[無糖校園故]《你愛我還是他》

好耐冇睇過巴打既故

好似對你個名都有d印象
一定要繼續追呀

「咁不如我同Kathy兼任男女班長同正副主席？」杜杜說
「但係…咁樣會唔會對你地太大負擔？」
「無事既，都係為大家啫」Kathy答
「咁麻煩你地喇」朱老師頓時鬆了一口氣
.
接下來，選好剩餘的班會成員和完成開學日的班務後，第一日的上學也總算完成。
.
中五的第一個星期，主要都是收暑期功課和為全年的課程作簡介。可是，已經令我苦惱不已。今年的我，不但沒有預早備課，連暑期功課也未全部完成。結果，我也自招惡果。
.
「好，今日就到此為止」
「朱老師再見」
「司徒同學，麻煩你跟我落教員室」
「哦，好」
.
落到教員室後，朱老師一臉凝重地看著我
「呀駿，你搞咩呀？已經唔單止一個老師向我講你的情況，大家都好擔心你！」
我真的不知道該如何回答，只能低下頭沉默著。
「我希望你明白，各位老師都好擔心你，呢個時候，如果你選擇放棄，無人會幫到你，你自己好好唸下喇」

現在的我，就像一隻在大草原迷失方向的羊，完全不知道該如何做，連四處找路的動力也沒有。
.
接下來的一個月，我既不打波，又沒有動力去溫習，甚至連功課也沒有做完。
身邊的人看到現在的我都忍不住出言相勸。
「喂兄弟，你咁唔掂架喎，你俾我爬頭架喇喎」杜杜說
「不如今次我幫你追番啲進度呀？」Kathy問我
「唔使喇，你地去拍拖喇，無謂要我做電燈膽眼冤」
.
「呀駿，就黎考試喇，俾啲心機呀」朱老師開心的說
「呀仔，呀媽唔係想管你，但你咁樣真係唔得架喎。自從呀晴走左後，你就一直咁樣自暴自棄…係時候捱作喇，呀晴都唔會想見到你咁架，唔好要呀媽擔心好無？」
.
其實，我又何嘗不知道身邊人的想法，只是已經失去動力的我，就像一輛沒有馬達的跑車般。
或許，狠狠一摔會令我醒覺，就像當年中三…

《你愛我還是他》第六章
.
時間匆匆飛逝，很快就來到期考。接近零準備的我，其實已經作出心理準備。如果學校有「最大退步獎」，我相信自己定必會是奪獎的人。
.
明明上一年還是全級第一，這一年一跌就跌落留班區。總括七場期考，感覺就像第一年的中三。每次開卷後，都是一片空白。我嘗試先跳過不懂的題目，但結果很快就翻了整份試卷。今次的結果，應該是比災難更惡劣吧…
.
「終於考完試喇，今次都唔係好難啫」杜杜說
「巴閉喇你，唔知邊個考之前係咁睇書，揭到本書都就黎爛」Kathy反串他
「咁唔睇熟啲又點可以識答呢，唔識答又點可以追上你呢？」
「又口花花！呀駿，我地去食野，你一唔一齊呀？」
此時的我，腦袋仍是一片空白
.
「喂兄弟！司徒駿！噓！！」
「噓，做咩呀？」我終於回過神來
「你無野呀？」杜杜擔心的問
「無，可能呢排唔夠訓啫」
「考完試就唔好再唸喇，一齊去食野喇」
「唔喇，你地去喇，我想番屋企休息下」
「咁你小心啲喇，我地聽日見喇」
「走先喇呀駿」Kathy對我說

我一個人慢慢離開學校，慢慢走回家，慢慢回想這幾個月發生的事。自從方晴離去後，我就開始自暴自棄，這真的是她想見到的嗎？
.
朱老師說得對，逃避真的不是解決方法，或許我也要為關心我的人而努力，不再讓他們擔心我。
.
縱然失敗，但仍要去面對。這次的期考，幸好沒有七科全炒，但是也只有英文一科合格…
.
得到這個成績，身邊的老師和同學無一不被嚇親，昔日的飛躍進步，變成了今日的飛躍退步。
.
「第一個考試啫，仲有三個，你中三咪又係咁，無事既」杜杜嘗試安慰我
「係囉，有我同杜杜陪住你，下次一定會更好」Kathy也幫口
「我無事喎，預左架喇，唔洗擔心我」
.
「司徒駿」朱老師派完成績後叫我
「係」
「校長想見你，你小息去搵佢喇」
「知道」
聽到校長要找我，其他同學也馬上竊竊私語。

「呀駿，無事既！」Kathy極力去嘗試鼓勵我
「係囉，最多鬧幾句啫，無事既！」杜杜也給我支持
「無事喎，都係嗰句，預左，都係時候要去面對」
.
此時，我卻忽然覺得頭有點暈，心跳忽然加速，整個人好像抖不到氣。然後在下一秒，當我嘗試去拾起地上的成績表時，我眼前一黑…
.
當我醒來的時候，已經躺在床上。
「咦，呀駿你醒喇？」我認得這是Kathy的聲音
「兄弟你覺得點呀？」這把是杜杜的聲音
「無咩事，有啲攰啫」
.
很快，朱老師和校長也進來了。
「呀駿，無事麻？」朱老師問
「還可以」
「見到你醒番就好喇，咁杜杜同Kathy快啲番上去上堂喇」
「知道朱sir」
「校長，咁呢度交俾你喇，呀駿，你自己小心啲喇」

推~

推~

Thanks
晏少少會再有文架，預6點幾7點

《你愛我還是他》第七章
.
「校長」我欲出起來
「唔使郁喇，就咁挨住喇，你啱啱醒，唔好亂郁」
「知道」
「唔使咁緊張，我唸你都知點解校長要搵你，不過校長唔係想要鬧你，而係想了解下你的情況」
「對唔住校長，我知我今次令到好多人失望」
「校長知道你今個暑期唔易過，發生左好多事，但你要知道，你身邊仲有好多關心你的人」
「我知道，俾啲時間我，我會重新企起身！」
「好，校長對你有信心，你休息下先，等陣你媽媽會黎接你」
「下！」我沒想過要驚動媽媽
「你今日都係適宜休息下先，調整好心情先再番學」
.
休息了一會，就等到媽媽來到。
「呀仔你覺得點呀？」
「我無事呀」
「無事又點會突然暈呢，你知唔知我頭先接到電話時，我都差啲暈低呀」
「真係無事呀，可能呢排唔夠訓啫」

辦好手續後，媽媽就帶我回家休息。
雖然今次只是暈一暈，但是那種心跳加速和抖不到氣的感覺卻是前所未有的，而且影響也不少…
.
一覺睡醒之後，發現天已入黑，而且聞到很香的味道。
「訓醒喇？唔黎幫手開飯喇」
「哦，知道」
.
「今日煮啲你鍾意食既餸，等你開心下」媽媽說
「但係媽咪，我…」
「我知你想講咩」
「你知？」
「係我接你之前，朱sir同我講哂喇」
「對唔住呀…」
「傻仔黎既，使乜對唔住，呀媽知你呢幾個月黎辛苦架喇」
「我唔會再自暴自棄架喇，我應承你媽咪，我下次一定會考好個試！」
「咁先係我個乖仔黎架麻，係呀差啲唔記得，你有封信呀」
「我有信收？」
「係呀，係英國寄黎架！」
.
英國？唔通係方晴寄黎既？
食完晚飯後，我就匆匆去拆信。一拆開信，看見信上的字跡，我就知道是方晴。

「呀駿：
.
係咪估唔到我會寄信俾你呢？我宜家係英國慢慢適應緊，雖然無香港咁熟悉，但都算唔差。
.
你點呀？有無偷懶先？係咪一襯我唔係度就做隻大懶豬？？你知道我係唔會想見到一個自暴自棄的司徒駿！
.
無論發生咩事，你都要為自己去努力！
就算心碎，心仍舊會跳，時間會繼續過下去。」
.
收到方晴的來信，確實令我又驚又喜，也是很大的一個鼓舞。就好像她在信中所寫的，一個自暴自棄的司徒駿，絕對不是她想見到的。
.
過去的事已成歷史，沉溺在以前，只會令自己錯失更多。
今次的失敗已經無可挽救，我可以做的，就是避免下一次再失敗。
或許，為自己而努力，就是我現時最大的動力。

《你愛我還是他》第八章
.
「呀駿」
「師傅？！！係咪你呀師傳？」
「係我呀」
「師傅我好掛住你呀！」當我想衝過去抱師傅時，卻發現師傅的身體是可被穿透的
「師傅，點解咁既？」
「傻仔，師傅死左得番靈魂所以咪穿得過」
「所以我係發緊夢？」
「係呀！等師傅又問番你，點解你唔再打波？」
「師傅你都唔係度，我再打落去亦無意義」
「點會無意義呢，你打得咁叻」
「但都係因為師傅你，無左師傅你的教導，我真係唔想再打籃球」
「好，師傅都唔逼你，咁但係你都要應承師傅，唔再自暴自棄！」
「我一定會重新振作！」
「咁就好，師傅都可以放心走喇」
「師傅唔好走呀！」
「傻仔，人總要走架麻」
「咁我幾時先可以再見到你？」

師傅指一指我的心
「師傅永遠都係你心入面」
「師傅！師傅！師傅！！！」
當我一醒起來，我就知道是時候回到現實。
.
「媽咪，我今日想抖多一日呀」
「點解呀，仲唔舒服呀？」
「唔係呀…我…我想抖多一日咋」
「一日好喇」
.
「喂，你好，我係司徒駿媽媽，司徒駿今日精神都係麻麻，我想幫佢請一日假」
媽媽今次不但沒有鬧我偷懶，反而很快就替我打電話向學校請假。
.
「抖埋今日好喇，聽日要番學喇」
「知道」
.
突如其來的一日假，我決定重新鍛煉自己。雖然已經決定不再打籃球，但也不能就此放棄運動。加上之前的暈倒，我懷疑自己是因為太久沒運動而造成。所以，我決定今天要重新跑街。

半小時過後，「呼…呼…呼…」
數個月沒有操練，體能果然下降了不少，只是半小時就已經不斷喘氣，不過總算是個好開始。
.
回家洗澡後，就把書本全拿出來。幸好現時只是開學初期，要追回進度也不是太難。
第一科要追上的，我選擇了數學。本身我對數學這一科就最有信心，加上不想令朱老師失望的決心，所以用數學科開頭就最適合。
.
努力了數個小時後，總算大概明白，不過有一些細節還需要回校問朱老師，不過整體的進度是自己十分滿意的。可是，努力了這麼久後，又帶來另一個問題－就是很肚餓…
.
當我走出房後，又再一次聞到廚房傳來一陣陣香氣，定必是媽媽今晚又煮了好餸。
.
「媽，今晚有咩食呀？」
「咦，溫完書喇，咁可以蒸魚喇」
「嘩，今晚有魚食呀？！！」
「係呀，特登買俾你食架，見你溫書咁乖仔」
「咁我都應該既，係時候追番啲進度」
「見到你咁生性呀媽都安心啲，咁今日溫成點呀？」
「都唔錯，數學差唔多追番上進度」
「不過溫還溫，小心身體呀」
「所以宜家咪出黎食飯」

《你愛我還是他》第九章
.
翌日，我如常行路回學校，享受下早上的清新空氣。
回到學校後，很快就有人從後箍住我。
「點呀司徒駿，無野呀麻？」我當然知道這就是杜杜
「你再唔放手就一定有野」
「噓，都唔好玩既」
當他一放手，我馬上反箍他，還不斷攻擊他的弱點，令他大叫投降。
.
「咁睇應該咩事都無事喇？」杜杜問我
「暫時都還可以既」
「暫時？」
「我都唔知，呢排成日都有種抖唔到氣既感覺」
「可能太耐無操啫，總之宜家無事就得喇」
.
但願如此…身體的感覺告訴我，總是有一部份出了問題，只是我還未找到那個部份。
.
趁還未上課，我就走到教員室找朱老師。
「早晨朱sir」
「早晨呀駿，好番哂無事喇？」
「還可以喇，係呀，其實我係有一啲數學問題想問」
我將昨天圈下的問題逐一展示予朱老師看，而他也耐心地逐一解答。

鈴鈴鈴！！！時間過得特別快，又是時候到操場上早會。
「夠鐘早會喇呀駿，快啲落操場喇」朱老師對我說
「但係我仲有啲問題…」
「咁你放學黎搵我呀，我再教你」
「好呀朱sir！」
「係呀，仲有最後一樣野」
「係咩呀？」
「朱sir好開心見到有鬥心既司徒駿番左黎！」
「我唔會令你失望架朱sir！」
.
自從找到目標和動力後，我感覺自己心態上的改變，愈來愈積極。雖然和上年的我仍有一段距離，但到現在的我已不用令其他人為我擔心。
.
很快就來到了十一月，班際旅行的月份。今年的旅行，我並沒有參與太多的討論。很多事情杜杜都說交由他負責便可，我知道他是不希望我想得太多，勾起去年的回憶，他知道我還未放下她。
.
「好，大致就係咁喇。另外，由於呀駿上年係旅行時為左大家做左太多野，所以我地決定今年乜都唔駛佢做」杜杜宣佈
「喂，咁點得架」我抗議
「呢個係班會的決定，司徒駿同學必須接受」Kathy說

就這樣，我這次旅行就只需要帶自己出現便可。
他們今次選擇了清水灣，一來交通靠方便，二來又比較清靜。旅行當日大家就約在荷里活廣場等，然後一起坐巴士到清水灣。
.
今次一班男生不知為何，把所有事情都攬上身負責，買炭買燒烤用品買食物。最令我意外的是，他們今年連起爐也學會，明明上年全班都不會。
.
「要唔要幫手呀？」我問他們
「梗係唔使喇大佬，你坐埋一邊等燒得架喇！」
.
他們雖然有點雞手鴨腳，但還是順利把幾個燒烤爐起火成功。
「大佬想食咩呀？」
「即係呢，你地係咪唸住餵埋我呢？我又唔係殘廢，唔使大家服侍架」
有時候，真的被他們搞得無可奈何。
.
略略吃過少少東西後，我就沒有再繼續燒烤。
過了不久，Kathy就提議開始玩集體遊戲。不知為何，我對這些遊戲真的提不起興趣。
.
於是，我就趁大家不為意，偷偷走往沙灘的另一邊，獨自漫步。

有你留言好感動

有你留言好感動

一定會繼續支持你

有你留言好感動

一定會繼續支持你

唉，我知我出得慢，又未必咁吸引
不過我努力寫緊，一寫哂後就可以盡情加速

多謝你

等到你開po啦

等到你開po啦

haha, 多謝你