想問其實學識有效發聲 氣息,共嗚 係咪足夠
就好似我係上面分享個三個女仔咁
最尾個個應該差少少 而上兩個唔錯 但已經係被人覺得超勁 神咁 咁係咪意思係「唔錯」已經夠?
又點樣先係好?
同埋要練好發聲氣息共嗚 其實大概要幾耐?
後天努力真係可以好變得勁?
就好似有啲人天生係唱歌嘅材料
就例如Ariana Grande嘅天份
無限轉音同高音
平常人靠練可以變成咁?
定係練極都有個極限?
仲有把聲 個個天生唔同
咁如果把聲天生唔夠人地好聽可以點
好似呢個女仔把聲好特別
唔知你覺得好唔好聽呢?
好似呢啲聲 係薄??定點?
https://youtu.be/z8JJw5XUSaQ
咩係足唔足夠呢?其實未又係睇自己
人人嘅要求都唔一樣,好似我的滑板鞋個原唱咁,佢都係咩都唔識,依然係出名
好似我自己呢D痴線佬,無論點樣都覺得自己唔夠好嘅,連張學友唱歌都要玩命R佢果小小問題或者缺點嘅人又有
所以話學咩就夠呢一下其實應該問自己個心
真係有心去研究做好嘅,比佢今日做到ten second songs個痴線佬咁勁,佢依然覺得自己仲唔夠,仲可以提升
其實唱歌最緊要自己開心就得啦,我只係提供一個又玩得開心,又唔會傷害身體嘅方向姐
好唔好,永遠都係個人嘅事,就算係老師,唔同老師都有唔一樣嘅諗法同見解,所以老老豆豆,我覺得其實評論人哋唱成點其實有小小唔知做咩
當然站在學發聲嘅程度上就好有用啦,但係我相信十個八個想聽評論嘅……都係為咗食花生
咁又何必呢?
btw幾耐學好發聲共鳴呢個我記得有人問過我,我都係果句:睇自己
我可以一兩堂教曬支持同正確嘅發聲,但係做唔做到,有無辦法習慣係睇學生自己有無去用心練,呢一點做老師嘅……都無辦法逼
另一個問題,後天練會唔會變好勁
絕對可以,攞我自己嚟講講
我呢三個禮拜日日練dimash嘅opera2,我已經可以從一次副歌唱唔到,到一時時勉強唱到最高嘅升key,而且我發聲嘅肌肉調整都有D進步
有一點我一直都好強調:比起強化肌肉,歌唱嘅練習更重要嘅係建立感覺嘅資料庫,不停嘅練習係為咗令身體習慣肌肉運動嘅模式以及感覺,強化其實真係其次
所謂嘅天份,只係代表天生發聲嘅條件比較優秀,或者發聲嘅習慣本來建立得好好。但係唔代表普通人一世都做唔到,因為我本來就係一個連小學音樂堂都比老師罰企班房外,原因係我唱歌刺耳難聽嘅人
高音,靠嘅係空間調整同埋氣息嘅支持
轉音,靠嘅係自己清楚自己要快速連續唱幾多唔同嘅音,除非係音盲先會做唔到(我呢度講嘅真係有醫生證明嘅病態音盲,代表腦部無辦法判斷唔同嘅音高)
咁我唔覺得有咩係練習做唔到嘅
最後最後一點,其實好唔好聽有咩定義先
我就真係覺得,只要發聲啱,老牛沙聲都可以唱歌好好聽
唱歌除咗把聲之外,訊息嘅傳遞先係最重要
呢一位女仔感覺先天聲帶就比較薄同短,所以其實係唱嘅時候我個人覺得佢要比一般人更加講軟腭嘅空間上抬,令音色雖幼薄但不扁,佢明顯係上面開得唔夠,把聲有D扁
(有樣好玩嘅,如果佢故意下降喉位,亦可以改變天生發聲嘅特點,但係我唔建議,因為無人有權評論人哋把聲好唔好聽,發聲有無問題就可以講
)
其實張傑係一個天生聲帶比較薄嘅好例子(其實我自己天生都有小小係咁),不過……佢有D習慣用高喉位嚟唱歌,個人唔太明白點解,但係佢唱得好唔錯,以口腔空間嘅調整嚟講,比你post嘅任何一個靚女嚟得更好,包括ariana grande