巴打好勁
好想學野
咽音有無方法練 想唱得powerful 又唔用錯力
舌根抬高有助聲門閉合
有無咩好方法可以練習
見到D歌人唱到有青根 (頸兩則 eg JJ )
但係又無事唱唔傷 佢地係本身有根定係喉嚨落左力但係適量加充足氣流 定係其他
空氣Support夠係咪都係有助閉合
有空請看一看狠評 聽唔入耳可以skip
https://www.youtube.com/watch?v=Xz0HcDM2R7w
https://www.youtube.com/watch?v=_ABspH1Q6QM
好多問題 麻煩晒
咽音嘅完整教學宜家網上流傳嘅應該都係n年前林博士嘅''練咽音的八個步驟''不過以我嘅眼光都係覺得非一般人可以睇得明....(youtube上有,我自己嘅課程都會攞呢個嚟作為其中一部分教學嘅參考)
只要可以精通,已經可以贏一堆人。因為宜家真係無幾個人用咽音唱歌,我所知道用得最多最勁嘅應該都係得Adam lambert同埋Brian Justin Crum。(唔好同我講聲樂嘅一堆大師,無用咽音唔該唔好講自己唱聲樂 )
不過咽音唔係唯一唱的powerful嘅方法,其實一般嘅發聲都做到(例如killersoap嘅陳樂基,宇宙GEM,JJ lin等等都唔係靠咽音去唱到powerful嘅歌)
兄弟有個概念錯咗wo,舌根抬高其實對聲門閉合係無幫助嘅,舌根主要係用嚟調整音色,有一小部分係發聲位置,共鳴位置嘅調整。
個人覺得對於聲帶閉合嘅話,其實腹式呼吸先係最有幫助嘅,一個好嘅腹式呼吸其實可以幫助聲帶位置嘅固定
所以與其話空氣support幫助閉合,反而話有閉合,空氣support先有用武之地
其實JJ唱歌有青筋呢個係建立良好嘅氣息支持,聲帶閉合後,再施加一點點喉部嘅壓力所達到嘅
巴打你唱歌其實就係氣息同咬字唔得,其他都唔錯
多謝解答
咬字我會怕太用力會影響左喉部放鬆
其實我係咪諗多左
高音諗落 vice versa係咪有咩原因?
巴打
咬字呢,其實只要個聲母唔好要太大力就ok架啦,其實基本上高音諗落係為咗令個下巴放鬆,反之亦然