「咩事呀?」喊到我心都痛埋。
「........」Kitty一路喊,想講但又抽住抽住咁,講唔出嚟。
我對佢嘅感覺,早已停止,但我都會著緊佢,佢都係我主要嘅朋友。
我唔想再好似以前咁痛苦。
「佢...原來一路...一路...都無...鐘意過我...」
會唔會呀?一齊咗咁耐點都有啲感情啦!喱個係我第一時間嘅反應。
「佢...佢係我爹地叫嚟照顧我......嗚嗚。」
「只係......」
講到一半又嚟多鑊,我最驚就係女人喊。
首先,我唔明點解女人會喊,然後,我更加唔明點解男人會驚女人喊。
我自己都唔明點解自己會驚。
「好好好,你慢慢講,唔洗急,好多時間。」
我忍唔住要出聲安慰下佢,本來我打算佢講曬成件事先安慰佢,但依家咁樣都唔知等到幾時。
「嗯......」Kitty好快收拾心情。
「你依家係邊呀?」忽然醒起喱個重要嘅問題。
「係...係街。」