[人性魔幻] [結局]《職 業 魔 法 師:駐急症室解咒師與女助手》【三】

好緊張

樓主今日有冇文

我與千雪穿過黑影後, 水位退卻, 接著前方水密閘門打開--

「嘩啦!」

「咳..咳..咳!!」我把滿肚子海水吐出, 拿著毛巾的人影向我走來, 然後一下子避開我, 妖艷的打扮和香水的味道使我差點嗆死第二次, 果然還是要去學一下水循術速成班嗎? 北斗會館好似有辦這種短期興趣班..

「千雪, 點呀, 有冇野?」

「咳! 咳! 咳咳咳!!」她同樣吐出海水, 但是馬上被灌下清水, 又馬上吐出, 毛巾把她包裹著, 和直接重重摔到船倉內的我完全是不同待遇。

「Kelly? 許船長?」

要死了..要死了...

「你見點呀, 好D未?」Kelly照顧著千雪, 為她擦乾頭髮的她除了打扮外沒有一點狐狸精的樣子。

「咳..咳..!! 我死左既...千雪..咳咳! 都會死..」混身濕透的我躺在地上掙扎。

「俾你。」許船長扔給我一瓶水, 我連忙執起來喝--

惡臭!!!

「嘔--!!!!乜撚野黎架屌你老味?!」

我感覺好像把上星期的早餐都吐了出來似的!

「催吐劑, 睇黎有效啊?」

「嘔--!!!」太有效了!

海水盡數吐出, 這兒千雪爬到我身邊, 把喝剩半瓶的清水交給我。

「千雪, 你飲, 唔使俾我..乖。」

我手一揮, 從放置鎮魔彈的空間召喚出飲品, 就是前文提到在安全屋放置的糧水的一部分。

魔偶們忙碌地打掃地方, 抹地, 即使我與千雪狼狽成這樣子地上還算是乾淨, 魔偶的確是很方便的魔法。

看樣子, 宋皇臺號從海底把聽從溫可柔指令跳海的我們吸進了船體, 維持著潛航姿態從藍巴勒海峽繼續行駕, 過了這樣久的話大概早已經離開了施子雄的追擊範圍了吧。

「喂? 可柔? 喂喂?」

許船長反一下白眼:「你隻耳機浸過晒水點用呀, 俾你。」

我接過魔偶給我的耳機塞到耳中, 馬上聽到溫可柔的聲音:「千雪, 沈醫生, 冇事呀嘛?」

「除左飲海水飲到可能爆左腎或者吐到胃抽筋之外完全無事。等陣, 我開擴音。」

我點開耳機上的擴音模式按鈕, 好使千雪也能聽到。

「可柔! 我地無事! 唔該晒你呀。」

「吁~ 咁就好, 幾驚呀我頭先。」

「但係..點解係佢兩個?」

許船長道:「除左我之外, 仲有咩人可以操作咁多魔偶?」

我看看他身邊的魔偶們, 的確宋皇臺號除了許船長外根本沒有一個活人, 我討厭人類是因為在急症室中看遍了人性中的種皇, 而許船長是真的不喜歡與人交流, 身為瑪那研究者同時是出色的魔偶師的他的確可以做到剛剛掩護我們的魔偶大軍。

「而我...我只係效忠會長一族, 而佢地一族俾我既指令係守護北斗會館既大門, 而依加會長已經..」Kelly神色黯然, 「所以, 我既判斷係幫你地兩個先至係守護北斗會館既最佳選擇。同埋我咁多年黎, 累埋既大假大約有幾年左右?」

幾年大假..

「......唔該。」

剛剛的幻術就是Kelly的妖法吧。

「先係度重振旗鼓, 我呢架船係針對獵戶座天文台既觀測能力進行過反制強化, 只要唔好有白痴帶埋會被人追蹤既陀錶上船就無事。」

這傢伙還記著上次的事?

「反制?」千雪問道。

許船長道:「我當年退出獵戶座天文台, 就係唔鐘意佢地對乜野都要觀察同監控..魔法神秘係唔應該咁樣全民監控。」

「...但咁樣可以保障到安全。」

「咁魔法師既私隱呢?!」許船長大聲的說道, 雖未至於到吼, 但已能看得出他有點激動, 他自己本人也注意到了, 馬上壓下聲線,「有機會再討論呢個問題, 你地好好休息, 所有賬單我會計好遲下同你地計。有乜野要求同魔偶講, 佢地可以理解到簡單指令。」

許船長說畢, 便離開了這房間。

這傢伙, 真不老實。

Kitty把兩套衣服扔給我們:「你地係情侶黎架嘛, 係度換啦, 唔好傷風, 出去左轉茶水間魔偶煮緊公仔麵, 得即食野, 頂住先啦, 有咩事聽朝再講。」

我望向舷窗, 混濁的海水揚起海底的污泥, 膠瓶泥頭車子甚麼古靈精怪的東西也有, 就是沒甚麼魚蝦蟹的, 到底幾多垃圾被人類扔到海中去了?

我與千雪換過了衣服後隨便吃過了魔偶煮的麵便帶上床袋在角落互相倚著睡覺, 溫可柔說大佛那種沒甚麼進展, 都是在試探偵察甚麼的, 但至少可以確定的是施子雄不在那邊, 獵戶座天文台也派出了些許助力前往秘密協助, 好像是類似科學社會中特工這樣的人?

「死神隊佢地有最新消息我再聯絡你地啦, 早抖啦千雪, 沈醫生。」

「可柔, 你都小心D, 雖然你係天文台, 但依加無地方係100%安全。」

「千雪係沈醫生身邊我覺得係100%安全喔?」

千雪臉上泛起紅暈:「我..阿然佢會保護可能保護到既人啦! 早.早抖啦可柔!」

「早抖~」

這兩個女生....算了, 年輕就應該有年輕的樣子。

畢竟我們從巨石陣回來後便一直遇上不同的糟事, 到了現在才算是真正的休息。沒想到呢...當年我曾經這樣評論宋皇臺地下瑪那天文台, 說這組織的技術不及獵戶座, 還一直在刻意迴避觀察, 沒想到現在的我們竟然要靠它來逃亡。

累了。

夢境支離破碎, 但有我姐姐在。

這是最近這陣子難得看自然醒, 我就是這樣自然的醒來, 千雪也在我懷中穩穩的輕微打鼾, 我閉眼仔細感受契約魔法, 白千雪與白錦雲的連接兩個都還在, 看來那傢伙沒死成。

可惜呢。

「嗯..?」

「呀..千雪? 對唔住, 嘈醒左你?」

「...嗯..」她還沒完全醒來。

時差, 傳送魔法, 戰鬥, 跳海..對她來說也許太大負擔了。不過我說要她離開我, 即使是為了她著想也好,她也不願意吧, 所以我也馬上把這念頭抹消。

遠方傳來的是爭執的聲音。

「.....去..」

「唔..唔..天文台..」

「好啦, 千雪, 你繼續訓啦。」

「唔制..阿然唔係度咁我都唔訓啦。」

真黏人。

我與千雪從睡袋中鑽出, 才一走近茶水間的邊緣就聽到了吵架的人是許船長與Kelly。

「去! 點解唔去! 我地就係要返去先可以進行下一步!!」Kelly高八度地吼道。

「唔去! 傻撚左呀? 獵戶座為左自己安全, 附近實施最精密既觀察! 宋皇臺號一定會被觀察到!!」

「有咩所謂啫!! 自己友呀! 」

「咁咪即係講左我地匿跡技術不如獵戶座?!」

「好明顯啦!」

許船長搖頭:「我幫你地只係賣個人情俾姓康條老野! 我先唔想返去! 你地自己上岸坐的士啦!」

他反駁不了?!

「咁咪重危險!!為左大局著想返下去唔得啊?! 你有幾自卑呀!?」

「卑你個頭呀狐狸精!!」

「狐你個頭呀死毒撚!!」

這傢伙, 真的活了300年? 我看是13年吧?

「許船長。早晨...尋晚..唔該晒。」千雪躬手道謝。

「得啦, 咪煩! 狐狸精! 我同你講, 我呢隻船唔會接近青衣島! 依加我地就去西貢結界逃避觀察!」魔偶扭動方向盤。

「你敢?!」Kelly拔下一根頭髮, 呼一下子吹了一口香氣, 飄到空中的頭髮馬上變成了Kelly的樣子與魔偶互相角力方向盤的控制權。

「我話只係救個兩條友, 無話包接送!」

「你就讓下女仔唔得既!」

「由生物學上黎講, 你係雌性, 唔係女仔!」

這樣會沒完沒了吧, 許船長對獵戶座天文台太反感了。

「你可能高估左康台長。」千雪向我單眼道, 她順道放出反瑪那使魔偶散架, Kelly的頭髮變回原形, 「佢話自己已經天下無敵, 你隻船係西貢都查到, 不過呢佢話上次更新演算化好似已經係2年前..」

千雪! 太棒了我這助手與女友!

「兩年前?! 姓康條死老野咁串?! 咁睇我唔起! 我就俾你睇下我呢兩件匿蹤技術提升左幾多!」

真好對付, 果然太久沒有和人接觸交流。

宋皇臺號馬上調頭, 直直往青衣那邊駛去。

果然才一接近藍巴勒海峽--

「沈醫生,千雪, 觀察到水底有巨物接近天文台, 係咪你地? 如果唔係既我地要啟動反擊術式...」

「千其唔好! 可柔! 」千雪馬上跑出房間, 「呢邊有D事, 你千其唔好話已經發現我地, 等陣要扮晒驚訝咁..」

「哦...」

「係呢, 大佛個邊點?」

「嗯..算唔算成功呢, 你地返到黎親眼睇會好D。」

這樣說即是出現了在「簡單地救回會長」以外的情況吧。

不理是甚麼情況, 都是變數。

變數...是不好的。

有

未住...

發覺大家都好照顧千雪佢畀我嘅印象都係嗰種天生就令人想親近佢嘅感覺
許船長原來都係笑點之一自卑嗰到

如果做野辛苦唔好勉強自己要每日絞盡腦汁......

無事, 見有D靜啫

加油呀作家

星期六好忙啊

宋皇臺號從海底一直滑向青衣島, 溫可柔那邊老早已經發現, 但是當然沒說, 魔偶不會說話, 但是許船長的緊張神色感染著所有人, 良久後艦上一把合成聲線道:「距離青衣島一海里, 正。」

「哈! 話左架啦!」許船長笑道。

「呃...」溫可柔聲線在我耳邊響起, 「我地使唔使黎接?」

「唔使!」

給他高興一會吧。

宋皇臺號微微震動, 發出隆隆的聲音, 腳下傳來輕微的離心力, 接著海床在舷窗外消失, 然後是海水, 垃圾, 海水, 垃圾, 垃圾, 垃圾, 海水, 水平面.....宋皇臺號升出水面變回了遊艇的樣子。甲板上升起一架私家車, 我們登上車子, 繼續由魔偶駕駛, Kelly坐在副駕駛座, 我與千雪坐在後面。

「許船長, 你呢?」

「我唔去啦, 最憎返去, 都唔知你地咁鐘意個度D咩．」

「下?!」千雪有點驚訝, 我倒是早已猜到。

「係呀, 咪煩我, 我要返海底, 拜鳩拜!」

也好, 反正他去到一定會找康台長麻煩吧。

感覺好像有點對他不起呢, 把他當成救援船一樣用, 用後不理, 但是是他自己不來呀? 好, 一定是這樣, 心安理得。

車子沿道路前進, 一如以往我為車子加上重重魔咒好逃避附近伐魔隊的監視, 特別是發生那種事後, 他們一定團團圍著天文台, 希望能截下出入的我們幾個逃犯, 可惜的是我可是專精於防禦的魔法師, 在他們眼皮下溜過去也不是甚麼難題。

車子穩穩地停泊在停車場中, 我見識過千雪路試的表現, 只求她正式上路駕車時有這魔偶一半的穩定。

「阿然, 千雪...」Jean看到我向我們走來, 然後..「Kelly?!」

Kelly略略解釋了一下, Jean也馬上理解, 可以看到角落兩個黑沉沉的傢伙閃身離開, 是死神隊的人吧。

「我地救出左會長, 但係....算係救出左佢最重要既部分啦。」

「部分?」會長需要後裔來繼承魔力, 法寶, 與記憶, 那麼回來的部分不會是..

....是...

....只有那部分?後裔....糟了, 妖艷的Kelly常陪他左右, 莫非是等他十六歲就馬上....!!

「身體。」Jean推開臨時病房的門, 「但係..有人會解釋你地知, 阿然, 做咩面都青埋?」

「呃...」我到底在想甚麼?!

「師兄。」

房中是兩個我意想不到的人:同樣是守在急症室的靈媒鍾鈴, 與....徐醫生。

為甚麼啦?!

「你係度既?!」

「咪又係你地叫我黎。」徐醫生脫下口罩道, 「定你想我走?」

我冷冷的說:「我想我講真話定假話?」

「神棍識講真話?」

「呢度全部人都係魔法師喔? 使唔使我變你做青蛙, 再扔到藍巴勒海峽?」

千雪道:「阿然, 青蛙係淡水生物..」

我笑道:「我知啊? 就係想呢條友咸死。」

「我唔知你地魔法師咁多野, 總之, 呢個人既身體情況係由我黎照顧。」

「鐘鈴你搵呢條友黎做咩呀?! 無其他醫生啦咩?」

「知道魔法既真醫生實在無咩...」

「聽到未呀, 假醫生。」徐醫生得意地說。

正當我再準備與他互窒時千雪卻拉住我:「算啦, 阿然。」

要不是千雪的話我可能真是會變他成青蛙, 不過我不會變回來就是。

「會長身體情況點? 生殖能力?」Kelly一本正經地問出這種問題。

「我唔識魔法, 但從病理上黎講, 呢個男仔曾經體力耗盡到虛脫, 亦有唔少擦傷之類既輕傷, 但整體黎講係健康既, 除左開始有近視同埋寒背, 手既關節都有少少勞損。我唔知點解..你..你會問生殖能力啦。」徐醫生的眼掃視幾乎半裸, 露出度比平日Jean還要高的Kelly道, 「但係冇問題。你地....唉算, 魔法既野我唔識..」

開始有近視同埋寒背, 手既關節都有少少勞損.....那只是因為他玩太多電子遊戲。

鐘鈴卻道:「靈魂學上黎講, 相當唔掂, 會長既身體入面, 無．靈．魂。」

躺在床上多處被包紮著的會長, 靜靜地躺著, 可是如果不是仔細觀察他胸腔因呼吸而引起的起伏, 根本就不知道他是死了還是活著。而且, 就這個慘樣再與腦海中活潑的會長, 一邊說是垃圾遊戲一邊課金下去抽卡, 給Kelly沒收掉手機, 因為課金過度把零用錢花光, 來我與千雪, 或是古Sir宿舍中白吃白喝的會長...

不行, 這不應該是他的結局。

即使他的記憶, 法力, 法寶會被人工受孕而誕生的後裔繼承, 對我來說都可能接受! 這會長就是會長, 不是姜子牙, 不是上代, 不是上上代, 而是獨一無二的一個人!

「......」

「.....」

「....」

「嗄?!?!」Jean驚叫道, 「我地打生打死, 真係得個吉?!」

「唔係得個吉既, 呢個年齡既精子應該可以受孕, 只要身體健康...」Kelly說著相當可怕的提案。

「你只關心佢生唔生到仔啊!」

Kelly卻一臉漠然地問:「有咩緊要過會長一脈既傳承?」

可憐的會長, 感覺就好像小小年紀當上皇帝, 結果根本沒有人照顧他重視他, 大家只是關心皇權之類其麼亂七八糟的, 可能還能拍上3~40集宮鬥劇, 主角可能會是那個小生吧。

「會長個人呢? 無人Care?!」

鐘鈴道:「我地未知道會長既靈魂係自己飛出去, 定係被邪法奪舍, 但係除非係專攻靈魂學, 而且法力高強既靈媒, 靈魂係唔可以離開自己身體太耐, 如果唔係就會由活靈變成死靈, 元神, 三魂, 七魄都會剝離.....」

「等陣先, 等陣先, 活靈?! 死靈?! 元神, 三魂, 七魄?!」我對靈魂學的研究接近零, 根本不知道鐘鈴在說甚麼。」

鐘鈴倒好像已經習慣了我這樣子:「簡單D講, 如果會長係被奪舍邪術奪去左身體...師兄, 你應該最清楚會長會點。」

啊..

當然知道。

我當然知道..

但我不希望自己知兗...就與我的父母一樣吧。

「而另一個可能性就係會長使左身外化身, 靈魂出竅咁既術式, 黎做逃脫之類...但係呢排係佛誕, 瑪那值下降而且平穩, 即使係會長都無法對付佛法既淨化效應, 離開身體太耐, 太遠既靈魂就唔會返黎, 而且會好像之前地縛靈傅嘉琪咁失去自我意識......我地未必趕到。」

「即係未必趕唔到啦!!」

「距離就職典禮得返唔夠一星期, 反正我地有會長既身體, 我覺得----」

「唔得!!」

「.....」

「咁啦, 同之前一樣。」鐘鈴道, 「靈魂會受親近既人吸引, 會長如果係主動出竅既話, 可能會係親近既人附近暫時附身之類, 以呢個做線索, 可能可以招返會長既魂魄返黎。你地有冇頭緒。」

有。

竟然是有!

沒想到比想像中簡單!

人形物件易吸引靈魂, 同樣易吸引靈魂的就是動物, 而動物之中又以貓最易吸引靈魂, 因為貓一直與魔法神秘掛勾, 到現在埃及人還是視貓為神明的化身---

親近的人, 貓。

「古太同晴晴!!」我與千雪異口同聲的說出答案。

THX

千雪既角色有向呢點設計過
但唔係全部原因

千雪緊張啫

OK

咦三日前