【甜甜地既愛情故事】《港女FF妄誌》(三)

1001 回覆
27 Like 4 Dislike
2017-03-13 19:00:57

上回講到詩琳瞓醒～
諗下自己做乜發埋D春夢～
睇返皓傑既WhatsApp～
自己一個瞓喺張雙人床上諗下諗下～
諗下自己有幾咁寂寞～但又被迫習慣寂寞～
因為同個做消防員既男人一齊就係咁～
諗多陣詩琳就梳洗咬塊麵包就要搵衫著～
今日有D頭痛～因為要諗著咩衫去飲～
跟住既劇情發展又會係點呢？





準備出文

2017-03-13 19:01:38
有選擇困難症既我對住個衣櫃都有好一陣子...

真係對到我頭都大埋咁...

拎下呢條白色連身長裙出黎放埋身邊襯下...

真係十足十搶新郎咁既款...

再拎條黑色連身長裙出黎放埋身邊襯下...

又好似女巫去搞事咁既款…
2017-03-13 19:03:51
睇黎連身長裙都唔係好岩...都係揀條短裙啦...

短裙...短裙...連身既短裙...

正正就有條黑色一字膊連身短裙掛左喺我眼前！

我拎一拎起手...打量一下...

呢條黑色一字膊連身短裙...之前見特價就買左返黎...
2017-03-13 19:04:16
初時諗住返工著...

但著到上身先發現一字膊有D性感...

返工著好似唔係好適合...

所以洗完熨好之後一直都掛住喺道...一次都無著過...

一字膊...無著過...著去飲...都唔錯丫～
2017-03-13 19:05:14
一字膊性感得黎都算得睇～

無著過既連身短裙見返鬼死咁多N年無見既舊朋友都唔會俾佢地話“你又著呢條裙丫？上次喺FaceBook咪見過你著囉～你無錢買衫丫？"～

就算著到返公司俾人問起做乜著到咁性感，都可以好自然咁話今晚要去飲～

真係一舉三得～

好啦～就著呢件啦～

我就拎埋個黑色Lace無肩帶Bra～再拎埋條波浪邊黑色Lace底褲出黎～著上身～
2017-03-13 19:07:48
對住塊鏡托一托對小饅頭...

胸無幾両肉既我著D無肩帶既Bra真係好無安全感…

總係好似唔係好挺得住咁...會跌會跌咁...

唉～無計啦～最多趁住無人見到之時拉一拉…托一托...整返正囉～

我就再拉一拉正條波浪邊黑色Lace底褲～著埋條黑色一字膊連身短裙上身～
2017-03-13 19:08:30
雖然話我無乜波...但因為條裙都比較貼身～都叫做有D線條既～

再加上條裙都有D短～顯得我對白滑美腿都幾修長下～都幾賣得下～

係咁架啦～港女唔賣腿仲賣得D乜丫～

慘得過D港男又真係Buy丫～

有得𥄫唔通唔𥄫咩？
2017-03-13 19:09:18
好～著好晒衫就化返個淡妝～再著返對黑色爧面三吋高踭鞋～

呀！差D唔記得要拎返部MacBook Pro返公司添～

Check清楚拎齊晒野就出得門～

慢慢咁行去西鐵站...今日行得真係特別慢...特別小心...

因為平日都好少會著三吋高踭鞋...

雖然三吋又唔係話真係特別高...但總係有D唔習慣...

總係要行得小心D...總係要Keep住儀態咁行...
2017-03-13 19:10:23
行到上月台...企正喺塊玻璃閘門前...睇一睇自己既倒影...睇一睇自己對修長美腿...

著高踭鞋真係會顯得對美腿更加修長～

難怪有咁多女仔鍾意著高踭鞋～

不論係十四五歲波都未有既𡃁妹仔～定抑或五十幾歲都仲要發姣溝𡃁仔既末女～

就算著到幾唔舒服～行到對腳幾咁痛都好～都要著高踭鞋～

無計啦～因為貪靚係女人既天性丫嘛～
2017-03-13 19:11:14
咁點解我唔鍾意著高踭鞋？

因為我覺得自己已經好吸引囉～

我本身已經成日引到D男人埋黎～再扮得靚D既話...就真係好唔得閒架喇～

你話我自大都係咁話啦～

我一入到西鐵車廂，就第一時間搵個位坐坐先～

我真係唔理得咁多～因為對腳真係有D酸...
2017-03-13 19:11:45
行左幾步路...企左一陣...都已經有D酸酸地...

你叫我點捱過呢一日？

早知就帶多對平底鞋返公司換～

不過而家諗到都已經太遲喇～

最多返到去坐喺位既時候就除左對鞋～俾對腳仔抖抖啦～
2017-03-13 19:12:22
我放鬆個人，挨住塊玻璃坐...

望一望車廂...今日都有幾多學生喎...

可能係早左少少...早左一班車...呢班車都係載學生多…

左邊有幾個著白色校裙既學生妹圍埋一齊唔知傾緊D乜...

再望下佢地對腳...個個都係著婆仔鞋～
2017-03-13 19:12:58
識野喎～

識得著就梗係要著婆仔鞋返學架啦～

咁先似返個學生妹架喇～

我仲記得我全個中學生涯，都係著婆仔鞋～

雖然話好快就著爛～但勝在夠平～咪當係換下款～

兩個星期咁上下就換對新既～換對唔同款既～咁先唔會俾同學笑著黎著去都係嗰對丫嘛～
2017-03-13 19:13:30
細個既時候就已經係咁...

一直到大個...

價值觀從來都無變過...

總係覺得人地著黎著去都係嗰幾件係有問題...

專一D唔得既？

長情D唔得既？

情有獨鍾唔得既？

係都要五時花六時變先叫正常既？
2017-03-13 19:14:13
我就真係唔明...唔明呢種係乜野心態...

唔明點解要日日新鮮日日新款...

唔明點解唔可以長久永恆...

唔明點解我又要隨波逐流...

係咯…點解我又要跟住人地嗰套？

點解我要介意人地既目光？

點解我又要怕人地點睇我？
2017-03-13 19:14:42
或者...我並唔特別...

或者...我都只係一個平凡既女仔...

或者...我都只係一個在乎人地點睇我既港女...

平凡既港女...

唉～是旦啦～做港女又有乜問題～

都不知幾多男人鍾意港女啦～
2017-03-13 19:15:11
做港女仲有得揀添～

真係好過做老闆～

我就放鬆心情～繼續望下個車廂～

我望下望下～望到右邊有五個著住白色恤衫...淺藍色西褲既學生哥...拎住部手機...對住我...

係…偷拍緊我？
2017-03-13 19:15:37



今晚出完



三句預告

我偷偷望一望嗰五個學生哥...手上部手機...

佢地五個手上部手機所對住既方向係...

我對腳？
2017-03-13 19:16:17
我今日喺間屋裏面已經打死左兩隻蚊囉
2017-03-13 21:53:35

叫人幫你拎啦
最多請食飯

去門市拎係咪有信架

去門市拎係俾個SMS佢睇～～～
佢會問返你姓乜同電話號碼～～～

咁無人幫到我，我係大陸都收唔到sms

我屋企樓下個間講個電話同收件人名就攞得，巴打可以試下

貨件Number呢

我連去邊間拎都唔知
2017-03-13 21:57:11
我今日喺間屋裏面已經打死左兩隻蚊囉

依幾日又濕又焗又多蚊
2017-03-13 22:06:21

叫人幫你拎啦
最多請食飯

去門市拎係咪有信架

去門市拎係俾個SMS佢睇～～～
佢會問返你姓乜同電話號碼～～～

咁無人幫到我，我係大陸都收唔到sms

我屋企樓下個間講個電話同收件人名就攞得，巴打可以試下

貨件Number呢

我連去邊間拎都唔知

老點個FRIEND去其中一間近你既幫你拎 然後個店員就會話佢知送左去邊間架喇
2017-03-13 22:06:52
我今日喺間屋裏面已經打死左兩隻蚊囉

依幾日又濕又焗又多蚊

呢D天氣係勁多
仲要專咬腳
2017-03-13 23:44:53
我今日喺間屋裏面已經打死左兩隻蚊囉

依幾日又濕又焗又多蚊

呢D天氣係勁多
仲要專咬腳

證明你好味
2017-03-14 10:04:57
巨乳日
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞