P牌說故事
2020-05-05 15:52:44
「你見到我咪一齊。」我同樣貫徹冷淡的態度。
「一係我哋Whatsapp約啦,咁我哋咪可以直接餐廳等,唔洗麻煩。」說罷,他拿出手機且展示自己電話號碼:「嗱,呢個就係我手機Number,你可以set我個名做林逸峰,你呢?你叫咩名?」
林逸峰……這名字聽起來非常威風帥氣,但我完全無法從他身上感受。
我無奈地拿出電話,並且把他的號碼紀錄下來,沒想到,居然還有人願意聯絡我,我還以為自己已經一無所有。
輸入好後,我按下撥打電話的按鍵,此時,林逸峰興奮道:「竟然有廣告以外嘅人打嚟!等我聽下先!」
我打斷他:「唔洗聽啦,呢個係我嚟,你直接set做陳樹力就得。」
「吓?你做咩打比我?我哋咪面對面見緊囉?」他天真無邪問道。
我沒好氣回應:「咁你咪會有我電話,唔洗自己打。」
「係喎!你咁醒嘅!」是你太蠢了吧?我暗忖。
他接著說:「你叫咩名話?」
「陳樹力。」
「等我記低先,陳……樹……力……結……他……高……手……」他一邊輸入,一邊把話說出口。
我帶點不滿問:「寫陳樹力咪得,做咩加埋咩結他高手,我都唔係。」
他沒有理會我,逕自說道:「Set好!等我食埋呢啖飯,咁就可以一齊行。」
我到底認識了甚麼人?
「行得!」他高興道。
結賬時,店員問肥同學,對,我認為肥同學的稱呼比較易記。
「呢個係你朋友?」對方指着我問他,這又有甚麼關係?「係呀。」肥同學爽快回應。
「好,咁全部都會有九折。」,我大嚇一驚,連忙小聲問他:「點解會咁嘅。」,他大聲回應:「你問我點解有折?其實係因為呢間嘢係我阿叔開,所以咪有折。」。
他的聲量大得全餐廳也聽得到,令我尷尬不已,亦終於明白王俊朗同學為何整天不作聲,只要一跟他說話,他就會高興得說個不停,以及不自覺地大聲起來。
離開餐廳後,肥同學邊走邊說:「黃俊朗我哋終於多一個人陪我哋啦!」,他則點頭回應,我於他耳旁說:「我明你點解成日點頭。」他隨即以答容回應。
「喂,你哋做咩自私講,唔得!唔可以咁!我又要講!」
就這樣,在整個回校的路途中,他一直說個不停,直至與我道別:「咁我哋聽日見啦!」。
「嗯。」我其後就返回班房且順度做功課,而王志聰他們亦不在班房內,大概是在操場打籃球吧?
做功課的途中,我回憶起剛才發生的事情,雖然肥同學是頗麻煩,但和他相處也算是勉強過得去。
不過……可以選擇的話,我還是希望自己能夠跟鄭任然待在一起,只因他給予我感覺是獨一無二的,哈,明明他們都這樣對待我,我竟仍死心不息。
P牌說故事
2020-05-05 15:53:12
「喂,做咩咁勤力做功課?」說這句話的人為張紫彤。
「悶嘛。」沒有朋友陪伴,除了睡覺和做功課之外,還有甚麼事好做?
「我想問你嘢……」她突然變得害羞起來。
「做咩?」
「下個月我就同佢一個月啦,仲有十四號情人節!我應該送咩比佢好?」
「自己。」我隨口說。
「喂啊!認真啲啦,我講真㗎,到底你哋男仔係點諗?」
我認真回應:「其實禮物嘅嘢都係物輕情意重,佢鐘意你嘅話,送咩都得啦。」
她若有所思:「你都講得啱,就咁話!」
他們的關係居然可以維持這麽久,我還以為那個男的會玩弄感情,不過這樣也好,張紫彤找到自己喜歡的人。
兩個人互相對對方產生情愫,真羨慕。
我也可以找到自己真正喜歡的人嗎?
但我喜歡的人,似乎都不喜歡我。
//
沒多久,課堂再度開始,而王志聰等人亦沒有甚麼動靜,然而放學後,我卻看到王志聰上載了一張圖片,內容為:
「圖文不符,不過我真係唔明點解啲人入個波都開心成咁,洗唔洗頒獎比你?」
而鄭任然則於其社交平台留言:「笑死。」,以及配以一個哈哈笑表情符號。
他雖然沒有指名道姓,但也明顯地暗示我就是那個人,我也應該寫點東西反駁嗎?
A、寫
B、不寫
如選擇A,請揀要寫的句子
C、我都知自己球技好,要比人羨慕都無辦法
D、我入到波都好過啲人霸住個波 仲要唔入龍
E、原來開心都係罪嚟 長知識了