[無糖校園故]《你愛我還是他》

終於，他回來了。但可惜，今年只有他自己一個人回來了。
.
縱然如此，路還是要行，日子還是要過。
.
今年繼續真人，但加入更多真事，重溫當年一事一物。沒有了混醬腸粉之戀，但仍然希望你們今年會繼續支持我，你地的支持是我繼續前行的動力！
.
建議大家未睇過上一個故既，就睇左先再番入黎，因為今個故可以講係Season 2，係《只有一棵樹的森林》的延續，大部份人物都會繼續出現
《只有一棵樹的森林》：https://goo.gl/D5JvQd .
.
同上年一樣，好廢的我墨水唔夠，所以只能夠逢一至六每日一篇，希望大家見諒！
但保證，一定準時同唔棄故！（大家預每晚六點至七點呢段時間，因為facebook就預定左18:00出文的）
.
有心理準備一日一篇會少人睇，但都希望大家鍾意既可以留個正評，一齊討論下又得，又或者黎個相認都可以架
Facebook: 微言
https://www.facebook.com/smallpotatosay

Sorry，頭先出錯台
繼續出文

《你愛我還是他》第一章
.
方晴走了後，除了留下那封信，就只有一段又一段的回憶。而我，每天就是待在家中，不斷回想那些回憶。
雖然杜杜和Kathy也不斷約我出街，但我都一一拒絕。一來我真的沒有興趣出街，二來答應他們出去的話，也只是充當個礙事的電燈膽。
.
「呀仔，你成個暑假咁樣唔得架喎」媽媽擔心的對我說
「媽，我無事喎，唔使擔心」
「你咁既樣我唔擔心就奇！」
.
此時，門鐘突然響起。
「咦，係杜杜呀，你黎得啱喇，幫我勸下我呢個仔，我搞佢唔掂呀…」
「交俾我喇伯母」
.
「喂司徒駿，陪我落去打波，我地好耐無一對一喇！」
「唔喇」
「你怕輸呀？」
「唔好唸住用激將法，無用架」
「你呀！好，我今日就同你攤牌！司徒駿，你今日唔同我打波就以後無兄弟做！」
「好行夾唔送」
「駿哥呀，當我求下喇！你再留係屋企呢，生菇架喇！」
「你由我喇」
「唔得！總之今日我一定要帶到你出街！」
「隨便你…」
「睇黎，都係要將佢交俾你…」

杜杜把一個白色的信封交給我，當我打開後，發現內裏有一封信。這封信是由師傅親手寫給我的。信中的內容全是對我的感受，由一開始發現我，到收我為徒為我進行特訓，再見證我成功，然後到最近的自暴自棄。
.
然後當我翻到另一面時，我整個人突然崩潰了…信的另一面是另一款字跡，上面寫的是日期和時間，是…是師傅的喪禮…
.
「點解…點解呀！！」我向天嚎叫
「呀駿，節哀順變喇…」杜杜安慰我
「係邊個俾呢封信你架？」
「有一日我打波時，有一個陌生人俾我既，佢話佢係師傅的細佬」
「咁佢有無話師傅係幾時過身架？」
「聽講係上個星期係屋企訓覺時安祥咁走左，師傅屋企人一直都想搵你，但你一直無出現，所以就托我將信俾你」
「唔該你杜杜」我低下頭來靜思
「其實喪禮就係今晚，你要唔要我陪你？」
「唔使喇，我應付到」
「咁有咩事你就搵我喇」

稍為平息一下心情後，我就更衣準備出去。
在前往殯儀館的途中，我經過了以前特訓的球場，然後隱約好像看到師傅，然後就想起信上最後的一句：
「不要讓關心你的人擔心和失望」
.
對不起師傅，我令你失望了。
一段又一段的回憶從腦海中湧現，如果沒有師傅，我現在或許連籃球也不懂打。要不是他，我一定沒可能接連打敗對手。
.
到了殯儀館後，第一次看到師傅的家人。坦白說，我也不知道該對他們說甚麼…
師傳的弟弟帶了我去靈堂的後方，見師傅的最後一面。當我看到師傅的遺容時，眼淚就忍不住湧出來，儘管我極力嘗試控制，但還是忍不住崩潰了…
.
我沒有逗留在靈堂太久，因為我已經控制不住自己。現在的我，只想躲於一角，逃離旁人的目光。
.
當我離開殯儀館後，卻看到對面有一個熟悉的人影，手上拿著一袋啤酒。

《你愛我還是他》第二章
.
是杜杜，他拿著一袋啤酒等我。
我倆走到附近的一個公園，找了一張長椅坐下。
.
「等左我好耐呀？」我問杜杜
「一陣啫」
「今晚唔使陪Kathy咩？」
「陪少晚唔使死既，今晚兄弟需要我多啲」
「鬼需要你！」
「司徒駿！可唔可以唔好係度講個鬼字…」
「係喎，Sorry Sorry，咁你頭先買酒無被人查身份證咩？」
「宜家啲人仲邊會理你呀」
說罷，杜杜就開了罐啤酒遞給我
.
「我無野喎」
「無人話一定要有野先可以飲酒架」
「如果我同你講我無事，你信唔信呀？」
「你話呢？」
「其實我做錯左啲咩呢？先係呀晴走左，然後宜家到師傅，下一個…會唔會到我呢？」
「唔好亂唸野喇，我好肯定呀晴同師傅一定唔會想見到你宜家咁樣自暴自棄！」
「自暴自棄又有咩所謂喎…都無人理我架喇…」
「你醒下喇！咁我呢？仲有Kathy，伯母，朱sir，你忍心睇住我地擔心你咩？！！」
我不發一言，只是不斷灌自己喝酒。

這一夜，我已經不記得我喝了多少，我只記得自己一口接一口，一罐接一罐，直到醉倒為止。
.
醒來的時候，我發覺自己在床上，但卻不是自己的床。當我想起床時，額頭卻像被千斤石壓住般重，喉嚨像火燒般刺痛。
突然，房門被打開。
.
「醒喇？覺得點呀？」進來的是杜杜
「呢度係？」我問
「我屋企，你琴晚醉得太恐怖，我費時伯母擔心，所以帶左你番黎」
「咁我呀媽？」
「放心，我琴晚打左俾佢，話你會黎我呢度玩過夜」
「麻煩你喇杜杜」
「兄弟間講呢啲既咩，最緊要你無事，嗱，飲左佢喇」
「解酒茶都識整呀，杜杜你會唔會勁左少少」
「飲你就飲喇」
「話說…我琴晚飲左幾多？」
「我就買左一打啤酒，但自己就飲左一罐啫，咁你自己話你飲左幾多喇」
「咁我琴日醉左後發生左咩事？」
「咪就係不斷嘔…好彩我呢排都有加操，如果唔係都唔知點抬你番黎」
「麻煩哂你喇…」
「又講！司徒駿，你係咩唔當我兄弟呀？！！不過呢，頹埋琴日好喇」

可是，短短數個月，就接連失去兩個生命中重要的人，就像從天堂打回人間，剛爬起來就再被打落地獄。這次，我真的放棄了，我不想爬起來後，再一次被打沉…
就讓我躲在黑暗的一角，逃離世人的目光吧…
.
暑假快將完結，也代表新一學年即將開始。每一年的開學前，大家都要先回學校註冊。
儘管我真的不想再外出，為了繼續有書讀，我還是要走這一趙。
.
註冊日其實也只是回校交雜費，肯定來年會繼續留校，還有就是和同班同學先見面。升中五其實也是同一班人，只是會少了一人…
.
回到學校後，看到有些同學見到自己朋友後表現興奮，有些就喋喋不休。至於我，就把自己藏到一角。但是，我發現無論在學校的哪個角落，都曾有我和方晴的回憶…
.
究竟，我是不是要這樣痛苦至畢業？？？

《你愛我還是他》第三章
.
順利完成註冊後，正當我準備離開學校時，迎面卻遇上朱老師。
「呀駿，我想同你傾幾句呀」
「下，哦，好呀」
於是，我就跟著朱老師一直走，直到回到我們上年的班房。
.
「呀駿，你最近點呀？」
「還可以呀，無咩問題」
「真係？我都有聽到你最近遇到的事，你真係無事？」
「朱sir」
「唔？」
「其實我唔想番學」
「點解呢？」
「我都唔知，我只係想消失於人群中」
「咁假如你真係可以留係屋企，你會做咩呀？」
「Err… 我都唔知…」
「咁咪係囉，番學俾自己一啲目標，令人生有啲方向，更何況，我相信你身邊的每一個人，都唔會再想睇到你繼續沉淪落去」
「朱sir…」
「總之九月一號你就一定要番黎，之後有咩事我再陪你一齊去面對」

離開學校後，我一直在回想朱老師剛才的那段話。逃避確實不是一個解決困局的方法，反而是會讓自己愈陷愈深。
.
可是，沒有了她在身邊，我還有動力嗎？從前的努力，除了知恥近乎勇外，其實就是為了她。
現在的我，連暑期功課都未開始做…
.
接下來的日子，我有嘗試過去努力，但總是提不起勁。雖然有了「零的突破」，但距離終點還是有很大段差距。
.
很快也來到開學日，功課…當然未做好。醒來的時候，發現天還未亮，看一看鬧鐘，原來只是五點半…
.
習慣了兩年，忽然不用再早操，忽然沒有人再督促我做早操，忽然沒有人再看我早操，一切也都是忽然之間。
一早醒了，那只好起床煮早餐。可是，我竟然又煮了兩份早餐…幸好媽媽剛起床。
.
「呀仔，你咁早起身既？」媽媽睡眼惺忪的說
「係呀，起身煮早餐麻，煮埋你個份架，快啲刷牙洗面食早餐」
「嘩，咁乖仔呀，咁呀媽都可以放心啲」

媽媽完全沒有發覺我的謊言，或許是因為我之前實在令她太擔心，現在的我看起來好像已經從傷痛走出來了，好像…
.
「嗱，今日開學，呀媽就俾封大利是你，祝你新學年順順利利」
「多謝媽咪！」
.
和媽媽食完早餐，洗完碟，也才是六點半。但我真的不想再困在家裏，所以我提早出門，慢慢走路回學校。
.
早上的空氣也是格外清新，這個時候人和車也不算多。從新走回這條熟悉的路，卻發現到不少之前沒有留意的事物。從前的我，都是匆匆跑過，現在慢慢欣賞，仿佛好像發現了一個新地方。
.
其實我們身邊都有很多美好的事物，只是我們平時都太匆忙，又或者太留意手上的電子產品，從而忽略了。
.
有時候，把速度放慢一點，用心欣賞一下身邊的事物，或者會有意想不到的收穫。

《你愛我還是他》第四章
.
回到學校後，也只不過是七點正，這應該是六年來第一次我在學校不知道該做甚麼。以前一回校一定是衝到籃球場打波直到早會，和方晴一起後，就變成了早餐時間。
.
就在我苦惱之際，身後突然有一把聲叫我。
「企係度做咩呀死傻仔？」敢叫我傻仔的當然也只有杜杜
「你咁早番黎既，唔使陪Kathy咩？」
「陪少一陣唔會分手既，咁耐無打波，梗係要成班人打番夠本！」
「成班人？」我問
「仲有我地！」一班隊友也衝進來
「咁仲等咩呀，開波喇！」杜杜帶領著大家衝進球場
.
「隊長，做咩仲唔落黎呀？」波仔問我
「你地打得開心啲喇」
「你唔係咁掃慶呀！！」杜杜說
「唔係呀，我唸…我以後都唔會再打籃球」
「下！點解呀隊長？！！」眾人聽到後都嚇一跳
「因為你師傅？」杜杜問
「嗯」
「你唔覺得好嘥既咩？仲有，你咁樣做，對得住你師傅咩？！！佢咁用心教你！」杜杜追問
「你唔使再講喇，由師傅入土為安的一刻，我已經決定左唔會再打籃球」說罷我就轉身離開球場
「隊長呀！！！」
.
離開球場後，我慢慢走到今年的中五樓層。新樓層新課室，但究竟，我會有一個新的開始嗎？
由於校工七點半才會開班房門，所以我也只好站在門外靜候。

「司徒駿，你搞咩呀？」只見杜杜氣喘吁吁地跑上來
「你抖順條氣先喇，你唔係應該係下面打緊波既咩？」
「你覺得我仲會有心情打波咩？」
「其實都唔係咩大事啫，唔打籃球啫，仲有好多野可以做架」
「唔係咩大事？！！你差唔多係呢間學校最勁嗰個喇，仲有，你咁做對得住你師傅咩？佢…」
「總之我決定左啲野就唔會改」
「你唔好咁任性好無呀？！！」
「咁你有無唸過我感受！！」
我大聲一喝後，我倆都靜了下來
.
「以前我打波咁搏命係為左呀晴，令到我成為你口中全校最勁既係我師傅，宜家佢地兩個都離開左我，咁我再繼續打落去仲有咩意義？」
杜杜聽到後不發一言
「為我好既，就唔好再提籃球呢兩個字」我說
「做兄弟既，你有咩決定都好，都會撐你到底！」
.
休息了一會，就到操場排隊，準備今年的開學禮。
今年和往年的開學禮在儀式上並沒有分別，仍是唱詩，校長致詞和宣佈各班班主任。由於高中三年大多都是同一位班主任，所以這個時候就成為各班的角力，鬥為自己的班主任歡呼喝采。
.
完成了開學禮後，又是時候回班房處理班務。至於領頭的人，今年卻因為沒有女班長而變成了由我去帶領大家回班房。

明天再續，希望聽日起身會見到有人留下名，俾正皮喇

留名正評

留名

好耐冇睇過巴打既故

留名

其實我以為沉左底，幾驚聽朝起身都係得我自己個13個回應

留名正評

多謝你令到個post上番水

好耐冇睇過巴打既故

好似對你個名都有d印象
一定要繼續追呀

終於，他回來了。但可惜，今年只有他自己一個人回來了。
.
縱然如此，路還是要行，日子還是要過。
.
今年繼續真人，但加入更多真事，重溫當年一事一物。沒有了混醬腸粉之戀，但仍然希望你們今年會繼續支持我，你地的支持是我繼續前行的動力！
.
建議大家未睇過上一個故既，就睇左先再番入黎，因為今個故可以講係Season 2，係《只有一棵樹的森林》的延續，大部份人物都會繼續出現
《只有一棵樹的森林》：https://goo.gl/D5JvQd
.
同上年一樣，好廢的我墨水唔夠，所以只能夠逢一至六每日一篇，希望大家見諒！
但保證，一定準時同唔棄故！（大家預每晚六點至七點呢段時間，因為facebook就預定左18:00出文的）
.
有心理準備一日一篇會少人睇，但都希望大家鍾意既可以留個正評，一齊討論下又得，又或者黎個相認都可以架
Facebook: 微言
https://www.facebook.com/smallpotatosay

Sor，我又自膠，link都唔識貼
再一次呼籲，新讀者記得睇左舊故先，唔係怕大家追唔到

支持巴打

支持巴打

多謝你！！

《你愛我還是他》第五章
.
「好，各位同學，又係新一年，今年我地又要再選男女班長同班會成員」朱老師對大家說
「咁不如先揀左男班長先喇，今年不如…」
「朱sir，我今年唔想做班長」我突然站起來說
「司徒同學，有無咩原因？」
「今年我想專心讀書」
「好，咁朱sir都唔勉強你，有無其他同學自薦？」
.
等了很久，還是沒有人舉手。
.
「好，唔緊要，我地俾多少少時間班男同學，宜家選女班長先」
可是，同樣情況，無人主動舉手。
.
「朱sir，不如我同杜杜今年改做男女班長呀？」Kathy打破沉默
「但係我比較想你繼續做主席幫我手…」
朱老師面有難色，始終班會主席比班長更重要，就是因為有了Kathy，過去兩年朱老師才不用為班務大傷腦筋。