P牌說故事
2020-05-09 01:00:44
「我真係咩都唔知!温Sir,我係陳樹力啊!」我嘗試令他清醒。
「邊個係陳樹力啊?我唔理!我淨係要知佢係邊!」他完全聽不入耳……
對了!就用之前對付張紫彤的招數吧!
「我講!你停低先。」,果真,他馬上冷靜及停下來:「你真係知佢係邊?」
我反問:「温Sir,你真係唔記得我?你望清楚啲?」
他喃喃自語:「你唔係張皓輝咩?」說罷,他再揉揉眼眼:「陳樹力?點解會係你嘅?」
我試探道:「你唔記得頭先發生咩事?」
他吞吞吐吐:「呃……唔太記得清楚,你可唔可以話翻比我聽?」
我把剛才發生的事情一五一十地告訴他,他聽到後則向我提出要求:「你可唔可以幫我保守呢一個秘密?我唔想佢哋知呢件事。」
「可以,但你真係無事?同埋到底發生咩事?邊個佢?呢個結他原本嘅主人又係邊個?」我充滿疑惑,這個結他不是鄭任然的嗎?為何他會有如此大的反應?到底是怎麼一回事?
「無事,你唔洗擔心,我都係繼續教你。
呃, 你下次可以唔洗自己帶結他嚟,我哋呢度有,你而加介唔介意用我哋嗰個?你嗰個結他……可唔可以收翻埋,我唔太想見到。」温Sir仍然對我的結他反感,而他卻沒有向我解釋事情的原因,他到底隱藏着甚麼秘密?
但既然他刻意迴避我的問題及要求保密,那就代表他不願意告訴他人。
也對,有些事情,只有自己知道就足已。
其後,雖然温Sir聲稱要教我,但他完全沒有專注在結他上,反而有不少的錯誤需要由我來指點,就像彼此角色交換一樣。
「你呢度又錯咗。」我再次提點。
「Shit,係喎。
唉Sorry,明明叫你嚟係教你,點知變咗你教我,我今日嘅精神真係麻麻,一係我下星期或者聽日再教你?要你白走一趟真係對唔住,我諗我要啲時間去比自己冷靜下。」
「唔緊要啦,我都明白,你唔係有心嘅,不過我聽日就可能……」
他忽然打斷我:「係喎我記錯,聽日應該唔可以教你,我哋聽晚九點打算去尖沙咀嗰邊Busking,你有冇興趣嚟睇下我哋?」
他接着說:「你唔得閒都無所謂,我哋隔星期就會去一次。」
我本想拒絕且留在家中陪伴母親,但他忽然提出這個活動,我又對此滿有興趣且有點好奇,應否答應呢?
A、答應
B、拒絕且表示下次再去
P牌說故事
2020-05-09 15:44:54
「都好,我想睇下你哋係點樣整。」
「咁我哋聽日見啦,或者你想留多一陣都可以。」
「唔洗啦,我翻屋企先。」既然日後還有很多機會可以上來學習,我可以慢慢融入及了解他們。
由此,我便返回家中且陪伴母親,順度告知她我明晚會出外。
「我最近加入咗個結他組合,佢哋聽日會係尖沙咀海旁表演,所以我打算去睇下,你介唔介意?」我擔心母親會因我出外而感到寂寞。
「點會介意?緊係要出去好好見識下啦,但你係幾時開始彈結他?我可唔可以睇下?」她大方地說
我害羞地將結他展示給她:「呢個係朋友之前生日送比我。」
「朋友?唔通就係之前嗰個女仔?」
我否認:「唔係,我同佢……總之就無關係㗎啦!而呢個真係普通朋友送。」
「你話無就無啦,咁你可唔可以彈嚟聽下?」她提出要求。
「無問題。」我爽快回應,並且彈奏幾個旋律,母親就像小粉絲般,非常支持及誠懇地拍掌讚賞我:「彈得好好!真係好好聽!」
我不好意思地搔搔頭:「普通啦,都唔係特別好。」
她滿意道:「對我嚟講,可以親耳聽到你彈嘅結他已經好好。」
「咁我以後多啲彈比你聽!」我滿心歡喜,「好!」她點頭。
//
隔天,我按照約定並且到尖沙咀海旁,沒想到,他們已經一早到達並且準備就緒。
「你哋又會咁快Set好曬嘢嘅?」我吃驚。
「我哋通常會早到,廢事有突發情況,例如係器材唔Work咁。」Anson對我解釋。
「原來係咁。」我點頭。
温Sir轉身對我說:「你一場嚟到,我就同你介紹下係點樣Set嘢先。」
說罷,他就向我逐一介紹,介紹完畢後,他們就準備就緒開始表演。
然而,在表演的途中,任他們多賣力演出也好,真正願意停留下來的人幾乎沒有,大多為直接無視或者望幾眼而已,但是他們的表現還不錯,為何路人都不願停下來欣賞呢?
而且,就算沒有人欣賞他們的表演,他們絲毫都沒有要停下來的意思,反而越唱越起勁,沉醉於自己的音樂世界一樣。
未幾,他們作短暫的休息,我隨即趁這空檔詢問他們:「其實……根本就無咩人肯聽或者睇,點解你哋仲唱得咁落力?」
鼓手Dan回應我:「你講得啱,係無人睇無人聽,我哋初時都問過自己好多次,既然都無人識欣賞,咁點解仲要每星期堅持嚟唱?
但後來我哋都睇開咗,我哋玩音樂都係想抒壓同埋多啲人聽,雖然無咩人聽,咁都可以當自己係做背景音樂嘅,你無為意,但同樣都咁重要。
話唔定有日會有人欣賞,願意花自己時間去聽我哋唱歌呢?」
雖然我認同他們對音樂的信念,但有必要做到如此被動去等待人發掘嗎?
要不要替他們想點方法去吸引更多人圍觀?
A、以點唱的方式去吸引路人
B、邀請外國遊客前來觀賞
C、直接向路人推銷
D、打消念頭