166 Like
10 Dislike
我不是炮友
2019-01-25 00:40:32
奶茶哥基
2019-01-25 08:53:13
由於小弟聽日去露營,聽日同後日未必出到文
因此,我今晚會出多少少
麻甩女神
2019-01-25 13:28:07
去露營咁正?
Weekend 就有你啦
咁今晚出多啲
麻甩女神
2019-01-25 13:28:33
就由你
自膠
奶茶哥基
2019-01-25 14:20:11
天氣好嘛
奶茶哥基
2019-01-25 22:20:26
天台是白哲一片空地,有十幾支鐵色長桿坐在角落,長桿的身軀伸延出天線,形狀就似含羞草。四邊盡頭沒有護欄,只有一個小小的台階圍繞著。
從天台望出去,能清晰望到觀塘的全景。密密麻麻的商業大廈並列臨立,眺望至遙遙遠處,還能看見九龍灣的光景。
場境令子熹聯想到電影「無間道」裡,梁朝偉跟黃秋生秘密會面的一幕。
「居然主動叫我地上嚟傾,睇嚟係有啲不可告人既秘密?」胡文軒掏出煙盒。
「喺公司,怕隔牆有耳。」女子答道。
子熹暗暗打量這個戴口罩的女子一片,發現她無論在說話和姿態上也有點「姣」……
他嘗試跟上次城市大學演講廳所見的可疑女子作比對,發現年齡及身高也有點相近。
眼下的女子擁有烏溜溜的短髮,他依稀記得可疑女子是留著長髮的,但是細節無法在腦迴中尋獲出來——始終子熹只是略看了那女子一眼罷了。
奶茶哥基
2019-01-25 22:20:42
胡文軒拿出金色火機點菸,抽了一口,鬆弛的呼出煙,把菸蒂啣在嘴邊。
「我應該點稱呼你?」
「Carmen。」
Carmen乾咳了兩聲,繼續的說:「我知道兇手係邊個。」
「唔?」兩人仿佛腦袋被敲了敲,神經反射的叫出來。
「唔需要太過驚訝。」Carmen說:「我諗你地頭先調查完之後,應該都估到係邊個。」
「阿田?」子熹衝口而出。
他們一直調查所得的方向,矛頭對準名叫阿田的女子。
她沉默的瞇細了眼睛,隔著草綠色的口罩,隱約能見她的臉頰向上拉扯。
「點解你都覺得係佢?」胡文軒問道。
「一切都係喺半年前開始。」Carmen回溯著過去的畫面:「我喺呢間公司做左一年幾,半年前,阿田加入嚟我地公司。初時我對佢都無咩特別感覺,見佢份人正正常常,雖然有時好難猜測佢諗啲乜,但亦唔會因為咁而對佢有咩反感。直至三個月前,我地討論區出現左「帳號清洗」既情況。」
「帳號清洗?」
奶茶哥基
2019-01-25 22:21:12
「你錯喇,所有野都係緊緊連繫住架。」Carmen瞳孔放大,眼神變得異常凌厲:「阿田並唔係亂咁ban人帳號,而係根據用戶過往留言既內容而判定,一啲講過違反道德倫理、欺凌或者煽動欺凌說話既人,通通比佢ban哂。從中睇到,佢對好多連登用户都係以心存不妥。今次既事,好有可能係佢發洩內心不滿既途徑。而連尼住對佢咁好,亦可能係幫兇之一。」
她大膽的假設,加上獵鷹般的眼神,令兩人不得不深思她所說的話。可是,這個猜測裡還有些細節位置不能解釋清楚。
胡文軒舉起食指把煙灰搖掉,灰燼慢慢飄落地上,沉思剛剛獲得的這堆資訊。
「咁「傷心小棧」呢?我地查過開post既人,佢叫羅明亮。阿田點解會咁啱揀中呢個post作為殺人既排序?」
「或者,兩人之間都有關聯呢?從來無人話過兇手只得一個。」Carmen數數手指:「可以係一個、兩個、三個、甚至更多。」
「睇嚟要解釋所有疑點,我地首要任務係搵出阿田呢個人喎。」子熹道。
奶茶哥基
2019-01-25 22:21:27
「我有個少少建議。」Carmen警戒的望了望背後,確定沒有人處於通往天台的門扉後續說:「我留意過阿田,佢放工後每晚都會搭619號過海巴士返屋企。雖然唔清楚實際落車位置,但相信佢住喺呢條路線中經過既地方......呢啲就係我知道關於佢既全部喇,接落嚟既調查就要交比兩位了。」
她恭敬的欠欠身,倒吸了一口氣,然後似呼煙般用力噴出來。有總把一直卡在喉嚨裏的東西,通通吐出來的感覺。
對於一個員工能爆出這麼多資訊,不論當中有多少屬真屬假,對於兩人而言已經有著莫大的幫助了。
子熹觀察Carmen半遮掩的臉龐中,看不出端倪。過了半响,他問了一條胡文軒也想知道的問題。
「點解你會知咁多阿田既野?同樣係員工既其他人,對於呢件事幾乎不聞不問。而你,幾乎知道成件事既整個畫面咁。」
「因為我係一隻徹徹底底既港奴囉。」說罷,她逕自嘿嘿的笑起來。
「港奴?咩意思?」兩人也不理解。
「港奴最重視既永遠係咩?咪就係份工囉。」她略有所思的晀望遠方,天空留有一條修長的雲霧軋道,應該是噴射機輾過天際所留下的痕跡。
她繼續說:「我所做既一切,只係為左呢間公司可以安穩咁前進落去。所有會破壞軌跡既因素,我都會去盡力阻止佢。呢種係咩感覺呢?我諗唔到一個詞彙去言喻佢。」
「歸屬感。」子熹猜說。
「係...可以咁講。」Carmen點頭:「就好似有人會對祖國產生強烈歸屬感一樣。」
兩人調查完畢離開了,子熹乘坐胡文軒的車折返。看著街景穿梭,他想起剛才的情景,腦海嘗試抽離的分析事件。
一個叫Carmen的員工,忽然告訴整件事的來龍去脈給我們,給予我們過分清晰的資訊。她所做的一切,單單只是因為歸屬感嗎?
還是她以這些話語,去掩飾了某些東西?
現階段,時間所限,他們唯有順著勢查下去,見步行步。
「619號往中環方向過海巴士...阿田......」子熹掏出記事本寫下來。
奶茶哥基
2019-01-25 22:22:13
3.
另一邊廂。
雖然距離兇手下一次行兇還有一天,但二十四小時保護阿宜的行動已經開始了。
芊芊和康仔,結果,感覺自己好像變成保母一樣。
阿宜嚷著要到旺角吃街頭小吃,兩人初時一口回絕,因為那邊人流太多,監察起來有困難。阿宜卻因此大吵大鬧,好像兩歲嬰兒睡到一半突然被叫醒後的反應般。
兩人考慮到今天不會是兇手行兇的日子,而且阿宜實在太胡鬧,願意跟她達成協議:只能於旺角逗留一小時,然後必須回家去。阿宜也答應了。
她選擇到西洋菜南街逛逛,到步後,芊芊不禁嘩然。
只見排山倒海的人們填滿街道上的每一個空隙,密麻得喘不過氣來。要在人群中移動,唯有像腸胃裡的食物般,一步步的蠕動。
芊芊鮮有前來旺角,上一次到來好像是四年前了,那時候她已經慨嘆這個地方很有壓迫感。
現在舊地重來,她想到的是漁排養殖區的魚群,在交叉型漁網裡互相踫撞的景況。
奶茶哥基
2019-01-25 22:22:25
阿宜首先找到台式飲料店,買了杯珍珠奶茶,拿起手馬上吸啜一大口,珍珠從粗粗的飲管向上流動。她微微抬頭,滿足的閉上眼,臉頰漲股股的。
「你兩個呢,唔買返杯啊?」她隨口的問二人。
「唔駛喇。」康仔婉拒。
她噢了一聲,接著便啪噠啪噠的奔去另一間小吃店,買了些油炸豬大腸、鹽酥雞和牛內臟,大口大口的爬進喉嚨裡。
阿宜的喉嚨必定是通往宇宙黑洞的秘道,康仔暗忖。
她提起手肘,用棉質衣服抹掉油膩的嘴角,又向芝士蛋糕專賣店的方向進發。
「嘩......佢真係好刷得喎。」芊芊發自內心的對阿宜作出敬佩。
「我怕個連環殺手未落手前,佢就已經食死喇。」康仔說。
「佢食得咁滋味,搞到我到有啲肚餓添。」
「做緊野啊,夜啲先算啦。」
奶茶哥基
2019-01-25 22:22:37
一路上,兩人牢牢跟緊阿宜,觀察四周有沒有可疑人士,阿宜只是不斷拼命地吃,然後換另一間店鋪再吃。
漸漸,他們被各種食物的香氣感染了,肚子開始打鬧著。兩人的警覺性徐徐減低。
熙來攘往的人流,閃爍奪目的霓虹燈招牌,還有高分貝的噪音,芊芊有點目眩,意識好像被什麼東西吸走了。
她忽然的感到天旋地轉。
阿宜的背部慢慢幻化成幾團模糊的光影,旁人的說話變成難懂的語言,芊芊顫抖的喘氣,通往腦袋的神經線繃緊拉扯著,傳遞出劇烈疼痛。
「喂!你無事啊嘛?」康仔著急的臉映在她的眼裡。
「無事,少少頭暈啫。」芊芊按壓太陽穴。
「呢度人多,你去個少人啲既地方休息先。」
他匆匆帶著芊芊到附近公園歇息。
奶茶哥基
2019-01-25 22:23:23
公園的人流稍疏,聲浪也少,幾隻藍灰色的原鴿站在燈柱上,眼珠骨碌的看著二人。
芊芊坐在啡木的長椅上放鬆,康仔速速的買了瓶水給她。她喝了幾口,精神慢慢回復過來。
「係咪唔習慣長時間保護目標既工作啊?」康仔站著問。
「唔係...」芊芊撥動額前的頭髮:「我好少去人太多既地方,感覺好唔舒服。」
「咁你係度休息多陣先啦。」
「咁阿宜呢?我地咁樣行開左,要搵翻佢好麻煩。」芊芊想到了她,擔心的問。
「兇手應該唔會今日落手既,你抖多陣我地先去搵翻佢啦。」
芊芊一言不發,只是睜睜地看著地板上的一點。
康仔注意到她滿懷心事的臉容,嘴角不禁向下撇。
「唔開心?」他問。
「無呀。」
「我睇得出你有啲心事啵。」
「有咩?」芊芊摸摸臉龐。
「有咩事都可以講喎,我地係重案組既巴打嚟架嘛。」康仔拍拍胸口。
奶茶哥基
2019-01-25 22:24:02
過了半响,芊芊終於說:「我係咪好無用?」
「點解咁講?」
「突然有一刻,我深深感覺自己係個無用既人。」她說。「工作做得唔好,平時份人又悶又唔講野,大家根本都唔需要我。」
「邊可能喎。」康仔勵志的笑說:「我地重案組個個都需要你架,你可能唔自覺啦,但你喺身邊既人既心裡面都係好重要架。」
「係咩......我覺得我既存在,就好似一片灰色咁。」芊芊淡淡的說。
康仔對於她突然強烈的負極情緒感到不安,嘗試開朗的安撫她:「你係個充滿色彩既人嚟架,喺我眼中,有紅橙黃綠藍靛紫......咩色都有,係美麗既存在。」
「咁喺子熹既眼中呢?」她望著康仔的眼睛唐突問道。
「呃......」
「喺佢眼中,我係咪一個美麗既存在?」
一時之間他語塞了,他沒有預計過芊芊會提起子熹。
「哈哈,我問左啲奇怪既問題。」
奶茶哥基
2019-01-25 22:24:13
「唔奇怪。」康仔變得嚴肅,認真的回答他的想法:「我覺得佢都一定會覺得你好美麗。」
「嗯......」
時間接近傍晚,海藍色天際下透出一抹溫柔的橘黃,芊芊嘗試瞭望陽光,刺眼的橙光令她自然的瞇上眼睛。
「康仔,同你講樣野吖。」
「好啊。」
「呢件事我屈住喺個心度好耐,一直想搵個人傾訴。你應承我,唔好將我講既野同其他人講可以嗎?」
「當然可以。」康仔舉起三隻手指發誓。
芊芊倒抽一口氣,然後開腔。
「其實我中意左子熹。」
細眼
2019-01-25 22:34:54
Push
奶茶哥基
2019-01-25 22:45:31
容許我戴多次頭盔
因為偵探小說好多細節要鋪陳,如果寫得唔好請見諒
邊緣肥仔
2019-01-25 23:35:09
去邊到露營
轉圈轉圈哈姆共你
2019-01-26 09:47:49