《你愛我還是他》第十三章
.
努力了一整個聖誕假,終於追回了落後的進度。雖然不是太有信心,但至少不擔心會不合格。
雖然已經決定不再等待方晴,但是始終她對我的影響太大,一時三刻要完全適應一個人的生活也不是易事。尤其是學習上,雖則我也勉強算是個勤力的學生,但缺少了方晴的鞭策和鼓勵,總覺得沒有明確的目標,因而動力也減少了。
.
「點呀呀駿,成個假期唔蒲頭」
「溫書呀麻,你又點呀杜杜,春風滿面咁喎」
「都無乜野呀,同Kathy過齊平安夜、聖誕節同埋年尾仲有倒數」
「嘩,做左咁多野,你有無時間溫書架?」
「梗係有喇,咪就係除左呢幾日,差唔多日日都同Kathy一齊溫書」
「咁咪好囉,日日都有得見,好好珍惜呀,Kathy呢啲咁好既女仔已經好難搵,仲要睇得上你,難上加難」
「我知架喇,點都唔會俾佢走!咁你又點呀?」
「我?無呀,咪溫書囉」
「你知我問咩架」
「無喇,決定左係時候要放低喇」
「咁咪啱囉,記住無論發生咩事,兄弟在此!」
「但我唔係好想做電燈膽囉…」
「就知道你係咁!有時候呢,我都會有自己私人空間既,我又唔係咁重色輕友」
「你問過Kathy未?」
「我唔覺得佢有咩理由反對」杜杜突然認真的說
「咁不如宜家問下佢?」