P牌說故事
2020-05-11 21:41:19
「唔介意,你可以照樣放上網。」就當幫助他們宣傳,沒甚麼所謂。
「好嘅,點解阿迪咁耐都未出嚟,佢係咪跌咗落廁所。」Anson走到洗手間門前拍門:「你去完廁所未?」
温Sir眼睛通紅地從廁所走出來:「去完,係咪有人要去。」
肥同學隨即注意到他的異樣並開口問:「你隻眼紅曬嘅?」
他否認道:「唔係,隻眼突然有啲唔舒服姐。」此時,平日不太願意作聲的Leo忽然開腔:「真係眼唔舒服?唔係又發作?」
發作?發作甚麼?
Anson亦變得緊張:「你真係無事?」,温Sir一一否認:「真係無事,你哋唔好諗咁多。」
肥同學偷偷在我耳邊問:「佢哋講緊咩?點解我好似唔明。」,我則聳聳肩表示不知道。
「係就好,頭先你去咗廁所嗰時,你個徒弟仔同我哋夾咗次Band,效果幾好,仲有峰仔將我哋頭先嘅表演都拍低咗,好唔好放上Youtube?」Anson問。
「無所謂,你哋得就得。我入一入房先,樹力同逸峰你哋傾多陣入嚟都可以,唔洗趕住入嚟。」温Sir似乎有點漫不經心。
待温Sir進入房間後,Anson、Leo及Dan他們三位馬上圍着討論,他們的聲音比較少,所以我無法聽到。
雖然我亦好奇及想要加入討論,但這或許是温Sir的私事,我亦不宜插手……
正當我猶豫不已,肥同學向他們問道:「你哋係咪講緊温Sir?佢發生咩事?好似有啲唔妥。」
Dan回應:「連你哋都Feel到?咁即係唔係我哋三個多心,睇嚟佢真係有嘢瞞住我哋,但佢又唔肯講,最怕佢復發。」
「咩復發?」我問。
「佢曾經有情緒病,所以我哋有啲擔心,但都咁耐,最近又無咩事,到底佢搞咩?」
直覺告知我,這與我最近交換結他一事有關,但我曾答應温Sir,表示自己不會把此事告訴其他人。
怎樣好呢?我應該把此事告知他們嗎?
A、告知他們
B、保守秘密