P牌說故事
2020-05-06 01:25:33
我憤怒地向他走過去,王志聰挑釁道:「Come on!我未驚過!」
「你可以講我,但你唔可以講我屋企人。」我握緊拳頭。
他不斷用推撞我:「我鐘意講咪講,有咩問題?」
我嘗試還擊且用手撥走他:「唔好再推我!」說罷,他戛然向我大力一推使我重心不穩,導致我整個人都跌倒在地上。
「好痛……」雖然身體感受到痛楚,但我也馬上站起來且指責他,他慌張道:「我好細力咁推你一下咋喎,係你自己企唔穩,唔可以怪我。」
我沒有理會他,決定改為詢問其他同學:「你哋有冇見到?」
其他同學都一副與我無關以及害怕得罪人的樣子,導致我沒法擁有目擊證人,但我同樣覺得不甘心,於是決定直接找老師投訴。
我向他大吼:「我會將件事話比老師聽,你今次係唔會甩到身!」
他嚇得臉色蒼白,更隨即走上前向我道歉:「對唔住,我唔係有心!我無諗過你會跌,我真係唔敢,最多我應承你,我以後都唔會再咁對你,你想點就點!你想好似以前咁都可以,對唔住,真係好對唔住!
求下你唔好話比老師聽,否則翻到去我一定比老豆打死,樹仔,啊唔係,樹哥!你就當幫下我一次,我以後唔會再對你咁差,我真係知錯,我求下你……」
李佐杰也開口為他求情:「佢都係一時貪玩先咁做,真係唔會有下次,你信佢啦!」
他的語氣非常誠懇,而且好像說得快要哭一樣,令我有點動搖心軟,加上他願意改過的話,其實也沒有所謂,他又有對我道歉,我應否原諒他呢?
A、原諒並要求他遵守承諾
B、拒絕原諒