專家,都係冇咩經驗嘅……

星期一,返到學校,我好似平時咁同婷婷打招呼啦,但畀我見到,佢對眼紅紅,朝頭早喊過嚟咁。

我小心咁問:「婷婷,你做咩啊?」

婷婷望一望我,講:「我想飲檸檬茶。」

佢對眼真係好水汪汪,但語氣聽落好委屈;我答:

「好好好,而家落去。」

佢開到金口,我當然要滿足佢嘅期望!何況,我要進入追求婷婷嘅主線,又點少得送嘢飲畀佢呢?我同小賣部姨姨買咗一袋咖喱魚蛋,同埋一盒檸檬茶,當係早餐咁遞畀婷婷。

「多謝你啊。」婷婷攞到之後,垂低頭開始飲,又將袋魚蛋擺喺我哋枱嘅分界,示意一齊食。

咁我見佢好似好返啲,就盡力以最柔和嘅聲線問佢:

「做咩喊啊你?」

「邊有喎。」婷婷谷起個嘴,否認。

「仲唔認?你對眼紅晒喎。」

「吓?真㗎?係咪好明顯?」佢擔心咁偷偷留意其他同學嘅反應:「我唔想其他人見到啊,廢事啦,而家呢?都仲係好紅?」

其實,而家係冇啱啱咁紅,但認真望都係會睇得出佢喊過;但婷婷好似好焦慮咁,我就答佢:

「而家唔會啊。」

Dead air,婷婷睇落都安心咗嘅。

之後佢就講:「屋企囉……話我成績唔好。之後就鬧我唔畀心機讀,我出門口嗰時壓力有啲大,就係咁啊。」佢都好似有啲唔好意思。

我:黑人問號?

婷婷成績都唔夠好?其實,佢已經係全班頭幾名,而之所以唔係第一,係因為佢啲數真係普普通通,先會拉低總成績;但就算係咁,佢都唔會係唔畀心機讀、成績唔好啊?講真,我真係好彩,咁都冇畀屋企人媽叉,但婷婷明明已經咁好,佢屋企人都唔滿意。

「唔會啊,你已經幾好成績啦。」同我比,同其他人比,都係㗎。

「你知嘅,我有個阿哥,佢好叻㗎,DSE三十幾分,入咗港大牙醫……所以無論我考成點,都係唔好。」

婷婷嘅眼神,既有啲崇拜,又有啲傷心;有個咁叻嘅阿哥,真係畀佢好大壓力。

哦——有對比,就有傷害?

就好似家姐都叻咁,但係父母又肯放養我,冇畀壓力我,話唔好攞我哋嚟比較,好傷感情喎。

「咁都冇辦法啦——」Well,我真係唔識安慰人,下意識只係可以講廢話;又努力咁補多兩句:「唔係你唔好,只係你阿哥太好。」

其實,我知婷婷已經好努力㗎啦,佢大部分日子放學都要去補習,補家姐啦,補大型補習社啦,假日都係不停操卷,都冇點停過手;好似每日都係得返讀書,冇自己嘅個人生活咁,佢仲參加到課外活動,其實真係好叻。

但係,佢屋企人竟然覺得咁樣都唔夠,太嚴格啦。如果佢哋仲有個好似我嘅仔,應該會激死佢哋。I am lucky!

點知,婷婷聽完對眼就有返啲水光,委屈咁講:

「佢哋就係覺得,我要同阿哥一樣,先至叫好!而家我咁樣,就唔係好,仲要係差。」

當一個女仔喺你面前想喊想喊咁款,你會選擇做啲咩?

A. 摸佢個頭
B. 攬住佢,同佢講:「萬大事都有我在。」

我揀咗C:

「唔好咁啦……」

Feel唔Feel到我嗰種唔識𠱁人嘅尷尬?真係唔識點應。我由細到大都冇點𠱁過人,尤其係女仔,因為家姐都冇點喊過——家姐!你遲啲要教我點𠱁女仔。

「乜你咁㗎,我都唔想㗎。」

婷婷皺晒眉。碌柒。

我連忙補飛:「唔係啊,我意思係,我哋可以一齊努力㗎嘛,咁咪盡力做到最好囉!一齊高分畀佢哋!」

雖然婷婷考成點,係唔關我事,但係,咁講好似好啲。

「我之前有同過恩姐講呢件事,佢見我補得太多習,話我需要一個私人導師,咁先可以隨時問問題。」

我一聽,就知道,家姐就係想我做呢個人;有時有啲位真係要好specific咁講解,齋操齋聽冇用。專業專業。

「我囉,我可以啊!」我當然捉緊呢個機會啦。

「真㗎?你肯?」婷婷充滿期盼。

「係。」當然肯,我驚你嫌我唔夠班咋。

「咁就好啦。」婷婷面色稍稍好返啲,好似安心過啱啱咁。

嗱,雖然我唔太勤力,但我啲數理係幾有天分,唔使大力操都考得幾好;我諗呢個就係數感好嘅優勢!

所以,有個咁嘅機會,我一定要幫婷婷。

就算我唔係因為鍾意佢,都因為佢係我好朋友,又要靚女又要慘,實幫!
2020-09-25 13:11:54
2020-09-25 13:45:04
2020-09-25 15:24:44
2020-09-25 17:25:25
一放工就有文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞