《銃夢：戰鬥天使》Alita:Battle Angel 電影討論區 (2)

一隻半隻都仲有位嘅
btw 想要第一套甲多啲

韓國大約有幾多

位就有既 但窮撚買ht j下算

無人識你(alita)啊

佢見到HUGO俾人老點果下醒覺自己其實都係俾人點緊
所以先想離場

聽日到美國上映次週，我估去到星期一應該大約60m左右
到最後好彩既話80m收工

桑彭幾靚仔

仲考慮緊係咪訂HT
始終個頭差啲

好睇
CG 好靚 皮膚勁真
女主角對眼識講野咁
幾鐘意女主

我都係
為左alita mon埋hot toys果post
真係想佢出番大啲隻眼加佢第一個大理石整果個身

Fox's 'Alita' Leads Worst President's Day Weekend in 15 Years

無睇過漫畫，覺得故事交代好清楚。

無追晒post，但見到有啲留言話Alita以外嘅配角描述太少，所以想分享下意見.。

醫生前妻Chiren出咗大約七場有對白戲份。第一次係同Alita相遇，第二次係同前夫傾計。之後醫生同Alita交代女兒死亡後妻子Chiren離開。三場戲交代出人物背景：「被天空之城放逐、一個逃避、假扮放低咗嘅母親」。重返天空之城成為Chiren整部喺電影嘅目的。而家庭就係角色高潮嘅A伏筆。

之後兩三場戲係配襯Victor，交代兩個角色嘅工作。

之後係角色高潮嘅B伏筆係Victor同Chiren講：Victor 只係利用Hugo ，唔會送Hugo 上城。Chiren只得兩秒做表情，表達出兔死狗烹嘅懷疑，我覺得依場Jennifer 完全演到。

B照應好快出現，就係Chiren目擊Victor出暗花殺 Alita。而A照應就係Chiren睇住「女兒替身」「Alita」悲傷，加上兔死狗烹既懷疑，兩個照應令到Chiren做返一個母親,，幫女兒救男友。

其實前妻Chiren唔洗再出場都已經交代晒劇情，最後重要畫出腸，同victor自首同辭職。

角色得10分鐘左右，但已經有齊起承轉合，我覺得前妻戲份無乜問題。

唔好意思，無追po做伸手黨

有無人可以用藍字講下天空之城Zalem 同耶路撒冷Jeru"salem"（和平之地）個撒冷有無關係。

因為戲名有angel 天使依隻字。

套戲叫Alita: Battle Angel，女主角係「主標題」，我覺得第一場戲就已經帶出咗「主旨」，「who am I & who was I、自我」。

探索「身份」依個主題，一次過包括晒「成長、親情、愛情、反判同覺醒」，我覺得無問題，而Alita最後都「探索」到自己「身份」係戰士Battle Angel （副標題）。首尾呼應

「探索」係電影過程，Alita 「身份」先係明確主旨、開端同結局

唔知咁樣講完，你對Alita: Battle Angle嘅電影文本會唔會有更深入理解呢？

至於Ido醫生點解比alita玩motorball，其實係有交代

Ido係整義肢嘅醫生，偏偏自己個女比一個motorball玩家殺死，Ido對motorball嘅憎恨嘅根係因為對個女嘅內疚。佢「唔能夠保護自己個女」係依個角色最重要嘅伏筆。

但Alita係Ido嘅「女兒替身」， Ido當然擔心而禁止Alita玩motorball。

但Alita係酒吧打輸咗就係呼應伏筆，Ido親手抱Alita離開，開解自己當年「抱唔走自己個女」嘅遺憾同內疚。

換身之後，Alita好似有鍚Ido，依場戲就係「女兒正式原諒自己嘅一刻」。

Ido有返個女，依一刻佢完全放低到「對親生女嘅遺憾同內疚」。再一次成為父親，佢嘅人生目標就由「報仇同自責」變成「幫個女成長」，而個女嘅人生目標就係「戰士」同「返Zalem」。

係更衣室入面Ido幫Alita著甲，Alita嘅「緊張」唔係來自「戰鬥」，而係來「演出比爸爸睇（失憶失唯一親人）」嘅緊張。

而Ido嘅擔心表情唔再係「喪女嘅驚恐」，而係「對女兒嘅期望」。Alita叫Ido返觀眾席個句對白，同Ido「寒背、笑同震交集嘅擔心演繹」可以睇得出Ido 走出陰影，佢嘅戲份已完結，之後成為一個tool man配角。

男主角Hugo唔係真係一文不值

Hugo係一個年青人，係黑市工作係因為窮，要上天堂Zalem。Hugo喺戲入面係無背景，只有一班做賊嘅朋友。好大可能係孤兒（我無證據）。

Hugo人生只有一枝公同幻想嘅未來，Ido一開頭都話Hugo好仔又勤力，但Ido似乎估到Hugo犯緊罪。

直到遇到Alita，要記住Hugo係未見過好人架。所以黑人朋友Tanji話Alita 係Hugo女朋友，Hugo否認，覺得Alita神聖不可侵犯。Alita係Hugo唯一唔可以拆嘅仿生人，因為Alita係Hugo見過唯一純過蒸餾水嘅「人」。

Hugo唔覺意吸引咗Alita，Alita對Hugo死心塌地，令Hugo愛上Alita，Hugo第一次有親人或者愛人嘅感覺。

所以Hugo話Alita比人更有人性，就係因為Alita係唯一天真善良嘅人。（連Ido醫生都係抱著防人之心不可無嘅態度生活）

到Alita比個心Hugo，Hugo先真正知道咩係「愛同責任」。所以決定唔撈偏。之後Tanji冒犯Alita，Hugo出手打交，就證明係依一刻Hugo心裡面只有Alita，為咗愛情可以放棄全世界（工作、黑人朋友Tanji、天空之城Zalem）

Hugo係第一次死個陣，佢就係鐵達尼個Jack ，轟轟烈烈又安祥咁喺愛人心口死去。

可惜佢復活後落咗「地獄」，全身義肢彷彿係以前做「義肢獵人」嘅報應。重變咗「殺人犯」、點同「償金獵人」Alita結婚？

獵人同獵物交換，復活嘅目的就係為咗落地獄，幾咁諷刺。

最初Hugo為咗愛同責任（Alita）而唔介意窮（唔上Zalem唔撈偏）；最後因為無咗愛同責任（償金獵人同殺人犯嘅愛情）而要脫貧（上Zalem）。

上Zalem唔係一個理智嘅行為而係情緒病，Hugo用行動同個天講：「點解你要玩我！？要我無女又落地獄！？」由地獄走嘗試走返上「天堂」Zalem。




另外Hugo 係麥高芬，用來推劇情用嘅角色。Alita第一次識男仔、兩次認識motorball、反叛、第一次食朱古力、搵到副甲、同Victor 相與、參加motorball嘅原因、報仇原因都係因為Hugo。

而Hugo同醫生前妻Chiren兩個角色有50％重疊，互相影射，佢地「同一時間」為咗上Zalem幫Victor 做打手、為咗Alita改邪歸正、因為Alita而被殺（Hugo 第一次，前妻被肢解。 ）

而前妻chiren同醫生Ido又有50％重疊，係自責嘅父母、投射感情於Alita度。


而Ido、Chiren、Hugo三個人對Alita都有唔同嘅愛。所以佢地三個角色描寫會少啲，因為睇完其中一個，可以閱讀埋另外兩個嘅「部分心理」。咁樣片長就可以短30分鐘，又不失一氣呵成。

如照你講套戲票房落畫
fox起碼會蝕成億美金up

占士金馬倫既戲出碟時多數有加長版

今日先上畫，睇埋大陸禮拜六日既走勢先放灰都未遲

其他地方乃定局 得番第二收入來源中國決定命運，不過都打定輸數多，中國起碼要20億人仔（300m美金）先搞得盤數靚仔，呢個數得超級英雄戲先做到

所以未一直話如果佢長多廿分鍾鋪多幾個shot比hugo同前妻就完美