P牌說故事
2020-05-29 00:55:25
「你係為為咗啲咩而做老師?」我問道。
她微微一笑:「呢個問題我都問過自己好多次,最後我終於都得出一個答案,一個說服到我自己嘅答案。」
「係咩?」我緊張追問。
「就係......我要為下一代嘅教育而努力,做好老師嘅本分,目標就係要教好人。」
奇怪,怎麼跟她在Zoom lesson說的不一樣?但測謊機顯示她正在說實話,難道她是刻意隱瞞?
「點解之前要諗要問自己咁多次?你唔係諗好先揀科?」我質疑道。
「你......真係想知?」她黯然起來。
「係。」我肯定地回應。
Janice喃喃自語:「係嘅,你始終有權去呢件事,既然而加只係第一日,越早講就越好,對大家都公平。」
接着,她緩緩開口道:
「其實我......曾經有過師生戀。」
她說了!
「嗯。」我點頭。
「你唔覺得有問題?」她驚訝。
「我唔介意,你講埋落去先。」
聽到之後,她的臉色更加難看,Janice開始憶述過去:「鄧Sir,即係同我一齊嘅人,佢當時係助理,我喺係一個數學補底班入面認識,我數學一向好差,所以就被學校編咗去啲補底班上堂,而鄧Sir就係教我嘅人。
佢份人好細心好溫柔,每個步驟佢都會慢慢咁解釋比我聽,完全唔會厭我蠢,亦因為佢,我嘅成績開始慢慢有進步,除咗對佢敬佩之外,同時都好多謝佢對我嘅栽培。
當時嘅我,就只係當佢係一個好好嘅老師,從來都無對佢動心。
不過,當我哋相處咗一段時間,間中就會講下私事同自己嘅事,了解多咗就覺得佢身世好可憐佢話父母離婚,所以自己唔識得咩叫愛,亦都好想得到愛,可惜一直無適合嘅對象。
由嗰刻開始,我就覺得佢好慘,所以會成日關心佢,屋企整甜品又會特登整多啲比佢,唔知幾時開始,我連數學都唔太Care,淨係Care佢一個,想佢開心。
佢當時仲扮曬在乎我成績,表示如果我喺數學exam有進步嘅話,佢就會獎勵去請我食餐飯。
我當然信咗並且好努力咁温書,好希望可以同佢出街,覺得雖然大家身份上有差異,但如果我哋係真心相愛,咁又有咩問題呢?
但原來問題並唔係在於呢樣,而係佢根本就無愛過我。
我後來嘅數學成績真係有進步,為咗兌現承諾,佢的確有約我去食嘢,亦喺同一日一齊咗。
我成個中五生涯就花曬所有時間係佢身上,只不過暑假嗰時......」
說到一半,Janice忽然哭個不停,不斷飲泣,嚇得我馬上詢問其原因:「做咩突然喊到咁慘?算啦算啦,唔想講就算,我唔迫你,你唔好喊啦。」
她哭訴:「唔得!我一定要講!你遲早都要知。」
既然她如此堅持,我只好讓她說下去。
「咁好啦,我會好好咁聽。」說罷,我向她遞過紙巾。
「我係殺人兇手。」
「咩話?」我整個人呆住,難道她把鄧Sir殺掉了?
P牌說故事
2020-05-29 00:56:31
「因為佢有咗......但我最後決定墜胎。」她解釋。
幸好不是......
等等!
她......不就是只跟教師發展的嗎?怎......怎麼會這樣?
她接着說:「當時有一晚嘅暑假,佢話佢生日同埋想同我二人世界,成晚淨係對住我一個。
我當時無諗咁多,覺得既然佢生日就應該滿足佢,最後發生嘅事,你都應該好清楚。
我一直以為佢係負責任嘅人,可惜,呢一切都只係我一廂情願。
當我通知佢自己有咗,最迷惘最需要人幫嘅時候,佢block曬我所有嘢,甚至辭埋職,我無辦法揾到佢。
我嗰一𣊬間先知道同明白,佢根本無愛過我。
我諗咗好耐個bb要點算,我到底要生佢出嚟,定係親手放棄佢呢?
但我只係中五,唔通我以後要犧牲自己時間去照顧佢?
我乜都未Ready就要做人媽咪?
Bb一出世就無咗爸爸?
但BB都係一個生命,佢係因為我而嚟到呢個世界,唔通我真係要親手殺咗佢?
我唔敢同人講,我唔知可以同邊個講,我唔知有邊個可以幫到我。
望住個肚一日比一日大,我好驚,我唔知要點做。
最後喺無可奈何之下,我好自私咁揀咗前途而放棄咗bb。
我以為放棄咗就可以一了百了,但原來我好後悔,我當時仲會晚晚發夢見到佢,佢嬲我點解要咁做!佢等咗好耐!」聽到這裏,我不忍心地擁她入懷:「無事㗎啦。」
她崩潰道:「我係殺人兇手!我可能以後都唔會生到小朋友!我比人呃咗!我做過咁多錯事,你仲會接受到咩?你真係可以唔介意?可以當無事咁同我繼續拍拖?
你真係聽完都無諗過同我講分手?」
分......分手?
說實話,我自己也不知道要怎樣,我以為她只是有過師生戀,而非曾經墜胎。
這一切都來得太突然,我根本不知如何作反應,我到底......能否接受她呢?
這可是一個生命......
但這又錯不在她,如果當時鄧Sir沒有離開她的話......
好亂、真的很亂,我到底要怎回應?
A、表示願意接受她的過去且不會分手
B、表示自己無法接受
C、表示需要時間考慮