[無糖校園故]《你愛我還是他》

會唔會有下個故叫番方晴番嚟

唉 又完一個lu

呢排有好多故到尾咩？

會唔會有下個故叫番方晴番嚟

下個唔會，但係呢排見到大家的反應
不斷係度唸，好唔好寫第四季，就係寫方晴番黎後的事，不過會係完全ff

《你愛我還是他》第六十七章
.
去到南華會後，芷怡極速跟大家混熟了，已經可以和大家笑笑說說。
.
「咦，我差唔多夠鐘喇，要番去上堂喇」芷怡說
「我送你落去喇」我馬上說
「唔使喇，你繼續打喇，我自己行落去就得」
「得喇，我都打夠喇，廢時一鋪打沉佢地，下次無得玩喇」
.
離開南華會後，芷怡馬上又跟我說：
「你真係唔使送我架喎，我得架喎」
「唔得！等陣你蕩失路點算？」我笑說
「我似咁咋既咩？」她又反問
「點之你！不過呢，真係好多謝你今日過黎陪我過天地堂，等我唔使咁悶」
「傻喇，我都玩得好開心，不過就算無我，你都有成班朋友陪你架」
「點同呢！」我衝口而出
「點唔同呢？」她好奇地看著我
「Er…咁佢地好懶架麻，食開一間就唔想轉，同埋每次都成大堆人，有時想靜下都唔得，仲有呢…」
「得喇，我玩下你咋傻仔，又會咁得意咁認真答既」
「下，你玩我！！哼！唔睬你呀！」
「唔好咁喇，最多我之後逢星期二都黎陪你喇」
「但係，你唔使陪佢咩？」我好奇地問
「唉，唔好提佢喇」
「做咩呀，你地嗌交？」
「唔想講呀，我有車喇，下次見喇」
難道，他們真的有爭吵嗎？但上一次她明明說他倆過得很好的。

會唔會有下個故叫番方晴番嚟

下個唔會，但係呢排見到大家的反應
不斷係度唸，好唔好寫第四季，就係寫方晴番黎後的事，不過會係完全ff

ff仲好 真係情願ff 真人真事多數sad

之後，就要回學校準備上課。忽然，背後有人拍一拍我。我回頭一看，原來是城城，他正對著我奸笑。
.
「做咩啫你？笑到咁樣衰」
「頭先，好開心喇，邊個黎既啫？」
「朋友囉，唔係咩呀」
「真係咁簡單？」他的樣子簡直衰到不行
「得，唔好再咁望我，我投降！其實佢係我前度，早排撞番佢，咪約下食飯」
「哦，想翻撻呀？」
「唔好亂講呀，人地有男朋友架喇！」
「嘩，咁大挑戰，咁你自己小心啲喇」
「癡線！」
.
方芷怡現在是有男朋友的，我又豈能亂想呢？
雖說何能夠搶走了她，但也不代表我可以做第三者，破壞他們的感情。
可是，如果方芷怡是單身呢？不可能的！她以前這樣對我，我怎麼可能再一次跟她再一齊！
.
雖然心中有一把聲音不斷叫自己不要亂想，不斷否定自己的想法。不過，同一時間心中卻有另一把聲音不斷驅使我去繼續想，令我對未來充滿幻想。
.
無論如何，在此時此刻，我和方芷怡是絕對沒可能。至於將來，就留待將來再算吧。至少在這一刻，我能夠和芷怡做回朋友，我已經十分滿足。
.
拍拖這件事，還是隨緣吧。經過方晴和方芷怡後，我真的想更認真慢慢地去找下一個，一個我認為能走到最後的伴侶。

會唔會有下個故叫番方晴番嚟

下個唔會，但係呢排見到大家的反應
不斷係度唸，好唔好寫第四季，就係寫方晴番黎後的事，不過會係完全ff

ff仲好 真係情願ff 真人真事多數sad

其實唔理真人真事定FF，Happy End最重要麻

《你愛我還是他》第六十八章
.
之後，芷怡逢星期二都會過來陪我午餐，然後和我四周逛逛。
.
直至有一個星期四的下午，我突然收到芷怡的訊息。
「得唔得閒陪我，我想見你」
「無事嗎？」
「我同佢，分左手」甚麼？！！
「點解無端端分手架？！！你無野呀？我上緊堂，你係大家樂坐住等我先，我好快到」
.
雖然還有半個小時我就下課，可是我還是有點擔心，所以我跟城城交托了一聲後就走了。
.
離開學校後，我幾乎用半急步行半跑的方式趕去找芷怡，我深怕她會發生甚麼事。
.
去到快餐店後，我很快就找到了芷怡。
「你無事呀麻？點解無端端會分手架？」我緊張地問
「你唔係仲有半個鐘先放學既咩？咁快黎到既？」她反問我
「擔心你麻，咪早走黎搵你」
「我無事呀」
「咁點解會突然分手？明明一直聽你地都相安無事」
「佢一直都引左好多浪蝶，我真係好無安全感」
「咁你有無同佢傾過？可能佢都唔想呢」
「我有呀，但係佢都係無改善，都係照同其他女仔去傾偈」
「但係佢又無做啲咩去背叛你，真係要判死刑？」
「其實佢已經愈來愈懶，以前中學佢就會送我番學，同我傾電話，宜家就連覆我都懶…」
「咁男人有時候就係咁…」
「算喇，我唔想講佢，陪我周圍行下好無？」
「好，你想點就點喇」
.
和芷怡在銅鑼灣四周閒逛，一路她都沒有出聲，直到去到一個地方，她停下腳步來。
「我想玩呀」我抬頭一看，才發現我們走到冒險樂園
「好呀，入去一齊玩喇」
眾所周知，冒險樂園主要是給小朋友玩的，而通常給小朋友玩的東西都是特別貴。幸好我之前有找到兼職，有少少的收入，要不然也不知怎辦。
我拿著兩百元去了收銀處換了一袋代幣，然後就和芷怡開始我們的找尋童真之旅。

一路下來，芷怡都玩得十分開心。而神奇的是，今天的我運氣不錯，玩過三關中大獎，玩火車到站又能去到終站。當我成功贏到終站時，芷怡已經興奮到跳了起來，然後在期待載滿金幣的列車駛到。當列車到達將金幣倒下時，芷怡同時隨金幣的跌落而嘩了出來，十足一個小女孩般。
.
之後，我們就把剩下的代幣全拿去拋彩虹。她一去到檯面就對面前的小鴨充滿興趣，目不轉睛。
.
「想要呀？」她點一點頭，十分像一個小女孩般
「好，等我黎」
.
用了幾個代幣去摸索後，我開始找到了感覺，中了幾個細獎。不過，我要求的不單於此。
在再試了幾次後，終於…我成功了！！！
.
「嘩！中左呀！好耶！」不要誤會，叫的是她，我只有冷酷的舉手認領獎品。
.
在拿到小鴨後，芷怡傻到在扮鴨叫。
「你睇你，開心到傻左」
「咩喎，咁佢係好得意麻！」
「開心咪好囉」
「多謝你呀，我真係好開心呀！」
「好喇，夜喇，要番屋企喇，唔好再亂唸喇」
.
把芷怡送到地鐵站後，我就準備離開。
「喂」她突然叫住我
「做咩呀？」我回頭看她
「多謝你呀，你真係變左好多」
「係咩？變好左定衰左呀？」
「好左好多，你以前好似都無咁識照顧人」
「我咁好，你唔好鐘意左我喎」
.
之後，大家都靜了下來。
「好喇，番去喇，夜喇，我走喇」我先轉身離去
.
因為，我不想再一次沉下去…我怕我真的會抽不了身…

唉，今個故一個po都過唔到，睇黎都真係幾失敗
要檢討下。。。

《你愛我還是他》第六十九章
.
回家的途中，我不斷在想今天發生的事。忽然跟我說她單身了，然後我們又一起兩個人四處逛。
.
之前就說她有男朋友，所以絕不能有非份之想。可是，現在她單身了，我又是不是該…
不對啊！如果我現在插進來，豈不是乘人之危？又或者，其實他們是還可以挽救的。
.
在我內心在掙扎時，突然手機震一震。我拿出來一看，發現有一條訊息。
「好多謝你今日陪我，真係好開心，我地下星期二見喇」
.
至少，我和她，暫時是走在正確的路徑上，能當她的朋友，甚至是知心的，已經很足夠。
.
之後，我都沒有特別提她和何能夠的事，反倒有時她會主動跟我分享。在方芷怡主動提出分手後，何能夠當然有回頭找芷怡希望重新一起，但卻被芷怡當面拒絕，原因都是安全感不足。其實，認識了她這麼久，我早就知道她是那種說一就一，堅定不移的人，旁人很難去說服她改變決定。
.
在肯定她回歸單身後，我們見面的次數也愈來愈多。由逢週二見一次，到週一週二都會一起食午餐；週三我會去北角找她食午餐，然後自己回旺角上班，不過夜晚她也會在兼職後來接我下班；星期五的下午多數由她接我放學，閒逛一會後我就送她去教琴。
.
一直，我們都愈走愈近，兩個人的距離愈來愈短。
我慢慢才發覺，原來當我們相處久了後，以前的感覺是會回來的。現在我看你的眼神，跟從前是一樣的。
原來我一直跟自己說，只想跟你做朋友，是欺騙自己的。

其實，我還愛你的。而最重要的是，經過這一段時間後，我很想去證明自己。
我花了很多時間去找出自己的不完美之處，然後努力去把它改進。我很想再有一個機會去證明自己是一個好的男朋友，我不甘心就此結束。
.
「不如，你同番我一齊呀？」
我很記得那一幕，我們行完皇室堡商場後，我正準備送她去搭電車。正當我們經過一個停車場後，我把她拉上一個凹角位，然後跟她說了這一句。
.
「點解？點解仲要搵番我？你明知我唔係一個好人」
「我淨係知我鐘意你，我想試多次」
「值得咩？」
「值唔值得試過先知」
「我好亂呀…我真係唔知點答你」
「總之我會等到你應承我為止」
「又等…但我唔知幾耐先答到你」
「總之我會等你！」
之後，我就膽粗粗主動親吻了她一下。至於她，不知道是被嚇親還是怎樣，並沒有推開我。
.
「好喇，夠鐘喇，送你去搭車喇！」
.
這次的表白，雖然沒有成功，但也沒有失敗。
雖然旁人會覺得我很傻，為甚麼要再踩入這個深潭，但我很清楚明白，我自己究竟在做甚麼。
.
而且，我相信兩個人在茫茫人海中能重遇上，一定是一些啟示，或許我們間的緣份真的未完。

唉 都係你最好
好掛住上一個故的小熱鬧

事到如今 發展到呢個地步 只能祝你兩個白頭到老

事到如今 發展到呢個地步 只能祝你兩個白頭到老

對唔住，我知我真係好任性

《你愛我還是他》第七十章
.
在表白後，我們的關係並未因此而後退，反而繼續醞釀中。當時，除了要重新追回芷怡，還要提防何能夠的回來，確實難關重重。
.
幸好，經過之前的事，我慢慢把自己愈改愈好。
記得有一次芷怡跟我說了一番很特別的話：
「你呀，唔好對個個女仔都咁好喇，好易令人誤會你對人有意思架」
「咁對女仔好唔係男仔應該做的事黎既咩？」
「咁但係如果你對人無意思，而人地誤會左，就唔好喇麻」
「咁你有無誤會到？」
「癡線！」
「哦！通常啲人咁特登講癡線都係想掩飾事實！」
「癡線！」
「哦！你仲話你唔係對我有感覺？！！」
「唔理你呀！」
「你捨得唔理我架喇？！！你唔理我，就無人理我架喇，我會好慘架…」我扁長了嘴，裝作很可憐
從她轉向另一面偷笑的一刻，我就知道我離成功之路愈來愈近。
.
當時候，電視正播映一套由黃翠如和黃浩然主演的愛情劇，她也成為了粉絲，經常都會追看。
而在劇中，樂天送和茹初見之間有一個用數字組成的暗號，當時也被瘋傳。
於是，我就下定決心，要在五月五號下午五點五十五分跟她表白。
.
我記得那天是星期二，我哀求了她很久，她才肯放學來銅鑼灣找我。而那一天，我為了好好準備，我連課堂也走了。

可是，事情總不會那麼順利。她竟然早放了，比原先的時間早了過來。我無計可施下，唯有帶她先周圍逛逛，最後連冒險樂園也玩過了，但還是差幾分鐘。
.
「究竟你今日叫我過黎做咩呀？無特別我要走喇」
「下！等我一陣喇，一陣啫！好無呀？」
「你究竟等緊啲咩？」
我再看一看手錶，時間終於快將來臨。
「十、九、八、七、六、五、四、三、二、一！！！方芷怡，宜家係五月五號下午五點五十五分，總共五個五，我好誠懇咁想問你，可唔可以做我女朋友？」
我拿出我預先準備好的英文字母頸鏈，上面的字母正是我英文名的第一個字母，希望她戴上後正如我在陪伴她。
「55555！」她用了五個五去回應我
.
然後，我親手替她把頸鏈戴上。之後，就緊緊的把她抱住。
「喂，你攬得我咁實，我就黎無氣喇」
「咁我怕如果唔攬實啲你，你會走左去麻」
「好地地我點會走左去呢？」
「但係可能會有人黎搶走你架麻！！！」
「傻瓜！咁我宜家咪成個人俾你攬住」
「多謝你」
「傻左呀，做咩無端端多謝我呀？」
「多謝你俾多次機會我」
「傻，都要你夠好先得架」
「咁我都認我係一個荀盤黎既」
「哈！讚你一句就鬆毛鬆翼！走喇！」
「等我送你番屋企喇！」
「唔使喇，都唔順路」
「咁我想見多你一陣麻」
「好喇好喇」
.
就這樣，我們重新在一起了，一切都忽然變得很美好。

一下子 由第一集 追到live
都係覺得混醬腸粉最sweet 個種純真好正 互相了解好正

《你愛我還是他》第七十一章
.
重新和芷怡一起後，我發覺我個人變得更正面，開心得整張臉由向下垂變成向上拉。
最近的行為連媽媽也察覺，有一天也忍不住向我追問
「衰仔，拍拖呀？」
「你又知」明明我從未漏過口風
「我係你邊個呀？你郁一郁我都知你想點喇，夜晚又成日係度細細聲講電話」
「果然係英明神武！」
「以前嗰個呀？」
「梗係唔係喇，我點會咁傻呢」
「搵過個新的都好既，大個仔喇，自己決定喇」
「得喇放心」
「想唔放心都唔得喇」
.
我選擇跟媽媽說謊的最大原因，是不希望她擔心。上次的事，她知道內情後非常擔心，看到我傷心時她更加傷心。今次我重新和芷怡一齊，我怕媽媽會反對，所以先暪住她，遲些才告訴她吧。
.
雖然我和芷怡上課的地方不一樣，我們又各有兼職，不過我們都會把握機會見大家。有時她來銅鑼灣陪我食午餐、有時我去北角或炮台山陪她食早餐、有時我又會送她上班、有時她又會接我下班。總之，我們就會把握每個和對方見面的機會，十足糖黐豆般。
.
還有，我們堅持每日都最少要傾一次電話，尤其是睡前，好像如果沒聽到對方說晚安就會睡不著般。我還是覺得，一對情侶怎樣也要傾電話，這是任何應用程式都不能代替的。

雖然我們復合只是短短一個多月，但是我們卻好像已經相處了很多年，很多事情都十分有默契。
.
同一時間，我們都要為各自的考試而努力。來到第二個學期，學習的科目也都變難了，要花更多的時間和努力去熟讀，令自己可以平安去過渡。
.
對於我來說，原來心理學並不是我想象中的那麼生活化，當中一堆的專有名詞和理論，就已經令我頭都大了。曾經的臨床心理治療師夢想，現在看來已經愈來愈遠，或許能當個社工就已經很好。
.
不過縱使在考試期，我們也要在睡前講一陣電話，以彌補不能見面的相思之苦。
.
「你溫成點呀？」
「心理學真係好難呀，溫極都唔入腦」
「辛苦你喇，努力埋呢一陣喇，最多考完試陪你去玩喇」
「係咪架？！！唔好呃我呀！」
「係呀，搵日出黎陪你玩足一日呀」
「好耶！！有得拍拖！」
「傻瓜！你睇你成個大細路咁！不過呀，你要應承我努力溫書，我先會陪你出黎架！！」
「知道！我一定會好努力架！咁你呢，又溫成點？」
「下午一個人都可以既，頭先呀媽番黎後就嘈住哂」
「噢，咁你塞耳仔溫書喇囉」
「咁又唔得喎，佢成日會叫我，我聽唔到佢又會入黎話我」
「下…乜咁架…唔好講啲唔開心的事，你今日有無掛住我呀？」
「梗係有！咁你又有無呀？」
「我呀，淨係買左好多衣架咋」
「買咁多衣架做咩？」
「用黎掛住你囉」
「又口花花！」
「咩喎，講真話都話人架，好喇夜喇，快啲訓喇」
.
我們就是這樣打情罵俏，幸福簡單般過每一天。

《你愛我還是他》第七十二章
.
努力去完成考試後，終於可以好好再次去休息一下，迎來暑假的悠長假期。不過，當下第一件事要做的，當然就是要去找那隻等待我已久的豬。
.
為了考試，我已經足足一個星期沒有見過她…
「喂傻豬，等左好耐喇？」
「傻鴨考完喇？但點解你早左半個鐘既？」
「咁我掛住你麻，咪一做完份卷就舉手走囉」
「下，咁你有無覆卷？」
「都有既…」
「乜你咁架！考試梗係要認真架喇」
「咁我掛住你麻，成個星期都無見你！」
「傻鴨，下次唔好喇，都係半個鐘咋麻」
.
接下來，我們就拍住拖四周逛逛。雖然我們已經差不多走遍整個銅鑼灣，但是其實只要身邊有她，去哪裏也沒有所謂。
.
現在的我們，愈來愈像一對老夫老妻，因為我們最喜歡逛的地方，真的十分特別。
大家不如又猜猜看？戲院？商場？書店？
.
我們最近最常逛的，是超級市場。銅鑼灣的超級市場大多都較大，可以逛一段時間，而且跟一般百佳惠康賣的貨品又有些分別。我們除了會在懷緬過去，還會幻想將來，一起往後的生活該是怎樣。