【懸疑】《連登連環殺人事件》

芊芊更加古怪

推
進度去到幾多
記得新年嗰陣勁無聊 所以揀咗幾個故嚟追
依家得返你呢個未完

其實好快就完架喇

覺得芊芊古怪啲喎

兩天過後。

觀塘商業大廈的天台再次熱鬧非常。

員工拿來了一張橘木的大圓桌，連埋住、康仔和分析組的人共聚一枱，商討兩日以來所覓集到的情報。

其他人則佇立一邊，靜聽他們的討論，場面有如軍事大會。

「我地跟據你之前交低既情報，再整合左行動組、起底組搵到既資訊，分析左每個人可疑之處。」作為分析組組長的一個禿頭的男人，眼光銳利地說。

康仔全神貫注的豎耳聽著。

「請講落去。」連埋住揚手說。

禿子站起來，在桌子後拉了一塊白板過來，白板上寫滿關於重案組每個人的關係圖、相片和分析結果。

他握著一枝天線般的東西，指向白板上一個蒼老男子照片。

「先講蘋果陳，起底組發現佢身邊個女人佢花左半年時間都溝唔到。但係喺案件完左之後，佢同胡文軒平升做總警司，條女就同佢一齊左。不過喺案件上，就暫時搵唔到任何相連既線索。」

康仔狐疑：「雖然係無直接關係，不過佢今次案件上未免得益太大喇掛？好難唔令人懷疑佢。」

「我都係咁諗，所以我地對佢暫時抱以觀望既態度......」

禿子然後指向影姨：「影姨，係繼承左家族過億身家既隱形富婆，平時工作上雖然好普通，但私生活非常隱密。我地行動組嘗試過連夜跟蹤，但都無功而回。」

「呢啲女人收收埋埋，真係估佢唔到喎。」連埋住說。

「我最中意就係呢啲有神秘感既女人。」禿子舔唇。

「呢啲女人，隨時殺左你你都唔知啊，青頭仔。」連埋住取笑他。

禿子噘噘嘴，沒趣的摸摸光頭。

「嗯...下一個先。」康仔沒有對她作任何評價。

「哦...Next！芊芊！」禿子拍向她的相片，發出「呯啪」一聲：「根據行動組同我地講既資訊，佢雖然係無乜疑點，但有行動組組員懷疑佢有多重人格！」

「哈？」康仔幾乎笑出來：「簡直胡說八道。」

「我可以做證！」王伯忽然從人群中站出來：「我跟左佢兩日架喇，佢成日又喊又笑咁，癲癲地！」

康仔聽罷皺眉蹙額。

芊芊居然在哭？子熹不是跟他好好的嗎？

「佢肯定係有病！憑我七十幾八十年觀人入微既經驗......」

「你就有病。」康仔不屑一顧：「你唔會喊同笑架咩？」

「但係......」

「NEXT！」他無視了王伯。

「好，下個！子熹！」禿子拉高聲音，以朗誦的語氣說。

「哼，係你地唔信我「禾輋金田一」咋。」王伯沒趣的退回人群中。

「經過調查，我地發現子熹除左偶然會獨自傾好耐電話之外，大多時間都係同芊芊一齊，兩個仲夜夜笙歌添。」禿子興奮的奸笑。

旁邊行動組的人也吶喊助威，你一言我一語：

「係囉，有冇咁好精力啊？」

「可能條女欲求不滿呢......」

「我影到少少佢地喺屋企既情況，嘻嘻。」

「咁正？好想睇......」

「條仔more……」

康仔聽得怒火中燒，猛地拍枱發惡。

「你地侮辱完我兄弟未啊？認真啲得唔得啊？」

眾人瞬刻噤閉嘴巴。

禿子有點慌了的張張嘴唇，但下一秒他便立即擺出嚴肅的臉：「係囉！我地傾緊殺人兇手既事架嘛，要傾J圖自己返去慢慢J啦。」

「返去都唔凖J。」康仔警告一句。

「好...好啦。」

「言歸正傳，你頭先話佢成日傾電話，知唔知係同咩人傾？」

「起底組嘗試查過，得出既結果係佢同一個女人傾電話，不過個女人使用太空卡傾電話，所以唔清楚詳情。」

「太空卡？」康仔想了半响，續說：「我諗唔到佢有咩理由會同個用太空卡既人咁耐傾電話。」

「會唔會係外遇？」連埋住說。

「外遇情人有需要使用太空卡咩？」

「或者因為佢知道你會查佢，所以咁樣做呢？」

康仔掏出一根煙，抽了幾口，愈想著這件事，搖頭搖得愈厲害。

以他所認識的子熹，應該不是個會有外遇的人。

他對死去的美玲也專情多年，怎會是這麼隨便呢？

「不過就算係外遇都無咩啫，反正同案件乜野關係都無，係咪先？」禿子聳聳兩手。

「一日呢件事未證實，我係唔會評論。」

「咁胡文軒呢？。」連埋住指著白板正中央的男人相片問。

「胡文軒......」

禿子立即臉色大變。

「下，胡Sir做咩野？」康仔發現他的神態不妥。

「佢係我地調查中，最有可疑既人。」

「！？」

康仔自然的坐直身子，等待禿子說下去。

「一言難盡......」

禿子一五一十地說出對胡文軒的調查結果。

康仔的面色，隨著他所聽到的東西，溶化成僵直的臉。

聽到禿子解說原因後，他深信案情已經不是他初時想像這麼簡單。

子熹，胡sir

其實會唔會成個重案組啲人都係幫兇

過多幾日差唔多揭曉

到喉唔到肺

會唔會胡sir同子熹係同一伙？

個個都估子熹

推

4.

星期六的旺角朗豪坊商場，水洩不通，到處也時乘著假期閒逛的途人。

商場平台的一層，為了吸引更多人流，臨時增設了聖誕節「打卡」位置，放置一堆聖誕節卡通人像供人拍照。

胡文軒剛在商場附近的健身室做過運動，打算來商場的美食廣場吃個午飯。

他途經這個打卡位置時，見這裡十分熱鬧，他放慢腳步瞧瞧何事。

見到不少人排著隊一個個等待拍照，位置還有很多擺成聖誕老人的員工，幫助他們拍照和換領禮品。

從一旁看，聖誕節的氣氛非常濃厚。

胡文軒只是掃視了一眼，沒感到太大興趣，準備離開之際，倏地四個聖誕老人打扮的人走到他面前。

「先生，恭喜你中獎啊！」一個聖誕老人雀躍的說。

「我？」胡文軒錯愕的指著自己。

「無錯啊，你係今日第五百位行過我地打卡位置而唔行入去既途人，可以贏得終極大獎！」

「乜唔行入去都有獎攞架咩？」胡文軒有點懷疑。

「真係架，或者你可以過嚟呢邊睇下份獎品啱唔啱你先？」

「你講左有啲咩獎品先。」

那聖誕老人怔一怔，突然說：「獎金獎品非常豐富，包括FX Creation流行袋系列、加大賀花之戀系列、家電產品......」

胡文軒蹙蹙眉，怎麼這段說話好像有點耳熟？

不過見四人的衣著應該沒什麼可疑，而且獎品乍聽頗為豐富，便跟他們走。

他們一路的走，來到平台一個人流稀疏的角落位置。

「獎品呢喂？」胡文軒問。

四個聖誕老人忽然轉過頭，對他賊賊的笑。

他一驚，背後猛的有幾人用布袋由頭蓋著他整個身子，他嚇得大聲喊叫。

「搞掂，捉住左佢！」

背後的人是康仔、阿住和王伯，他們也穿上了聖誕服裝。

套緊布袋後，他們與其餘四個聖誕老人，合力抬起他往商場洗手間方向奔走。

「救命啊！襲警啊！你知唔知我係邊個啊！」

胡文軒在布袋裡大吵大嚷，令商場的人困惑的望向他們七人。

「聖誕禮物嚟架咋，嘻嘻。」王伯指著布袋對途人說：「Merry Christmas！Merry Christmas！」

途人雖然有生疑，但大多只是觀望他們，沒有上前阻止。

「呢件禮物真係夠哂調皮啦。」連埋住托著布袋吐糟一句。

好不容易，他們帶胡文軒進一間無人的狹少洗手間。兩個聖誕老人站在門外，防止有人進來。

進去後，康仔鬆脫開布袋，把袋子隨手掉到一邊。胡文軒發現自己身處洗手間，被人包圍後，顯然驚魂未定。

「呢個人，連我講獎門人既獎品佢都信，笑死人咩。」那聖誕老人脫下帽子，原來是行動組的禿子。

胡文軒跌坐地上，細眯眯的眼睛投向眾人，他很快便發現康仔。

「康仔？點解你......」

「我地將會問你幾條問題，而家唔係事必要你講！」康仔向他大聲吆喝：「只係如果你唔講，我就唔擔保你可以完好無缺咁走翻出去。」

胡文軒先是驚訝，但再次掃視幾人後，忍不住大笑起來。

「有乜野咁好笑啊？」阿住討厭他的嘴臉。

「雖然我唔清楚點解你要捉我，但知唔知你地咁樣做，起碼要坐幾監呢？」

眾人面面相覷。

「要脅警務人員，即使口頭上既要脅，刑罰都有機會五年。而家你地郁埋手腳，我諗你地真係唔識死。」

幾人面露膽怯的臉，胡文軒見狀變得戚戚得意，怎料康仔蹲下來，對他展現具殺氣的笑容。

「咁如果唔留你活口，咁你咪無得告發我地囉？」

康仔震懾的這句話，令胡文軒再也笑不出來。

「你想點？」他乾脆地問。

「答我，你同黑社會係咪有利益關係？」

「我點解要答你？」

康仔一腳踏在胡文軒的手掌上，他痛喊一聲。