【補習社二部曲】《為自己的青春舉行一場葬禮》

好感謝大家支持，終於嚟到二部曲。

先前嘅故事加插咗我一啲個人經驗，接落嚟發生嘅事我未遇過，所以都係靠自己作。

作得唔好，還望接納

多唔多人睇我唔知啦，未試過推上熱門，但我都會繼續寫落去，但呢排比較忙，所以出得少啲，我......盡力啦

之前未找嘅加速數，我會係我有時間嘅時候出埋佢，唔走數，但會拖數 同時會保持質素。

希望大家多啲留言，我需要你哋嘅意見

《溝女的聖地──補習社》
[url]https://lihkg.com/thread/98417/page/1
[/url]
《溝女的聖地──補習社》(2)
https://lihkg.com/thread/144645/page/1

紙言同步：https://www.shikoto.com/i/DV2

大家睇咗咁耐，如果鐘意嘅，不妨去我Facebook Page留個like支持下
當係對小弟嘅一點點鼓勵

Facebook：https://www.facebook.com/scholar.story/

照舊規距，每50正評加兩更，每100正評加三更。
絕不走數，有拖無欠。

二部曲【序章】

每個人都有青春逝去嘅時候，就算你想捉實佢，佢都會係你手指間流走。

青春總會停止，而停止，因你嘅心態改變。

你會發現自己真係好似同以前唔同咗，你會問，幾時變咗架？點解我唔知嘅？

當你見住90後，都漸漸踏入20光景，80後已經上咗30軌道。

就無得你唔認老。

為咗紀念一燒即逝嘅青春，最好就係為佢搞返一場葬禮。

好等自己有機會可以悼念一下。

自己青春嘅心，已經慢慢走入墳墓……

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

還記得當晚嘅事情，淚上面嘅痕跡，如同我心入面嘅痕跡一樣，沖唔走。

我嗰晚返到去，我同Kitty都無再聯絡。

我DSE嘅成績都出咗嚟，拎成績嘅時候好緊張，我好記得嗰陣時，我隻手係震住咁去拎成績表架！

點知，我出到嚟嘅成績不如理想，英文係肥咗。

但數學就最勁，滿等。

其他就不過不失，但都係唔過20。

拎住咁嘅成績，我唔知點算好……我心入面只有徬徨。

有人歡喜，有人愁。邊個想做愁嗰個？

偏偏自己就係愁緊嗰個，而歡喜嘅，一定係人哋。

呀楊好興奮咁走過嚟問我，「呀水！你考成點呀？」

一見到佢咁開心嘅樣，唔洗問呀，一定考得好啦，咩都寫係塊面度。

「吓？」我神情呆滯，唔知點俾反應佢。

呀楊見到我面色唔係好對路，「做咩事呀？」

再望望枱面上嘅成績表，就知咩事啦。

「嚟！唔好係度灰啦，依家陪你去ive啦！」

其實我都知，英文肥咗係得返基礎文憑可以讀。

但我唔明，我明明好俾心機讀，仲覺得自己考得唔錯，點解最後出嚟嘅成績會咁？

我睇唔透。

正皮

Lm

「屌！你係度諗有咩用呀？去報咗先最實際！一陣返嚟再上訴啦！」

今次呀楊佢唔係講講下，佢真係想幫我。

因為我見到佢摀低身，係度幫我執緊嘢，整裝待發。

老實講，雖然大家都係男人，都係麻甩佬，但我俾佢呢個舉動感動咗。

我呢世仔最徬徨無助就係呢一刻，完全唔知點算好。但有呢個朋友陪係我身邊，我好感恩。

男人之間嘅友情就係咁架啦，屌嚟屌去。

唔屌你就唔係fd啦！我依家先明白。

唔似得女人，講盡好多美好嘅說話，係紀念冊入面寫好多感性嘅嘢，咩朋友一世，我永遠係你身邊之類嘅肉麻嘢。

男人係行動為先，講咁多，走啦！

如果今日呀楊係好溫柔咁勸我，同我講解，我一定會覺得好嘔心，想一巴煎落去。

但佢走埋屌鳩我，不禁令我稍稍放心。

佢同我去ive嘅時候，無講任何嘢，我哋好靜，但又唔覺得尷尬。

的確，我依家需要人陪，但同時間我想靜下，呢樣嘢呀楊做得好好。

男人無聲嘅陪伴，勝過女人花言巧語嘅安慰十倍有多。

呀楊無問咩原因，咩都無講，就咁行係我前面，雙眼炯炯有神。

第一次，我覺得呀楊好偉大，好型。

男人，有陣時都會有佩服其他男人嘅地方。

Gay

正皮先 不解釋

加油

皮已正

留名

不如同阿楊一齊啦

皮已正

Gay
不如搶走阿楊好過

皮已正 樓主加油

留名

未睇先正皮
樓主加油！
唔好放棄 讀者一直都在！

lm

lm

皮已正

變咗gay故

我就知你哋班友會覺得gay
你們唔識男人嘅浪漫