P牌說故事
2020-05-24 12:45:37
「佢係我......未來女朋友,但佢頭先只係嚟送粥比我食,我哋暫時真係無嘢。」我認真地對媽媽說。
但她一臉嫌棄去反問我:「咩叫未來女朋友?你又知人哋一定同你一齊?你又唔係咩預言家。」我堅定地對她說:「總之我會用行動證明比你睇,你唔信我嘅都無計,」
說罷,我就轉身返回房間繼續睡覺。
自那小插曲過後,藥力終於發揮其作用,故此我亦漸漸康復起來,我回復精神過後,第一時間就為對Janice交代自己的情況,並且再次感謝她主動為我下廚。
「食咗你啲粥無耐,我即刻好翻啦。」
「咁就好,不過你媽咪係咪唔鐘意我?」她似乎很在意當時所發生的事情。
「唔係嘅,點解咁問?」
「第一印象都差曬,仲點會覺得我好。」
「我同佢解釋咗,佢明白㗎啦。」為了讓她安心,我只好這樣說。
「希望啦。」
怎麼她還在耿耿於懷,這不是很小事嗎?
不過……既然我都對媽媽坦誠Janice的存在,並且聲稱她為我的未來女朋友,那麼我還真要令其變成事實。
但Janice對我的行為,應該都毫無疑問對我產生好感了吧?否則她都不會特意為我下廚及上來找我。
這樣的話,現在就只欠東風,只差一個表白機會,可惜我還未想到可以怎樣做,算了,反正走着走着就應該可以在一起。
未幾,我看到電影院重新開啟的消息,對了,這也不失為一個好機會。
我要去主動約會她嗎?
A、約她去看戲
B、先不要約會她
如選擇A,請選擇電影種類
C、愛情
D、驚慄
E、合家歡