招集想學唱歌既巴絲

巴打check email

想問下 音域可以點練？
同埋覺得自己把聲好似d band 仔聲
唱周杰倫之類既聲比較怪 有冇得改善？定天生冇得救

巴打好pro...
鍾意唱歌但真聲唱唔唔到女仔歌 呢樣又係天生(range太窄?)定後天可以改善……

唔...其實唱唔到女仔歌呢樣要睇你係男仔定係女仔啦，男仔如果未受訓練嘅話其實唱唔到好正常
音域其實本來就係需要訓練嘅，而真聲假聲呢個講法其實我個人覺得係有個幾大嘅問題係度，我之後會係後面回覆詳細講。

所以基本上唔洗太擔心無救嘅

想問下 音域可以點練？
同埋覺得自己把聲好似d band 仔聲
唱周杰倫之類既聲比較怪 有冇得改善？定天生冇得救

音域基本上都係要保持正確嘅發聲去慢慢拓展，途中如果覺得喉嚨痕癢，有痰甚至痛嘅話就要stop ，再重新去諗下有咩地方有問題。
其實拓展音域嘅時候可以提醒自己用同一種音色嘅感覺慢慢往上下發展，但係唔好故意用力逼聲，咁樣就有機會傷聲啦~~

至於覺得自己似band仔聲，其實我唔太清楚band仔聲嘅定義係點啦，但係我覺得可能你想講係唔係好似好用力爆上去嘅感覺？
如果真係咁嘅話，有可能就係因為氣息唔夠，又要唱高音，然後就擠壓喉部嘅行為啦
(不過其實如果係受過訓練嘅話，基本上咁樣嘅動作配合十分足夠嘅氣息嘅話，就係類似rock類嘅爆發性及穿透力強嘅聲音嘅條件，陳樂基嘅月半小夜曲係個唔錯嘅例子)

其實周杰倫嘅發聲雖然比人聽落去好似係夾硬逼聲，好緊嘅感覺。但係其實佢嘅氣息十分足夠，聲帶嘅閉合都做得好好，而真正造成佢好似好硬嚟嘅原因係咬字同口型。呢個係好容易造成人嘅誤解，所以一般我都唔太建議人學周杰倫唱歌。

基本上改善嘅方法都係樓上唔好爆，總之唱歌無論聲音鬆緊都好，都唔可以故意施加喉部嘅力量啦

Lm 有學緊但用聲都係唔穩定、好難唔知點用好耐先開得哂聲

其實係我個人意見嚟講，開聲係無太大需要嘅
只要掌握正確嘅發聲嘅話就算一訓醒第一句亦可以唱到歌
基本上只要唔係啱啱起身嘅半個鐘內嘅話其實無咩開聲嘅需要，因為講嘢都係開聲嘅一種
而且你所講嘅唔穩定係指咩問題呢？

有時好耐先feel到有效率連接倒聲區、就係好少講野

Lm 有學緊但用聲都係唔穩定、好難唔知點用好耐先開得哂聲

其實係我個人意見嚟講，開聲係無太大需要嘅
只要掌握正確嘅發聲嘅話就算一訓醒第一句亦可以唱到歌
基本上只要唔係啱啱起身嘅半個鐘內嘅話其實無咩開聲嘅需要，因為講嘢都係開聲嘅一種
而且你所講嘅唔穩定係指咩問題呢？

有時好耐先feel到有效率連接倒聲區、就係好少講野

咁即係你每次得嘅時候無將成個身體感覺記住加重覆練習，因為一次啱唔代表你有成功建立muscle memory，通常正確嘅動作要重複50次，肌肉就開始慢慢有個動作嘅習慣~

換句話講，你成功開聲前會比較容易破音啦，其實我覺得你可以換個角度諗，就係唔好諗唔同聲區嘅連接，而係在同一水平嘅發聲位置上高落低，咁樣嘅話聲區嘅轉換唔會影響到破音嘅問題(或者講其實高低音保持氣息與聲音混合的比例，就唔會有破音嘅情形發生 )

P.S.至於上面所講嘅發聲位置係我個教學系統入面嘅一個好重要嘅因素，佢可以影響到音色嘅連接，對聲帶的保護程度等等......呢個我好似唔太發覺外面有獨立嚟教，但係每個我所認為專業嘅歌手都一定做得好呢樣嘢

識唔識scream?

點樣可以練到把聲好有power
有無實質既練習方法？
點樣擴闊低音

其實power呢樣嘢首先要有幾個條件
1.聲帶有足夠嘅閉合
2.強大嘅氣息供應
3.放鬆嘅喉嚨
4.足夠嘅口腔空間

X:當1.做到(基本上做好腹式呼吸就有一定嘅閉合)後，強大嘅氣息沖到聲帶，同時放鬆喉嚨(姐係喉嚨或者話係下巴唔好故意用力)。咁樣聲音就可以有一個穩定且大聲嘅輸出啦

而4.其實好簡單姐，合賣口再大聲都係得個唔聲 所以將嘴巴上下張開，形成O字形嘅話再配合樓上X嘅話就有power且具穿透力嘅聲架啦

其實實質嘅練習方法反而係練好腹式呼吸@0@
覺得ok嘅話就可以試下用我上面嘅方式發''啊''音嘅音階(或者亂叫啊都ok)，主要係等你感受個發聲嘅感覺，順便錄音比自己聽去做調整

而低音方面，其實反而都係需要放鬆，姐係唔好做任何你覺得能夠幫助低音下沉嘅動作，因為咁樣往往會適得其反，反而令低音嘅氣息比例更重(姐係好虛)。所以我會建議你上網揾揾vocal fly嘅片，以呢種放鬆且不會很虛嘅音色慢慢往下走，千其唔好急。慢慢feel嘅話應該更快掌握感覺嘅

識唔識scream?

老老豆豆我靜係識小小姐，大概係false cord嘅scream啦
個人覺得scream呢樣嘢其實係建基與穩定發聲後嘅一個新天地
因為佢開始進入一個流行發聲頗為反對要做嘅行為：下巴用力

呢個用力係必須建立係充足嘅氣息供應，同時也應該有控制下巴用力程度多寡嘅能力。所以我會很建議去建立好良好嘅發聲基礎為前提下先去學

P.S.如果我講嘅有任何錯漏嘅話歡迎高手指點

係唔係本身唱得勁難聽 都可以學到唱得見得下人咁

識唔識scream?

老老豆豆我靜係識小小姐，大概係false cord嘅scream啦
個人覺得scream呢樣嘢其實係建基與穩定發聲後嘅一個新天地
因為佢開始進入一個流行發聲頗為反對要做嘅行為：下巴用力

呢個用力係必須建立係充足嘅氣息供應，同時也應該有控制下巴用力程度多寡嘅能力。所以我會很建議去建立好良好嘅發聲基礎為前提下先去學

P.S.如果我講嘅有任何錯漏嘅話歡迎高手指點

暫時淨係玩fry,不過我問過幾個indie band 既screamer都話佢地果個年代邊有咁多理論，自己鳩叫鳩試自己摸出黎

係唔係本身唱得勁難聽 都可以學到唱得見得下人咁

肯定係咁！

邊個月係度

宜家到二月尾

識唔識scream?

老老豆豆我靜係識小小姐，大概係false cord嘅scream啦
個人覺得scream呢樣嘢其實係建基與穩定發聲後嘅一個新天地
因為佢開始進入一個流行發聲頗為反對要做嘅行為：下巴用力

呢個用力係必須建立係充足嘅氣息供應，同時也應該有控制下巴用力程度多寡嘅能力。所以我會很建議去建立好良好嘅發聲基礎為前提下先去學

P.S.如果我講嘅有任何錯漏嘅話歡迎高手指點

暫時淨係玩fry,不過我問過幾個indie band 既screamer都話佢地果個年代邊有咁多理論，自己鳩叫鳩試自己摸出黎

啱啊，其實理論同埋科學化真係呢十年左右嘅事，所以越來越有統一嘅有效率方式去發極端聲，而唔再係亂試。我頂多嘅能力就係可以教到唔傷聲去scream，畢竟我嘅專業仲未完全覆蓋呢一塊

巴打我有興趣學 pls check email
另外我想問下其實chest voice head voice 係咪只係聲帶厚薄所得出黎既結果？
如果要令到d高音更加實 應該加強氣流等佢既接觸面積增加？ 咁樣係令佢變返厚定係都係係薄既情況下進行？ 麻煩哂

巴打我有興趣學 pls check email
另外我想問下其實chest voice head voice 係咪只係聲帶厚薄所得出黎既結果？
如果要令到d高音更加實 應該加強氣流等佢既接觸面積增加？ 咁樣係令佢變返厚定係都係係薄既情況下進行？ 麻煩哂

其實你嘅問題有兩個概念係度：共鳴是什麼、以及係聲帶各種不同狀態所帶出嘅結果。
後者嘅話其實我個人覺得無需要，亦無必要討論，因為其實即使我哋清楚聲帶點樣收縮放鬆變長變短，仍是無辦法唱好歌。反而我們需要知道的是我們能夠控制處理的地方，例如係身體動作啊等等，根據不同嘅形態或者用力組群，去達到點樣嘅聲等等呢個先係重要
(其實真心想知道呢個嘅話，網上科普一下其實好多，咁就唔係輪到我講啦~ )

而我想講嘅係前者：chest voice(胸聲/胸腔共鳴)和head voice(頭聲/頭腔共鳴)
相信呢位巴打應該有接觸過SLS或者聲樂，因為呢個係此兩者會用到嘅概念。
先用我嘅文字講講咩叫共鳴先：其實共鳴即是聲音發出後的音波與身體的器官部分引起的共振。無錯，共鳴姐係共振 但係千其唔好以為XX共鳴就係代表XX位置嘅共振咁簡單，因為十個人裏面唔係十個人頭腔部分都會有共振，亦都唔係每個人都可以感受到胸腔嘅共振
而呢個就係我個人嘅教學反對用所謂嘅共鳴去形容聲音的位置，因為每個人身體構造嘅微細差別，導致所謂嘅XX共鳴無辦法令每個人都明顯感受到。
還有，其實聲音的共鳴位置係會隨音高自行轉移嘅！！！
姐係話高音不可能用到全部嘅胸腔共鳴等等，亦代表我哋根本無需要去注意如何需要使用什麼共鳴去達到音高 (但係在感情嘅處理上可能會稍微處理一下，但絕不是必須的)

好似講咗咁多，都未解決巴打嘅疑問......咁你就錯啦~~
既然我講到XX共鳴同XX位置嘅聲音共振有一定嘅關係，咁亦姐係代表只要有發出聲音(無論係虛實大小嘅聲音)，共鳴就會自己出現，而不是透過改變聲帶的狀態去調整共鳴(而且我樓上都講咗共鳴根本無需要去刻意調整 )

共鳴嘅改變，最主要係調整口咽腔嘅空間先會有改變(簡單講姐係嘴巴要動起來~~)

巴打可唔可以講吓咽音係點發聲

巴打可唔可以講吓咽音係點發聲

其實咽音唔係發聲嚟嫁~應該講咽音其實係透過口腔，舌頭舌根以及氣息等方式的調整，去達成發聲具有金屬感(侵略性嘅感覺)、高度放鬆(完全不費力氣發聲)、以及聲音大嘅效果~

個人覺得咽音其實係最有效率同魅力嘅一種發聲嘅模式，去聽聽Adam Lambert嘅歌就好清楚啦~Maroon 5嘅主唱其實都有用咽音發聲嫁，只係live嘅表現氣息唔係太充足

簡單講，好似鴨仔叫，羊叫，或者係BB叫，甚至貓叫等等嘅聲，其實都有咽音嘅感覺，呢個有D難透過文字嚟形容

巴打 想問下resonance係指d咩？
我見好多外國講聲樂都會提到，但係同共嗚又唔同喎
姐係要有support(正確發聲）既前提下再加上good placement,projection...etc先有機會產生resonance 仲有話咩ring resonance係最好既
巴打可唔可以講下依方面
仲有support同正確發聲又係咪一樣野黎
仲有人話Gem/李佳微最高support到B4 B4之上既音都係靠喉部肌肉擠壓咁唱上去
你又同唔同意？
利申 對唱歌好有興趣但係冇錢冇時間學

留名等係到學野，真心中意唱歌，成日夢想開演唱會

巴打 想問下resonance係指d咩？
我見好多外國講聲樂都會提到，但係同共嗚又唔同喎
姐係要有support(正確發聲）既前提下再加上good placement,projection...etc先有機會產生resonance 仲有話咩ring resonance係最好既
巴打可唔可以講下依方面
仲有support同正確發聲又係咪一樣野黎
仲有人話Gem/李佳微最高support到B4 B4之上既音都係靠喉部肌肉擠壓咁唱上去
你又同唔同意？
利申 對唱歌好有興趣但係冇錢冇時間學

其實外國講開resonance同我講嘅共鳴係一樣 只係佢哋比較強調係一個良好嘅腔體空間以及發聲位置(姐係我到宜家都唔知點樣打字打出嚟嘅概念QAQ)再加上身體嘅肢體控制(例如話企直啊，可能某部分教學系統會要求微微抬頭等等)
先有一個好嘅共鳴(共鳴我前面其實講過只要有聲音就一定有，只係外國所講嘅其實係包埋良好嘅意思)，試下諗下，如果一直唱歌口腔嘅空間都唔夠，聲音無可能會有任何嘅穿透力(最極端例子未試下唔開口唱歌，一定淨係得唔唔聲，咁又何來具穿透力嘅共鳴呢~)

其實support係外國大部分指氣息上嘅支持，當然亦包括肌肉力量嘅支持啦。姐係其實係我所講嘅腹式呼吸~
反而係good placement先係我所講嘅正確發聲位置(其實老實講我自己起發生位置呢個名有D唔太滿意，但係又諗唔到更好嘅名...)，而係專業嘅人士入面，你唱得再好，再勁，只要個發聲位置唔啱嘅話，一聽就知道你係業餘嘅。(其實唔少人發聲位置都錯，中國好聲音入面大把 )

不過老實講，我好似唔太有聽過ring resonance呢回事，你有無D關於ring resonance嘅定義或者ring resonance示範嘅發聲比我聽呢？我有能力憑我嘅聽力去解釋嘅~~

講翻轉頭，其實人人真係唱到極高音嘅時候，都開始會需要部分擠壓喉嚨嘅肌肉力量嘅。就好似我自己唱煎熬，she's gone等等(反而利用咽音唱adam lambert歌嘅話擠壓嘅力量感覺上會少D，亦係咽音發聲嘅好處)都會自己添加肌肉擠壓嘅力量。先唔講前期嘅李佳薇同GEM，宜家嘅佢哋其實發聲位置同埋發聲都好唔錯(我自己成日感嘆GEM淨係識發聲，希望佢係感情上可以多多深造啦 )，但係B4以上就靠擠壓會唔會太睇唔起佢哋......而且就算真係咁唔掂，佢哋嘅擠壓都係建基於飽滿氣息嘅保護下做適量嘅擠壓，所以其實頂多就係一直飆高音會比較快攰，而唔會有任何損害

而呢一點正正就係我一開始留言講嘅正確發聲我覺得無包括有效率嘅發聲，因為好多時候其實需要唔係最低壓力嘅發聲