[人性魔幻] [結局]《職 業 魔 法 師:駐急症室解咒師與女助手》【三】

繼續報到

史醫生

到底忠定奸

輕輕一推

起身再睇

決定等文

訓唔著
我要文

就有

史醫生。

為甚麼...

「咁岩呀, 史醫生。」我走向他, 「我就諗緊, 陳醫生死後, 黎接任既點會係同一類人。」

「咳..」被我施法醒來的他因痛楚而呻吟著, 「.....沈醫生..」

「如果陳醫生唔小心講左俾我地知條友冇事, 如果都派一個局外人黎, 實在唔明智, 嗯..咁就解得通, 咁就明點解你會係度。」

「既然你知...」

「我恨我自己點解唔早D知!!」我一腳踢向他頭, 恨自己就好像不會答題的學生, 翻開了答案才發現根本擺在眼前!!

「咳..嗚..」

但還有一點, 為甚麼要派西洋巫師來襲擊? 他們都是來公幹, 交換生之類其麼的, 操縱他們的話會更廢勁吧。

而且, 他們的施法機制在我面前更是不大利, 我的弱點是魂俱那種才對。

感覺就好像送來給我虐待似的。

「廢話少講, 賤人, 」我揪起他的衣領, 「黑手係邊個。」

「....嘿嘿..」

那是計劃成功的笑容。

好, 我就讓你笑不出!!

「咁樣做本來唔符合醫生道德。」我舉手結出手印對著他, 「但係你條垃圾 , 係解咒師既恥辱!!魔法師既敗類! 萬咒目錄!!」

過去破解過的咒語其瑪那分佈, 模式, 通通再次重現, 我選了幾種相性不錯的詛咒, 例如無形的灼傷的詛咒的同時放出無形的凍傷, 兩個詛咒互相抗衡可以痛苦放大, 延長......這當然只是例子, 以他的左小腿為例, 正同時作用著「骨頭不斷增生」的骨刺詛咒, 與「骨頭不斷消失」的軟骨詛咒。

「啊!!!! 啊!!--!!」

「噓...」我把手指放到唇上, 放出間斷聲音的咒語, 「呢度係英靈墓, 同我靜D。」

他發出我本以為人類不能發出的慘叫, 多重詛咒不斷侵蝕他, 無盡如地獄一樣的痛把他吞噬!

「我要你求生不得....呢招下個要用既對像就係幕後黑手, 你如果話我知佢係邊個, 我就會殺左你俾你一個痛快..好快你就會求我殺你。嘿嘿..」

他抽搐, 他咆哮, 他慘叫, 他打滾, 可是萬咒目錄中的一個個詛咒往他身上招呼。

「你落地獄既話, 可能會舒服D喔?」

「魔鬼..」他噴出血的口唇吐出這二字。

嘿, 我同意。

魔法師從來不是甚麼正派人物。

「咕...咕..」詛咒繼續折磨著他每一根神經線, 是時候了--

有甚麼比絕望更絕望?

就是在絕望中給予他希望。

萬咒目錄, 解除。

「啊哈...」他身上的詛咒盡數解除, 他倒在地上嗄氣, 吐出大灘污血, 全身軟癱, 「你..你同我地有咩分別..我地只係必要之惡, 你呢..你只係為左目的而折磨人, 解咒師!」

「我唔同你地。」我把臉貼到他鼻子上, 要他看清我每一點怒火, 「我比你地更恐怖。」

我舉手結出手印, 準備放出萬咒目錄, 奪去他的小休--

「沈醫生!」 千雪突然出現我旁邊, 「你...」

嘁..

「我只係做要做既野,」我站直身上, 「佢同殺死古Sir, 間接陷害你, 引發幻人事件, 狐狸精事件既黑人有關, 活人樁都可能同佢地有關。」

「就..就算係咁都唔可以咁架嘛!」千雪跑過來道, 「史醫生, 我地唔係識佢既咩!」

「我識佢老鼠--!!」我發動魔法, 無形之手捏住史醫生的頸上往上提, 他馬上抓住自己頸子, 雙腳胡踢掙扎, 臉色發白!

「史醫...沈醫生呀! 我地唔應該咁架!!你....你放過佢啦! 我地遲D再問啦!」

「千雪, 呢個世界係唔可以婦人之仁--」我瞪向在空中掙扎的他, 「佢只要講出邊個係黑手, 我就會俾佢痛快咁死!」

「講左都只可以係死?..唔得, 沈醫生, 唔可以!」

突然, 大氣升起反瑪那, 我的魔法被解除!

「咚!」

掉到地上的, 不只是史醫生。

還有我的心。

千雪以我親手傳授的反瑪那法門, 親手解除了我的魔法。

為甚麼?!

「千雪!!」我怒道, 「你..你做咩呀!!」

這是第一次, 千雪解開我的魔法。

以我教授的法門。

「我身為沈醫生既助手, 我唔可以俾你錯落去!沈默然..你係醫生黎架! 你仲係我男朋友黎架! 我唔想睇到你愈黎愈殘忍! 你又話過唔會再用萬咒目錄既!」

「唔用點逼佢講?!」

「可以慢慢傾既啫!」

千雪是個善良的人。

卻太善良了。

千雪說著說著, 眼框就湧出淚水:「你依加同個時既可柔有咩分別?」

「我...」我為之語窒。

但我還有方法。

「白千雪---」

我說出她的真名。

「--我以契約...命..命令......」

只要我說出整句, 千雪的自由意志就會變得毫無意義, 她的一切行動都會由我控制, 無論是魔法還是物理層面上。

但我說過, 她是獨立的, 我不會..

我在那此見面, 要她表露出自己真正的情緒後, 就再沒有以契約上「她的一切」的擁有權命令佢。真的..要在這兒破戒嗎?

「沈醫生。」她只是看著我, 叫喚我的名字。

---眼中, 卻是信任。

....唉。

我做不到。

我放下手上在溢出的魔力:「千雪, 對..對唔住。」

她擁著我,沒說甚麼。

千雪不只是助手, 更是我的道標, 所謂道標就是日式漢字, 指的是路標, 路牌, 在迷途時指引我的人。

但我那時卻沒有注意到史醫生那垃圾。

在萬咒目錄消退後, 他緩緩回復了體力。即使我一直沒有收起反瑪那, 確保他沒法使用半點兒魔法, 只需要一點點體力他就能做到那件事--

按下炸彈的啟動按鈕。

只要不是魔法, 反瑪那沒有一絲作用。

「沈醫生!」與我相擁著的千雪看到我背後的殺機!

接著--

我被強化了的千雪推飛, 身後傳來一下高呼聲---

「殺生天尊萬歲!!」

「砰隆--!!」

「魔...T...」

巨大的爆風吹飛了我, 我在空中看到有殘肢飛過, 有血霧噴到空中, 血肉橫飛原來是一個這樣貼切的形容詞! 突然的爆炸實在太快, 而且還是從背後炸來! 我連魔盾也沒法使出, 身上的被動防禦也因為千雪不夠火侯, 不會避開己方人員的反瑪那弱化了不少...

糟了..

千雪?

「砰!」我撞到不知甚麼東西上, 眼前的景色變得模糊, 背脊有點痛, 然後黑邊從視野邊界入侵..

最後只剩下漆黑。

千雪..

....Zzzzz

當我醒來的時候, 首先看到的理所當然的是天花板。

「哎呀呀呀....」背脊傳來的陣痛使我呻吟, 我弓起身子扭動肌肉, 馬上小腿抽筋--!

「嘩! 頂..仆..好撚痛.!!」

旁邊的一個在伏在床頭櫃的人被我吵醒, 她一看我, 馬上按下召喚鈴:「阿然! 阿然! 你見點呀!」

「去個廁所再講! 咩話?! 尿片?! 邊個仆街同我搞D咁既野?!」抽搐還好不嚴重!

「咁我唔知你幾時醒啦嘛, 好在你未.....」曉兒別個臉去。

看來我及時在第一泡尿前醒來! 萬幸啊!

我打算飛奔下床, 結果雙腳完全使不上勁啪一聲倒在地上, 結果旁邊的生理鹽水支架被我扯倒--

「沈默然, 你同我咪搞事得唔得呀?」駐場醫生, 是是..是那個姓徐的傢伙! 完了! 這傢伙絕對會把我推進手術室割掉我的腎賣掉!

「點解係你...」我忍著下巴和胸口的痛掙扎的爬起來。

「哼, 我問你至岩, 你搞咩搞到咁?」

「唔關你事。」曉兒馬上為我擋著提問。

「咁生猛, 即係死唔去啦?」

曉兒道:「徐醫生, 唔該做好你份工。」

「挑, 得啦得啦, 檢查, 女人出去!」

「我咪醫生囉, 我無事, 我要搵千雪!」

「你當你真係醫生呀?!」曉兒把頭哄近我耳邊度, 「同埋..千雪..」

甚.甚麼事?!

對了, 史醫生爆炸了, 千雪推飛了我, 接著..

不..不會的..

我呆然坐回床上, 徐醫生把布簾拉上為我檢查, 說我只是擦傷撞傷, 昏倒也只是煤氣爆炸的沖擊波做成腦震撼, 通過了認知檢查便暫時沒事。

「死唔去, 聽日好同我走。」徐醫生飛快地在文件上簽名, 透過他的身後, 我可以看到走廊已經開始在加床。

等他走遠後, 我放出間斷聲音的咒語。

「千雪呢?」契約的連繫還在, 至少沒死!

「你聽我講, 有一個叫殺生天尊既人向我地宣戰....」

「我問, 千雪點呀!」

「佢就係失蹤既殺生石, 殺生石唔係一塊石, 係一個人, 係當年狐仙後裔, 要向我地復仇。」

「咁千雪呢?」

「國際魔法與巫術理事會, 亞洲總幹事被殺生天尊殺左, 依加會提前選下任..」

「我問!! 千雪佢點!!」

魔力爆發, 玻璃差點破裂, 但曉兒作為解咒師馬上把魔法抑壓下來。

我與她相望, 我控制著衝動道:「我最後問一句, 千雪係邊。」

甚麼天尊, 甚麼理事會, 我通通不管!!

千雪..她絕對不能有事!!

「...佢...」

我心跳聲大到能在病房中聽到。

未睇先留名

留個名啦

THX

我有

多謝

之前俾人話轉場太快

奸

早抖

要大家等