P牌說故事
2020-05-08 00:40:43
就嘗試聯絡温Sir吧,也許他有方法可以讓我賺錢。
幸好我之前有把他的電話記錄下來,否則就無法找到他。
待晚餐完結後,我嘗試致電他,希望他有時間接我電話。
「喂?」電話傳來温Sir的聲音。
「温Sir?你仲記唔記得我?」我感覺自己的開場白有點像電話騙案,於是我連忙補充道:「我係你結他班嗰個學生,你最後有比自己張卡我,話邀請我去你哋嗰度,呃……你有冇印象?」
他沉默片刻,然後回應:「哦!係你!你就係彈結他好叻嗰個男仔,點樣?你係咪有興趣同我哋玩?」
「呃……其實係咁嘅,我係想知道你哋會唔會得閒有表演可以賺到錢?」
他語氣帶點失落:「你係為咗錢而揾我?並唔係真心對結他有興趣?」
我向他解釋道:「有,緊係對結他有興趣!結他喺呢段時間陪咗我好多,至於錢嗰度……其實係因為我屋企都需要啲錢,我好想幫屋企人負擔下,所以先問下你。」
「我哋的確係得閒會去busking 玩下同開班賺下錢,但你要知道,我哋並唔係為錢,而為興趣去彈他,好多時我哋都係自負盈虧。
你的確係好有天份,但因為你年紀仲細,所以都唔可以開班教人,我喺錢銀方面亦幫唔到你太多,但我隨時都歡迎你加入我哋,我可以私人免費教你更高級嘅嘢。
如果係咁嘅話,你又有冇興趣?」
雖然我的確對結他有興趣,但我有意加入的最大原因為為母親賺點金錢,如今他卻告知沒有辦法幫我,那我又應否加入他們呢?
A、加入
B、拒絕