P牌說故事
2020-05-19 14:20:45
我非常自信地說:「唔洗,我可以用件衫去遮住啲雨,同埋場雨都應該落一陣就過,廢事用錢再買。」
她疑惑道:「你講真?真係唔洗買把遮?而加都幾大雨喎。」
「放心,我可以用念力擋雨,唔會有事。」我堅稱。
她笑言:「咁我睇你表現㗎啦喎,我哋要過兩條馬路,中間有個位喺完全無得遮㗎。」
「無問題。」我逞強地說,並且把襯衣脫下來,準備用雙手把它放在頭以上的位置。
「咁Go嚕。」說罷,我倆去到第一個紅綠燈前等待過馬路,幸好這邊有些簷篷可作遮擋,所以我們都站在那邊去等侯。
「綠燈啦,我準備睇你表現。」Janice對我抱有期望。
我拿起襯衣並且有自信地踏出第一步,唯雨勢大得幾秒就能令我的襯衣濕透,我帶點慌張:「不如我哋行快啲,可能就嚟變紅燈。」,接着我不等她回應就加快腳步,她辛苦地跟隨我步伐,追上我以後,她困惑地問:「做咩突然行咁快,我哋行完都仲係綠燈,抑或係……你啲念力失敗先。」
「我……點會係我念力失敗,你睇下,我就算無遮都無乜濕到,而加淨翻一個街口, 一定無事嘅。」
「我信,我信你。」
我雖說無問題,但說實話,自己也有點擔心,襯衣現已濕透,而且風勢較大,臉上亦遮擋了不少雨水,希望可以順利通過。
「行得。」這次換我通知她。
然而,雨勢突然變得更大,雨水穿過我的襯衣滴在我頭上,「哇……哇……好大雨……」我驚慌失措地奔跑到有遮擋的地方。
「喂你無事嘛,成身濕曬啦。」Janice擔心問道。
「無事無事,我哋快啲行埋嗰個位,咁我哋就到。」只要……只要熬過沒有遮蔽的位置,那我就成功了。
「咁好啦,我哋照行。」
然而,去到沒有遮蓋的位置,我不由自主地卻步起來:「等……等一陣先。」,我稍稍作深呼吸,令自己做好心理準備。
「好,行得!」我下定決心。
P牌說故事
2020-05-19 14:21:26
「我遮埋你啦。」Janice開口道,「吓?呃,唔洗啦,我得㗎。」我不願接受。
她把雨傘遞給我:「你攞住啦,幾步咋嘛,我哋快啲行埋過去。」
「你既然咁講,咁我就難為啲接受啦。」我接過雨傘且跟她並肩而行,她的頭部能達到我肩膀位置,這算是情侶的最適合身高?
走着走着的時候,雨傘較小的緣故,我倆都不小心地有肌膚接觸,她雖沒說甚麼,但亦有避免接觸到我,故此我都小心翼翼,避免碰到她。
幾經辛苦,我倆終於到達商場,「唔該曬你遮我,可惜你見唔到我用念力擋雨嗰下,如果見到,你一定哈……哈嗤!」也許剛才被雨水滴濕頭髮,商場的冷氣使我鼻子發癢。
「哇你個頭濕曬,唔怪得打乞嗤啦,嚇到啲人走曬,等我攞紙……乞嗤!巾比你。」
我開玩笑道:「你都同我一樣打哈嗤啦!其他人都比你嚇走啦,哈,無人肯埋嚟我哋兩個身,不過唔緊要,就算其他人走曬,我都會係度陪你。」
「咁我咪要多謝你?」她笑說。
「講得啱,你要多謝我。
但你點解打哈嗤嘅,唔通你真係唔舒服?」
「唔舒服都係你咋,頭先比把遮你擋,搞到我都有啲濕。」
我從褲袋拿出紙巾且遞向她:「我講下笑咋,無諗過會搞到你咁,唔好意思,你快啲整翻乾。」我順度亦為自己抹乾頭髮。
Janice邊驚訝邊接過紙巾道:「估唔到你會帶紙巾。」
「This is 暖男紙巾,得暖男先有。」
「太暖都唔係好事。」她喃喃自語。
「你講咩話?」
「無嘢,我哋行下囉。」
走着走着,Janice忽然走到一個嬰兒用品的店舖前,目不轉睛地凝視店內的商品。
我好奇問她:「你好鐘意小朋友?」
她淡言:「唔知。」其後開朗地問我:「咁你呢?如果撇除社會政治因素嘅話,你會唔會想遲啲有自己嘅小朋友?」
這個問題……我的確沒有想過,未來的事我一直都沒有好好想過,我整天都抱着船到橋頭自然直的態度。
我應該怎樣回應呢?回應得差的話,會否破壞她對我的印象?
感覺她現時對我的感覺尚算可以,所以更加要小心應對,我該回應……
A、會希望未來有小朋友
B、沒有打算過
C、未知道/不肯定