呢排睇緊歌唱比賽節目 聽啲評語 覺得唱歌太多太多野要學 每一粒音都要量度過唔知幾耐咁 好難
到底有冇可能靠學同練 就可以好似歌手咁?
其實唱歌係咪都要講少少天份?
如果靠學同練 到底要幾耐先學識晒 可以對自己把聲操控自如?
之前有講過把聲好似傷咗 咁我靠學反正確唱歌方法去改善就會慢慢變好 定係睇醫生?
要幾耐變反好大概?
果D評語其實講到好深咁,然而唱歌嘅都係人,所以所謂嘅感情其實係日常生活中就已經可以透過人與人之間作用所衍生嘅七情六慾有所窺探。
至於點樣講人生百味融入歌曲入面,就係睇歌唱嘅技巧啦。無技巧,再多感情其實都無用武之地。
當然,亦會有主張純粹用自己嘅心來演繹,因為正常人嘅情感本來就可以透過說話,溝通嘅聲線去展現,令人知道。
此乃另一可能之法
但係當然,最基本最基本點樣發聲就真係要學嘅。妳唔會估到其實一百個正常人入面起碼九十七個講嘢發聲都有問題……
講翻轉頭,歌手歌手,都係由普通人學習成為歌手,所以當然可以透過學習同練習去令自己嘅歌唱能力好似歌手咁啦
至於傷聲嘅問題,如果真係因為發生習慣出問題而導致聲帶受損嘅話,就一定可以透過發聲訓練去治療好。
妳去睇醫生嘅話有兩個結果,第一都係透過發聲練習去改善,但係貴好多
第二就係比妳啪藥……但係一日習慣唔改,一日都係要傷完醫,醫完傷。
中醫都有話一藥三分毒啦
至於幾時會好,呢個就要問妳自己啦