趕故書生
2017-03-28 21:27:33
呀楊有佢英姿嘅時候,從一開始,佢已經俾我大膽,唔會拖泥帶水,識得食住個勢上。
呢樣係我學唔嚟嘅嘢,如果我識得睇,又或者如果係呀楊溝Kitty,我諗一早已經得咗米。
但自己身邊總有呢種人存在,行係你前面。
你會好想好似佢咁,勇敢啲,大膽啲。
但自己又做唔到,所以啲人話我廢,我認架,一無是處。
考個咁撚爛嘅成續,自己仲要鳩下鳩下咁,要啲fd擔心自己。
「我依家陪緊呀水去ive度報名。」呀楊拎住個電話,同緊關晴傾緊。
我覺得自己好似個小朋友咁,咩都要人照顧......試問咁樣嘅人,點樣做人男朋友?俾到幸福人?
「嗯,好啦,報完就返嚟啦。」然後佢就收咗線。
「呀楊,我唔想做ive仔。」
我真係醒,我已經發咗太耐嘅夢啦,係時候要清醒。
我徬徨到一個點,手蕊不停咁出汗,咁大個仔,都未試過咁驚。
當你識驚嘅時候,你就識得去改變,因為你知繼績咁樣落去。
食得屎架啦!!!
趕故書生
2017-03-28 23:10:29
「做咩呀你?」以呀楊嘅聰明才智,無理由估唔到我諗咩。
「你諗住retake多一年?」果然呀楊好快估到。
「係呀。」我停下腳步。
「你可以一邊讀ive一邊retake嘅姐,無壞架。」呀楊佢隻眼瞪到老大。
「係……但我想專心考好佢,駁返上u。」
「我講真架!我下定咗決心。」我好堅定咁望住佢,我好清楚依家嘅我做緊乜嘢。
呀楊見到我咁嘅態度,蹦緊嘅神經都稍為放鬆落嚟。
曬一年就曬一年啦,總比之後嘅日子混混噩噩咁過好。
「好啦,你都決定咗囉,做兄弟嘅,唔通唔撐你咩?」呀楊語重深長咁講。
「只不過頭先見你成個人鳩下鳩下咁,唔想見到你咁,咪過嚟屌醒你囉!」
「最緊要你自己有目標,咁樣先可以幫到你,屌!你無目標,唔知自己想點嘅,我幫個系呀?」
呀楊嘅粗口,令我感受到溫暖。
屌到我好開心!