小弟今次係第一次出psot,有咩得罪希望各位巴絲打多多見諒同提醒
是咁的,小弟雖然年紀唔算好大,不過接觸唱歌已經有唔少時間,所以算有一定嘅專業能力及知識。呢三四年除咗讀書之外都有私人教下唱歌同埋夾D朋友仔busking下。不過前兩年就出咗去讀書。不過最近會翻嚟香港一個月同屋企人過個年。所以就有機會幫下各位想改善自己歌唱能力嘅巴打絲打。
可能你哋會覺得無咩用,畢竟其他人係出面一學就唔知半年一年甚至幾年,但係我一個月可以教到D咩呢?但係我既然咁向左走向右走厚顏無恥夠膽係度出post,姐係我自己都有一定嘅把握令大家係一個月入面學到嘢比自己嘅,而且唔會係D無用嘅嘢
至於呢一個月嘅課程,我會針對三種唔同嘅人去區分三個方向:
1. 對於唱歌毫無基礎、有錯誤理解或者係有不良嘅發聲習慣的朋友,我會以正確發聲(此處代表不傷害聲帶為前提下的發聲)嘅方向去重點培訓
2. 對於發聲有一定理解及能力嘅朋友,我會以情感表達作為重點培訓方向
3. 對於有意成為職業歌手,或以唱歌為職業路向嘅朋友,我會以個人化嘅方向去做調整及培訓。
(所謂嘅個人化姐係去營造個人獨一無二嘅特色及風格,同時亦會為學生發掘自身聲音上嘅可能性,因為我認為一個歌手應該有能力去演繹不同風格嘅歌,而且係創造屬於自己嘅不同風格。)
講翻自己啦,之前在我建立專業能力嘅時間裏,我遇過各種唔同嘅問題:失聲,喉嚨痛,破音,唱唔到高音等等。只要大家諗到嘅問題我都遇到過,但後來透過接觸唔同嘅歌唱教學系統後,各種情況都有改變,亦姐係話其實唱歌係可以通過學習,調整及修正後有所改變嘅。
同時亦因為我接觸唔同嘅系統,令我睇到不同系統之間嘅優缺點,而令我擁有一套屬於自己嘅教學系統
而係我嘅教學入面,會跟一般坊間所熟悉嘅系統會有小小嘅分別:
例如現今流行mix voice,head voice,chest voice等等嘅講法我個人 採用(呢種講法比較集中於傳統西方聲樂及SLS嘅教學中),最簡單嘅原因係其實咁分類共鳴模式難以有效係短時間入面令學生全部明白同好好運用,甚至有可能會跌入是否應該用XX共鳴嘅深坑。而且最大嘅問題係,頭胸鼻係唔會發出聲音或者係製造共鳴嘅,所以這些名詞對於初學者嚟講會比較容易造成誤解 。
其實我覺得只要願意做,任何人都可以唱得好歌。
因為我自己就係一個活生生嘅例子
MJ在生嘅時候堅持每日練聲、張學友到宜家仲有學緊唱歌(從出道到宜家,佢已經換過三次不同嘅發聲模式)等等,所以唔好再相信唱歌係天生呢樣嘢。
你可以拒絕學習,但係唔可以否認學習可以帶嚟改變嘅呢個事實
最後,小弟第一次出post,所以其實唔清楚大家想知乜嘢
所以如果大家有任何關於歌唱上嘅問題,可以留言或者pm我,我會儘量解答
如果對我嘅教學有興趣嘅話,亦歡迎pm詳談
係度預祝各位巴絲打新年快樂,心想事成