P牌說故事
2020-05-15 23:31:20
「我揀陳樹力同林逸峰。」
「Interesting,你點解會揀佢哋兩個?」他問。
「因為……林逸峰曾經都係對夢境入面嘅我好重要嘅人,而樹力就係……我想知佢到底係點」
「Ok,咁我會比肥仔嘅社交平台account你,但人哋理唔理你就睇你自己造化。」
「得林逸峰?咁陳樹力呢?唔係喎……你點知佢係肥仔?」
「林逸峰同陳樹力係好朋友,咁點解佢唔會知對方係肥仔?」
我睜大眼睛:「你……你係陳樹力?點……點解會咁嘅?無可能㗎?」
「點解無可能。」
「陳樹力唔應該係會做出呢啲事嘅人……」我無法相信。
「咁你又覺得我會做出啲咩事?」
「我……」我無言以對。
「你嘅故事,就係我嘅故事,你以為嘅夢境,對我嚟講,全都都係真實發生,你可以訓醒就有另一個身份,但我唔可以,我一定要面對曬所有事。唯一嘅分別,只不過你做咗啲我無做嘅事。」
「無做?」我不解。
「現實中,我好自卑好內向,小學嗰時我唔敢同人講嘢,甚至無參加過冷知識比賽,所以我係識唔到張子博。而中學時期,因為我同張紫彤唔熟,所以我係從來都無同譚仙怡一齊、無結他班、無温Sir、無Youtube channel,我初中只係識到鄭任然佢哋,而肥仔就係中二同班。
有時我會諗,如果當日嘅我參加結他班,願意勇敢小小,當王志聰杯葛我嗰時肯反抗,我今日又會唔會同你係度講嘢?我可能唔會鐘意鄭任然咁耐。」
我震驚得無法作聲,我自以為跟譚仙怡的一點一滴,原來現實從未發生,真正的譚仙怡,從不認識陳樹力。
而真正的陳樹力,最喜歡的人始終為一見鍾情的鄭任然。
我不懂得評論,連我自己亦無法想像,沒有譚仙怡的「我」又會怎樣生活下去。
「我唔識講……」我無力道。
「當日嘅陳樹力已經死咗,而加嘅我已經唔會再咁
蠢同懦弱,你無必要去識佢。」
「嗯……咁而加你同我講嘅嘢,我會唔會一起身就唔記得咗?」
「係,所以我會Send一個Whatsapp比你,咁你到時就會知。」
「好……」我心情莫名感到沉重。
「咁我哋講拜拜啦。」
……
……
……
「呵啊……」我呵欠及揉揉眼睛,一覺睡醒,時間經已為中午時段,正為享受Brunch的最佳時間,睡醒的心情本應舒適及令人暢快,而我竟有種心疼的感覺,真奇怪。
不管了,我有更重要的事要處理。
睡醒的第一時間要做甚麼?
當然是跟Janice說早晨,我當然知道現在並非早晨時段,但一句早安,就代表我剛起床以及第一個找的人就是她。
然而,有一位不知名的人士向我傳來訊息,其為林逸峰的Instagram 帳戶,這是真實的嗎?為何這個人又會知道我的真正想法?他又是誰?
「你係邊個?」我向對方傳訊息,但其只顯示單剔號,表示我的訊息未能傳送至對方。
不管了,先看看其帳戶是否正確。
我輸入林逸峰的帳戶,發現其為私人帳戶,我嘗試按下追蹤要求,並向他傳訊息。
「Hello,你係林逸峰?」
未幾,他以問號反問。
「你識唔識陳樹力?即係塊臉有胎記嗰個。我知我咁講好奇怪,但我曾發咗一個夢,我變咗陳樹力,而你就係我朋友,我知我好奇怪,但我都想同你見下面,知道現實嘅你係點。」
他秒回:「如果你講嘅嘢係真,你真係同我做過朋友,咁你講啲關於我嘅事,得我同樹力會知嘅事。」
我應該說甚麼才能讓他認得我呢?
A、「My pen is blue, my friend is you。」
B、「我知你一直好想拍片做YouTuber,但覺得自己無乜專長。」
C、「你以前有個阿叔開咗間茶餐廳。」