[無糖校園故]《你愛我還是他》

我知，我曾經都好愛你，但你走左之後就88

我都唔想，為錢

為乜野錢呀，我地俾唔起咩？！！
你話為冠軍就話
不過你都自食其果了

我好掛住謝四
冇佢神傳我變廢柴

《你愛我還是他》第十八章
.
很快就來到第一場也是唯一一場的友誼賽，這場比賽對我們極之重要。除了可以讓我們驗收努力成果外，更重要的是知道和B班之爭，所以今場也就是「冠軍前哨戰」。
.
而我們的距離，由第一球就可以看到。由於我們平時只是對猜，很少正式落場打，所以對於三傳組織進攻並不熟習。相反，對手六人全是排球隊，不但對比賽熟悉，還有著不同的戰術。
.
兩隊相比之下高下立見，我們大部份時間只能安全過網，然後捱打。
第一局我們自然大敗，以十比二十五落敗。
.
休息的時間，我看到大家都垂頭喪氣。
.
「大家！只係一局啫，唔使咁快頹喎！」我說
「但係對手擺明比我地勁，點打？」
「咁又點？友誼賽的目的就係要俾我地知自己的問題！我地第一局其實守得唔差，只係我地進攻太差，所以先會大敗！」我搖身一變成為教練
「呀駿講得啱，我地應該更加專心，而唔係唸番第一局的事」Kathy也出聲
.
「我地第二局，一於乜都唔好理，每一球都要做好組織，三傳進攻！」我決心地下指令
「但係我地從未練習過…」
「咁就一於由呢一刻開始練習，既然你地都覺得呢場比賽係輸硬，咁點解唔用黎練習，為之後的比賽去做準備？」

大家重整心情後，就昂首踏回球場。我看一看場邊，她仍然坐在場邊。或許正如她說，面對一眾的排球隊，她應該只需乖乖坐在板凳上。但這對我來說或許是件好事，至少不用怕要對上她而手下努力。
.
「大家，集中，打好自己就得！」我再喊話幾句，希望提高大家的士氣
.
在我們的陣中，三位女生比較柔，防守和二傳更適合她們。至於進攻，就交予兩位男生。而我就更像一個領袖，不斷提場鼓勵，防守補位，進攻鋪橋搭路，旁人眼中或者毫不突出，但只要可以幫到球場，犧牲小我也絕不是問題。
.
經過開局的失誤連失幾分後，大家慢慢站穩陣腳，習慣耐心地組織進攻。而每當我們成功利用三傳進攻得分，大家都會圍在一起慶祝。我們主要靠Glynis和Gaile負責一傳，再由Kathy做二傳手決定攻擊方法，由杜杜或賢仔作出最後一擊。
分工清晰後，大家更清楚明白自己的工作，變得更有效率。我這個隊長就選擇了近似自由人的角色，專心防守。不過當我上到前排時，也有試過扣殺得分，那種感覺真的很爽！

而每當我得分後，都會不自覺望向芷怡。雖然她身在敵方，但看到我得分也會感到開心，從她的眼神我也能感受到她對我的支持。
.
不過始終兩隊仍然有實力上的差距，第二局我們雖然表現較好，但仍以十五比二十五落敗。但相比第一局，我們成功收窄了差距，同時更重要的是，大家對組織進攻也開始上手。
.
「大家打得唔錯呀，下星期就係正式比賽，我地要更加努力再收窄差距！」
「好！」大家充滿鬥志的說
.
「隊長，我終於明點解班男仔上年班籃後個個都當哂你做大佬！」Glynis說
「點解呀？我都想知喎！」
「因為你真係好有大佬風範！不但多說話，而且多做事。如果唔係你反應快，救到咁多球，我地又點會拉近到比數？！！」
「又唔係我一個人打哂，仲有你地努力先得，排球一個人係打唔到既！」
「仲有呢樣，永遠唔貪功，永遠都咁謙虛！」

我知，我曾經都好愛你，但你走左之後就88

我都唔想，為錢

為乜野錢呀，我地俾唔起咩？！！
你話為冠軍就話
不過你都自食其果了

我好掛住謝四
冇佢神傳我變廢柴

番黎踢青年軍喇咁
其實宜家咪幾好，落葉歸根

為乜野錢呀，我地俾唔起咩？！！
你話為冠軍就話
不過你都自食其果了

我好掛住謝四
冇佢神傳我變廢柴

番黎踢青年軍喇咁
其實宜家咪幾好，落葉歸根

已經冇以前咁快咁恨咁準

上次留左言唔記得比正皮 而家比返

lm

上次留左言唔記得比正皮 而家比返

唔怕唔怕，遲到好過無到，多謝多謝

《你愛我還是他》第十九章
.
在友誼賽落敗後，大家更加把握剩餘的時間，盡快熟習三傳組織，並加強默契。因為還有不足一星期就是第一場小組賽，而第一場的對手正正又是B班。
.
經過上場知道雙方的差距後，一班隊友不但沒有想退縮，反而更期待再次相遇。
「上次我地未準備好，今次我地做足準備，梗係要鬥多次！」其中一個隊員說
「仲有呀，隊長你咁努力，點可以令你失望」
「仲有，我地都知你好想贏B班，贏塊金牌番黎，所以我地一定會兩肋插刀既！」知我者莫若杜杜
.
「呀駿！」
「咦，芷怡？」
「我今日要早啲番屋企呀，你送唔送我呀？」
「下，但你唔使練波咩？」
「我呀媽唔俾我遲番屋企，佢要我一放學就要走，所以我無得再打架喇」
「呀駿快啲喇，等你呀！」杜杜大喊
「Err… 唔好意思，班隊友等緊我…」
「唔緊要喇，你去練波喇，我自己番去就得」
「咁你小心啲喇，我番到去再搵你！」
「呀駿快啲喇！」
「黎！你自己小心啲呀！」

身為球隊隊長，我實在不能夠為了私事而拋下一班隊友。而且，為了打贏B班爭冠軍，我一定要更加努力去練習，唯有之後再花時間哄回芷怡吧…
.
當我們完成練習後，已經是日落之時，大家都大汗淋漓，拖著疲倦的身軀離開學校。
.
回到家後，我第一時間發訊息找芷怡報到。
「呼，啱啱終於練完波番到屋企，好攰呀！」
.
可是，當我洗澡出來後，還未收到她的回覆。
難道，她真的氣我沒有送她回家嗎？
.
一直等到晚飯後，差不多快十點時，我才收到她的回覆。
「辛苦了。」用上了句號，是不想跟我談下去嗎？
「你係咪嬲我呀？」
「無呀。」又是句號…
「對唔住呀，今日無送你番屋企」
「無事，我頭先忙啫」
「咁不如聽日一齊番學呀？」
「再睇下點。唔傾喇，做埋啲功課先。」

糟糕了，看來她真的遷怒於我，不然怎麼會對我這麼冷淡！！一定要想方法氹回她！！
.
究竟我怎樣做才可以氹回她呢？
想了又想，買禮物又太夜買不到，做手作又不是我的擅長。忽然間，我靈機一觸。
.
「媽，你最近係咪買左新玩具呀？」
「係呀」
「咁就啱喇，借黎用下」
「氹女仔呢？」
「係氹番個女朋友仔呀」
「咁你快啲用喇，我借俾你慢慢用」
「唔該呀媽」
「最緊要俾番杯茶我就得」
「媽… 咦，屋企無方包呀？」
「俾你食哂喇」
「咁我落去買先，順便買啲芝士同火腿番黎」
.
為了她，我決定奉上我的另一拿手好戲，以表誠意。

飛碟

飛碟

咦，我正想講
呢篇一出，方芷怡即刻whatsapp我話“飛碟呀！！！”
PS: 肯定你有睇上個故喎，已經知道係咩

又黎飛碟 技窮呀

飛碟

咦，我正想講
呢篇一出，方芷怡即刻whatsapp我話“飛碟呀！！！”
PS: 肯定你有睇上個故喎，已經知道係咩

係呀 星期日先追哂

又黎飛碟 技窮呀

下，唔係呀，咁上一個故重心都唔係飛碟
其實要坦白講句，去到森林的後期，同方晴的生活慢慢唔小心加入左同現實中方芷怡會做的事
不過Anyway，上次成功令到混醬腸粉成為代名詞，今次希望可以寫到大家用芝腿飛碟黎記住呢段關係

飛碟

咦，我正想講
呢篇一出，方芷怡即刻whatsapp我話“飛碟呀！！！”
PS: 肯定你有睇上個故喎，已經知道係咩

係呀 星期日先追哂

俾個你，不過通常睇完都會sad一排

混醬腸粉

混醬腸粉

睇黎呢位朋友係sad左好幾個月

《你愛我還是他》第二十章
.
經過了數次的練習後，我對媽媽這個新玩具已經熟習了。早上起床擦牙後，馬上就是準備這個愛心早餐，希望搏得她歡心。
.
預備好早餐我就出門，但是去到小巴站後，卻不見芷怡的身影。等了大概十分鐘，過了我們平時約定時間的遲到點後，我就覺得她應該不會來，所以我就先上了小巴回校。
.
回去後，我果然發現到她的身影，一個人坐在小食部。
.
「芷怡，早晨呀」她還是對我不揪不睬
「我親手整左早餐俾你呀，你睇下」
她還是沒有望我，直到我把早餐遞到她面前，她才一手搶過來。
「對唔住呀，琴日無送你番屋企，我知錯架喇，你原諒我喇」
.
這個時候，我看到她拿起早餐轉身背向我，然後膊頭震了幾下。難道她真的不開心，哭了嗎？我看一看她，不是啊，沒有眼淚。
.
「哦！你玩我既！你根本無嬲我！」
「哈哈，傻仔！」她剛才根本是在偷笑
「你唔嬲我喇？」
「根本無嬲過你」
「咁你琴日又咁耐都唔覆我？」
「哦，做緊家務麻」
「咁你琴晚又匆匆同我講得幾句，我以為你…」
「哦，我呀媽係度麻，廢時俾佢見到我成晚篤電話」
「哦，原來係咁，嚇得我呀！」
「傻仔駿！」
「咩喎，咁我都係關心你咋麻」
「係係係，由呢份芝腿飛碟已經完全感受到你的關心！」
「哼，攞番黎呀！」
「你就想呀！我唔嬲但唔代表我唔介意！」
「下，咁複雜架…」
「係架喇，我就係咁複雜架喇」

「對唔住呀，我知我呢排要練波少左時間俾你」
「我明架喇」她輕輕的說
「我應承你，比賽一完左我就會花多啲時間補番俾你」
「得架喇，你專心練習比賽喇」
.
幸好，我找到了一位體貼的女朋友。不然，再多的玻璃也不夠我跪。
.
處理好芷怡的問題後，又是時候將注意力放回班排的練習上。大家不單花時間在球場上，還不時在球場外開戰術會議，各自提出自己的觀點，再一起商量適合的策略。
.
經過上場的實戰，大家對自己的崗位也更熟悉。
「呢個週末辛苦大家喇，我地如果要入決賽，呢兩日絕對唔可以放鬆！」我對大家說
「係！」大家現在都士氣高溺！
「大家聽日記得早啲番黎熱身，順便睇下其他班的表現！」Kathy說
「好喇大家，今日早啲番去休息，抖足精神聽日一齊搏殺！」
.
望著夕陽的餘暉，身邊卻少了一個人，頓時覺得缺少了甚麼，令整件事變得不完美。

方晴bb

方晴bb

唔會番黎架喇