事源呢,就係呀Edan一早出左story就話想開live同大家一齊睇Mirror go,咁佢一開live一播Mirror go就跳左制咁係咁笑啲畫面又笑呀Jeremy同呀Jer,話佢地弱智仔又話呀Jer驚個樣好好笑,見到自己嘅畫面嗰陣又自嘲吓自己好低能咁等等啦。
我睇左成個鐘睇足個live,有幾條友不斷狙擊Edan做咩要笑啲兄弟,主要係笑Jers。
到左後尾Jeremy本尊上水,一睇就睇到尾,全程live都陪住Edan,又恥笑返Edan大家兄弟之間講吓笑咁。
大佬呀,你地要吹奏Jeremy好大方心胸好廣闊都公平啲呀?Jeremy講笑Edan就得,人地笑Jeremy就要咁樣俾你地鬧,睇個live洗唔洗認真到咁呀?雖然事實上Jeremy都真係好大方好心胸廣闊,陪Edan玩到尾,on on99咁同Edan笑足個live咪開開心心去訓教算囉
本尊都講唔緊要,都唔明你地狙擊人地做咩,有冇諗過佢唔想你地狙擊佢兄弟呀?
Edan都有笑姜b同皮皮啦,又唔見人地有fans衝出嚟咁樣鬧人鬧足一個鐘?
樹大有枯枝,我相信唔係個個Jeremy嘅fans都係咁,你地愛你地嘅偶像,但都諗吓你地偶像想唔想見到你地咁樣啦,嚴重招黑
同埋,
可唔可以唔好再諗到佢地12個人嘅兄弟情係咁脆弱?講個笑都要俾人鬧成個鐘
奉勸12個仔一句,唔係一句真性情唔係一句講笑唔係一句兄弟情就可以笑自己兄弟,記得要識尊重返人呀
Edan有save live,得閒嘅上去睇足一個鐘就知我絕對冇誇張