【甜甜地既愛情故事】《港女FF妄誌》(三)

「不過講真...鍾意佢既...又點止我一個...佢又靚又可愛...好快就成為左我地學校既校花...」Brian又諗下諗下...有D無奈咁...

又係校花...

「好多人鍾意佢...好多人做佢隻兵...好多人同佢表白...唔單止同班...同級...同校既師兄...就連隔離學校既男生都慕名而來...」Brian好似有D酸酸地咁...

好多人鍾意...好多人表白...

做校花既總係會遇到呢D事...

總係會有好多男仔對你好...

總係會有好多裙下之臣...

之不過...女性既朋友總係唔會有好多...

最多都只有兩三個好姊妹...

「而我...一直都唔夠膽同佢表白...就只好一直都喺佢背後...一直望住佢同其他男仔一齊...」Brian又酸又無奈咁既樣...

一直喺佢背後...一直望住佢...一直守護住佢...

喺呢個世界上...真係有好多守護天使...

但又有幾多人可以察覺得到...

「一直睇住佢同過好多個男仔一齊...咩類型咩年齡既都見過...」Brian又諗下諗下...飲一啖凍奶茶...

咩類型咩年齡既...

睇黎…佢老婆都唔係定性既女仔...

又好難怪既...又靚又可愛...身邊不乏追求者...呢種情況...真係唔到三十歲都唔會定落黎...

而且...傷害人既又試過...俾人傷害既又試過...

害人多D？定被害多D？就連自己都唔知...

「喺佢被人拋棄既時候...我都一定會喺佢身邊...我都會俾佢攬...借個膊頭俾佢喊...而好多時喺嗰D情況...我地都會一齊...不過一齊唔係好耐...又散...然後佢又同第二個一齊...我又喺佢背後望住佢...到佢受傷又會黎搵我...我地又一齊...然後又分開...離離合合咁...」Brian一面苦澀咁...

水泡…

明明就係水泡...

仲要係呼之則來揮之則去既水泡...

所以話...呢個世上守護天使係多…但都唔夠水泡多…

水泡...水泡...茫茫大海之上全是水泡...

「一直都係咁...離離合合...又睇住佢同其他人一齊...然後我地又離離合合...過左好多年...直到有一日...佢同我講佢真係攰喇...想抖下喇...真係想定落黎喇...我地就結婚～」Brian就好似守得雲開見月明咁既樣～

真係咁？

真係守到最後都仲喺身邊既...就係最愛你既人？

唔...或者係啦...

我都聽過好多呢D故事...

喺身邊又好...喺網上又好...

點解冇女搵我做水泡。。。

愛情故事來來去去總係差唔多…

總係好似童話故事咁...經歷過重重波拆...驚濤駭浪...眾裏尋他千百度...驀然回首...那人卻在燈火闌珊處...

但那人...又係唔係真係你既最愛呢？

或者係啦...或者對好多修成正果人黎講的確係既...

「結左婚一年後...我老婆就同我生左對龍鳳胎～」Brian又好幸福咁笑笑口～

『哦？原來係龍鳳胎黎架？』之前就係聽過Brian有對仔女～但就唔知原來係龍鳳胎黎架喎～

「係丫～係對龍鳳胎黎架～初初真係失晒預算～不過總算OK啦～我有份正職～我老婆都會做下Part Time～有時間照顧對仔女既同時，都叫養得起～」Brian身上散法住無盡既責任感...

或者就係咁...或者就係因為咁...Brian先會咁有安全感...

之不過...其實咁樣...係好危險...

我好明白一點...

男人...你寧願佢玩到夠玩到爛玩到厭...有一日浪子回頭同你講想定落黎...想你做佢既最後一個...總好過你係佢既第一個...

因為你唔會知道佢會喺邊一日突然之間好似醒覺一樣恍然大悟終於開竅識得走去玩...

仲可能玩得癲過你以前...越過你既底線...

望住Brian呢副守得雲開修成正果樣...我又諗起...

『係呢...你有無聽過白兔同灰兔既故事？』我又諗起皓傑問起我既故事...

「白兔同灰兔既故事？唔...無喎...係咩故事黎架？等我夜晚講俾對仔女聽，氹佢地瞓覺都好喎～」Brian一面慈父樣～

『唔...其實我都未聽過...只係聽個朋友問起我...但佢又無講到俾我聽...上網搵又搵唔到...所以我就想問下其他人...有無聽過呢個故事...如果我搵到既話我講返俾你聽～等你可以氹對仔女瞓～』皓傑講既故事，我諗都唔會係兒童不宜既～

「好丫好丫～我對仔女好鍾意聽故事～晚晚都要聽我講一個先瞓得著～圖書館D故事書都就黎俾我借云晒～我就快唔知講咩故事俾佢地聽好架喇～」Brian傻笑咁摸摸頭～

『講返重複既得唔得丫？』睇住Brian呢個幸福樣...

「唔得架～我試過架喇～我講左第一句咋～佢地就話“爸爸～呢個故事之前咪講過囉～”咁架喇～」

『咁醒？咁你就放心啦～對仔女咁醒～』總係好似...

「有時醒得制都好頭痛架～」

『太醒就呃唔到佢地～佢地又會有好多問題～』好似唔會咁平穩...

「係丫係丫～好難教架真係～」

『醒得黎乖總好過醒得黎壞～』就好似...

「都係既～佢地都真係好乖既～」

就好似...臨近醒覺一樣恍然大悟終於開竅之前一刻...

今晚出完

三句預告

[Day 03－別人丈夫] PART 05

同Brian有傾有講咁食完個Lunch。

而傾既野都係環繞住佢家庭。

已經將 [Day 03－別人丈夫] PART 04 Upload上Facebook同紙言

點解冇女搵我做水泡。。。

你可以係一個喺海上浮下浮下既水泡
有無女攬你又係另一回事

😱😱😱😱😱

碌野好長

😱😱😱😱😱

碌野好長

但係無窿吉

點解冇女搵我做水泡。。。

你可以係一個喺海上浮下浮下既水泡
有無女攬你又係另一回事

咁攬有哲理嘯？？！！

點解冇女搵我做水泡。。。

你可以係一個喺海上浮下浮下既水泡
有無女攬你又係另一回事

咁攬有哲理嘯？？！！

看破紅塵了

個老婆實比人屌左好多獲
之後搵人賣單

個老婆實比人屌左好多獲
之後搵人賣單

等咁多年只係等到個牛肺妹

早

個老婆實比人屌左好多獲
之後搵人賣單

屌到闊晒先黎同你講定性

個老婆實比人屌左好多獲
之後搵人賣單

等咁多年只係等到個牛肺妹

所以話等到都唔知係唔係好

早

做好心早晨