《Zoom lesson》(2)

「咁我哋不如去占卜Cafe食下嘢？」我建議。

「你又知我想去嘅？我有一間bookmark咗好耐都未有時間去。」

「因為我哋喺夢境入面已經去過。」

「好難相信，anyway，聽日你得？」

「得。」

幾經辛苦，我終於成功說服她，使她願意與我到占卜Cafe。

這次，我刻意提早出門口，避免要她等待及展示誠意，我甚至把自己的照片傳給她，好讓她能夠認得出我。

最終，我成功早到五分鐘，正當我看手機以打發時間時，突然有人拍我膊頭，我抬頭一望，站在我臉前的為一位化了濃妝、全身衣着為歐美風的風格。

我一時未能反應過來：「譚……譚仙怡？」

她擁有一把長頭髮，不但穿了粉紅色的連身裙，更有陣淡淡的香水味。

「Call me Alice，你就係……Oscar？」她打量我。

我不禁緊張起來：「我係。」

「咁我哋入去再講。」

我倆安坐後就細看餐牌，當我看到餐牌上有黑松露菇菌意粉，就自然地問她：「你係咪會叫黑松露？」

她淡言：「以前會，但而加發現香港嗰啲都係假，去外國食比好食好多，我都係食個……軟殼蟹忌廉意粉，你呢？」

「咁……我跟。」

下單後，我主動打開話題：「你而加係做空姐？」

「Ya。By the way，你講嘅嘢係真嘅？我想聽下我哋係點開始。」

我把我倆的相識相愛、再到分手的經歷一字不漏地告訴她，她聽了後點頭認同：「都似我細個會做嘅事，我以前一暗戀人嘅話，就會乜都唔理咁對嗰個人付出。」

「咁你第一個初戀係咪中一？」我追問。

「Exactly，就係坐我隔離嘅男仔，不過一齊咗半年都分咗手。」

「咁而加？」

「而加識咗個法國男朋友，可惜無得見。」

我點點頭，其後馬上陷入一片沉寂，在那夢境中，我倆本應很親密，大家會互相交流及有互動，但現實中，她的生命從不存在陳樹力，我的夢境對她而言，也許只是一個有她在內的故事而已。

為了打破沉默，我還是主動問道：「你點解肯見我嘅？」

「因為你知我太多嘢，所以我要見下到底係咩人。」她坦言。

昔日因小事就能展現笑容的她似乎經已不再存在，如今，她已經為一個冰山美人，並非我當日熟悉的譚仙怡。

眼前的她，就只是我不認識的Alice罷了。

儘管如此，我仍然嘗試跟她交流。

「我都知係好難相信，但偏偏就發生係我身上。」

「都係嘅，我都信呢個世界無奇不有，呢一倆年我都係飛機上見過唔少怪人。」

語畢，食物就呈上來，她亦專注於進食，沒有作聲，所以我同樣安靜下來。

當我倆吃得七七八八時，我開口問她：「你一陣占卜打算問咩？」

她側側頭思考一會兒，然後回答：「應該會問下事業，咁你呢？你問唔問。」

「我唔問啦，唔太信呢啲，萬一問出嚟係唔好嘅話，咁咪好麻煩。」

「咁你可以問人建議㗎嘛，我仲以為你都會好奇下自己愛情運，定係你而加有拖拍？」

「無拖拍，不過對一個女仔幾有興趣，唔知遲啲追唔追到。」

說到這話題，她忽然感興趣地問：「呢樣我可能幫到你喎，你講下而加進度？」

「我哋網上識咋，我試過約佢出嚟，但佢又話想等疫情無咁嚴重先，真係唔知佢想點。」我歎氣。

譚仙怡替我分析道：「Well，我覺得佢咁樣係想試下你先，如果你一約就話去，咁咪顯得佢好隨便？又或者佢對你嘅感覺麻麻，一係唔想見你，一係就想感情再好啲先。」

「吓……咁即係點㗎。」我被她弄得一頭霧水。

「你咪即管等下，睇下無乜確診就約佢，但first impression 係非常重要，你嘅衣着、談吐同埋行為都係會計分，佢最後對你嘅印象同感覺，就睇你哋第一次見面嘅表現。

如果你哋約完之後，佢無乜反應或者覆機hea嘅話，就代表佢對你無興趣。」

「咁我應該要點做？」我向她請教，她看來對愛情非常有研究。

「Just do your best。」她簡潔道。

「Ok。」她的意見可有可無。

「無嘢問？無我就去占卜先，你坐係度等等我。」

「好。」然後我安坐在座位上。

不久，她滿心歡喜地回來：「可以走。」

「結果好好？」

她難掩喜悅的心情：「ok咁啦，佢話我可以做到自己想做嘅嘢，仲話呢幾年我可以升到職。」

「恭喜曬。」

「Thanks，我用卡比，你Cash比翻我。」

這一次，我無需亦無必要請客。

「呢度二百，多咗當你，唔洗找。」我說。

她堅持：「唔得，金銀嘢都係計清楚啲好，我找翻八十比你。」

「好啦。」

就這樣，是次的會面結束了，而我也沒有繼續保持聯絡的打算，畢竟，她的記憶沒有陳樹力，我對她亦有種陌生感覺，就當是完滿心事。

處理好這些事情後，是時候要把Janice約出來！

我一直苦候時機，終於讓我等到零確診的時刻，這次，她再沒有借口拒絕我吧。

「今日零確診，不如我哋聽日約？」我鼓起勇氣。

「最近又好似好啲，咁我哋去邊好？」

Yes！她真的答應了！好，讓我乘勝追擊。

「去食個lunch？」我打算觀察她屆時的反應，如她反應好的話，那我再決定下個約會地點。

「好啊，我有一間推薦喎，不過係食台灣嘢，你可以？」

「Sure la，我最鐘意台灣。」

於是乎，我將會於明天約見Janice，我記得譚仙怡說過，第一印象非常重要，那我的衣着打扮應為甚麼風格呢？Janice又會喜歡怎樣的類型的男生？

A、韓風
B、日式
C、文青
D、運動型
E、隨心

C

C

B

C

E

E

A

C

C

E

D
譚仙怡變左bitch

其實夢入面都feel到啲啦

細個冇咁嚴重

E

E

E

C

就走行文青風格吧，我感覺她應該喜歡這類型的人。

除此之外，我更特意上網去了解該餐廳的最著名的菜色，打算到時可以推薦給她，只可惜我從未到訪過台灣，所以無法分享在地的經歷，武肺過後，我一定要親身到訪當地，希望她會是我的旅行伙伴。

我懷着既興奮又緊張的心情迎接這一天的來臨，我為了把自己的形象打造成文藝青年，更把前年因貪玩而購買的圓框眼鏡從凌亂的抽屜找出來。

「仲唔比我揾到你！」我沾沾自喜。

就這樣，我這天的衣着打扮走文青路線，我戴上了普通鏡片的圓框眼鏡，上身則以純白色及有小Logo的T-shirt在內，然後再加一件黑灰色的襯衣為主，而下身就是淺啡色的卡其褲，最後以黑色帆布鞋作收結。

至於袋子方面，我選擇了迷你的斜孭袋，袋上還有一些勉勵自己的熱血字句，那亦是我前年為準備Dse時購入，但最後用的次數不多，今天終能大派用場。

經一番準備後，我照着鏡子自言自語：「應該都唔差掛？」

說罷，我就提早時間出門，在我倆進行心理測驗時，Janice曾說過，守時會讓她感到被人重視，所以我亦要比她更早到達餐廳。

當我前往目的地時，我同樣有跟她傳送訊息，掌心甚至緊張得不斷冒汗。

「我上咗車啦。」我對她說。

「我都上咗啦！唔知你快定我快呢。」

甚麼？她居然亦提早時間出門，那她會不會比我早到呢？但這也能證明Janice重視我倆的約會。

不行，我一定要比她早到。

「你今日著咗咩？」我好奇問道。

「好普通咋，唔好厭我樣衰。」

「你咁好睇，着咩都靚。」我順道讚美她。

沒多久，我便到達目的地。

我本想告知她，然而，我忽然想到一個妙計，就是我會躲藏在一旁，然後裝作因交通問題而遲到，當她到達後，我就會馬上出現在她身後。

我應否設計這驚喜呢？還是單純站在這裏等待她？

A、躲藏起來
B、站在門前等待

A

B

B

B
唔好搞咁多飛機啦

B