P牌說故事
2020-05-25 01:03:29
我決定要主動出擊,並且約會她一同觀看愛情電影。
「你有冇興趣同我睇戲?我有一套幾想睇?」
「咩戲?我都幾鐘意睇電影。」
「關於愛情,我Send trailer比你睇。」我順度把連結傳送給她,而電影內容主要為甜蜜的愛情故事。
我本來對這些故事無太大興趣,只因其劇情大多都為男女主角互相對對方產生情愫,但又會因某些原因或阻礙而不接受對方,導致雙方不斷浪費時間糾纏下去,最後才能修成正果。
這種公式化的愛情故事實在太無聊,所以我都不太感興趣。
不過女孩子總是對這種愛情故事非常有興趣,會幻想自己亦有個帥氣及體貼的男朋友。
我本來對此感到無奈及少許反感,但如今卻正中我下懷,就因我正正就要Janice對我產生此感覺。只要我在電影完結後,對她做出男主角曾做的貼心行為,這樣的話,相信她就會對我的感覺更強烈。
「Ok啊,我無所謂。」她回應道。
「咁我哋睇晏就?」
「睇下有冇朝早?一嚟少人,二嚟睇完可以一齊食lunch。」她就像有了全盤計劃一樣,早就想好當天的行程。
也好,這就代表她重視我倆的約會。
「有朝早啊,我哋到時就去到先買飛啦。」,其後,她就向我傳來Ok的表情符號手勢。
很快地,我們就再次會面,而她一身的打扮亦無首次見面般隆重,但她的外貌依然吸引迷人。
「我啱啱買咗飛,人數都唔算好多,二十個都無。」我倆站在戲院內等候進入。
「果然買早場係無錯,不過係有啲眼瞓。」說罷,她馬上打呵欠。
「你唔會睇睇下訓掛?訓咗我會拍醒你㗎喎。」我笑說。
「緊係唔會啦!咁你洗唔洗去定個廁所先,套戲都做得幾耐下。」
「比你咁講,又真係有啲急,咁我去個廁所先,唔好攞住啲飛同其他人睇戲喎。」我開玩笑道。
「知啦,你快啲行啦。」
沒想到,待我去完洗手間過後,果真有兩個男子圍着Janice,並且意圖獲得她的手機號碼。
此時,我應該如何應對?
A、「唔好意思,佢已經名花有主。」說罷就以十指緊扣去展示對方。
B、「佢無手機㗎喎,你哋想要可以問我。」
C、「唔係喎,你哋靚仔啲,我反而想知你哋嘅電話號碼。」
D、站在一旁,甚麼都不做