[無糖校園故]《你愛我還是他》

「喂，呀駿，做咩呀？」杜杜見我呆住後問我
「無，我仲未搵到芷怡啫」
「你又激親佢呀？」
「應該無，呢幾日我地都好少傾偈」
「咁係咪嬲你無搵佢呀？」
「無理由架，上次煮左份早餐氹佢時，佢話叫我專心練波既」
「大佬呀，女人不嬲都係口不對心架喇」
「唉…」
「無事既，今晚打俾人氹番佢囉」
「但我怕佢呀媽管佢喎」
「咁咪聽日番學再氹囉」
.
回到家後，思前想後，我還是忍不住傳了個短訊給她。
「你點呀？我好擔心你呀，今日又見你唔到，短訊又無覆，無論發生咩事你都同我講一聲呀」
等了幾分鐘，手機震了一震，我馬上拿起來看
「我無事。」女人說無事即是有事
「你今日打成點呀？」幸好她轉移了話題
「我地今日兩場全勝，入到決賽呀！」
「咁咪好囉，你辛苦咁耐終於有回報」
「但你係咪嬲我掛住練波無陪你？」
「無呀。」我應該信她嗎？
「咁但係你又唔覆我，我以為你…」
「唔係呀，我地聽日再傾好無？」
「好…」
.
究竟，她是不是真的沒有嬲我？還是又出現那些港女的「口不對心？」短訊就是有這個問題，不但看不到對方的反應，連對方的語氣也難以猜出。
.
還是想定辦法，明天扮低威氹一下芷怡吧…

sorly各位，頭先掛住打牌遲左出文

女人心海底針 主角真係慘 準備受情傷啦

新年快樂！

新年快樂呀！讀緊書的就科科攞A/過3爆4，做緊野既就唔會遇到閪老細，薪高糧準

我要方晴

女人心海底針 主角真係慘 準備受情傷啦

咦，難道你都經驗豐富？

特別公告：話說呢，聽日本來就係星期日休息日。但為左等大家拜年時都有文睇，唔使咁悶，所以聽日都係會繼續出文架！！！

《你愛我還是他》第二十四章
.
翌日，我如常行路回校，因為早上起床的時候，收到芷怡的短訊。
「今日唔使等我，學校見」
.
究竟，這是好事還是壞事？她早上不來找我，但仍願意在學校見我。不管如何，還是早點回校等她吧。
.
回校後，我一直坐在小食部，望向校門一直等…一直等…一直等…終於看到她的身影。但是，為何她戴著口罩呢？難道她病了？
.
「終於見到你喇，我好掛住你呀！」礙於在學校的關係，我不能抱住她，只好望著她
「我都係呀，我都好想見你架」
「你唔舒服呀？」
「唔係呀…」
「咁做乜戴住個口罩？」
鈴鈴鈴…
「我放學再話你知呀，你今日送我番屋企好無？」
「好呀，放學見」

整天她都不願意除下口罩，也不多和我在小息時說話，令我感到好像和她有一段距離。
直到中午的時候，我忍不住在她的班房門外等她。
.
「不如一齊食飯？」我問她
「我地出去食好無？我想食粥」
從她的回答，我又感覺不到甚麼。
.
結果，我們去了附近冬菇亭的粥店買粥，然後外賣帶到附近係天台食。因為那裏比較少人，所以被老師發現的機會也會較低，適合我們這些情侶。
.
上到天台坐下後，她也終於除下口罩。這個時候，我終於可以看清她的容貌。但是…
.
「點解…你個嘴角損左，你個嘴又腫左既？」
「我呀媽打我既」
「下！點解…」我聽到後十分驚訝
「佢發現左我打班排」
「下！咁就要打？！！」
「仲有同你拍拖的事，不過我慣左架喇…」
「慣左？即係唔係第一次？佢係咪癡線架？！！虐兒犯法架！」
「呢次已經算係少事」
「下！咁你之前有無報警？」
「有但無用，警察話無證據…」
「搞錯呀！！」
「不如唔好再講？」

我看著她，楚楚可憐，再也忍不住，一下將她抱入懷。
「無事架，有我係度，我會陪住你」我對她說
「對唔住呀，呢兩日無搵你，等你擔心…」
我不待她說完，就將一隻手指放在她嘴上，然後輕輕的親她一下。
「我地食野喇，碗粥凍架喇」
「但係…」
「有啲野，我明就得，唔使講到咁清楚」
.
原來，我一直想太多…而當我將所有事搞清楚後，心中的大石也終可搬走。
或者，是因為我對她的了解不夠深，才會發生這一連串的亂想。
.
「今日放學我送你番屋企喇」
「下，唔使喇，你要練波準備決賽」
「練少日無問題既，你需要多啲」
「多謝你…」
「傻既」

《你愛我還是他》第二十五章
.
跟一班隊友交代後，大家也很識趣的讓我走。
「我走得喇」我走到芷怡的班房找她
「真係可以？佢地無說話俾你咩？」
「有呀，佢地叫我快啲走囉，佢地都唔想我因為一個班排無左一個女朋友」
.
今天，我們沒有搭往常的巴士路線，因為平時她都要轉車。但今天是為了送她回家，所以就走遠一點，搭一架直達她家的巴士。
.
沿途，我也沒有跟她多說話，只是把她抱進懷裏，讓她感受到安全感。
.
第一次來到她家附近，一個我從未涉足的地方。總覺得有點好奇，不時四處眺望。
.
「望緊咩呀？有女仔睇咩？」
「唔係呀，睇緊周圍的環境」
「有咩好睇？」
「無呀，無黎過咪好奇」

經芷怡介紹後，原來我身處的地方叫做竹園。
「咦，呢架巴士經我屋企架喎」
「咁你係度等巴士咪得囉」
「下，唔得！咁你點算呀？」
「我屋企好近咋麻，好快行到番去，我怕你等陣唔識行番黎，同埋你陪左我呢程已經好夠」
「但係我仲想見多你一陣喎…」
「你乖喇，最多你番到去後，如果我有時間，就陪你傾一陣電話喇」
「哦…」我扁嘴的說
「唔好扁喇，成隻傻鴨咁，最多我聽日黎陪你番學」
「好喇，拜拜喇，鴨鴨～」
「傻瓜」
「你小心啲呀，我地聽日見喇」我不捨地跟她道別
.
剛開始拍拖的戀人，果然像糖黐豆，見少一刻也不能，剛分開不久已經想念對方。
一回到家，我就忍不住馬上找她。
.
「咁快番到屋企既？」她短訊問我
「掛住你麻」
「啱啱先見完咋喎」
「咁唔可以掛住你既咩？」我反問
「得」她完全投降
「咁你宜家得唔得閒？」
「傾一陣都得既」

當然，我又怎會錯失這個機會。可惜，快樂的時光總是飛逝，她很快又要專心去做家務，趕在伯母回家前做好，避免受罰。
.
而這個時候，我也要開始做功課和溫習。最近忙著陪芷怡和練班排，花在溫習係時間相對地少了，現在也是時候追回進度。
.
很快又來到第二天的早上，我今天卻不走路改到小巴站。等了一會，芷怡果然信守承諾。
「早呀芷怡！」
「早呀傻鴨！」她的信心好像變好了，今天也沒有戴上口罩
「做咩又叫我傻鴨？」
「鬼叫你琴日扁嘴個樣咁似傻鴨，你唔鍾意呀？」
「唔係，你鍾意點叫咪點叫，最緊要你鐘意！」
「傻鴨！！」
「鴨鴨」她喜歡我也只好附和
.
「係喎，你今日唔使戴口罩喇喎」
「係呀，消左腫咪可以除口罩」
「咁你呀媽琴日仲有無打你？」
「無喇」
「佢再打你你一定要同我講呀！」
「同你講又有咩用呀…」她灰心地說
「咁至少我可以陪你氹你！係呀，我今日放學要去練波，無得送你番屋企」
「哦」她淡淡的說
「對唔住呀，我都唔想架！過埋星期四我就可以陪你！」
「到時再算喇」
.
她，真的介意嗎？
原本開開心心的氣氛，突然沉靜下來，我倆整程小巴也再沒說第二句話。
究竟，為何會發生這個問題？

唉，我就黎寫到唔想寫喇。。。
開始唔知自己寫緊d咩，雖然身邊有朋友話緊張刺激
呢個故仿彿一直為後面個故去鋪路，因為係過渡，就更加無心機寫
然後，呻完，又要繼續寫。。。

加油

比心機 唔好放棄

加油

多謝你

比心機 唔好放棄

我會架喇，可能最近不斷寫不斷打，有d麻目
同埋寫緊最sad個part，所以情緒都有影響

比心機 唔好放棄

我會架喇，可能最近不斷寫不斷打，有d麻目
同埋寫緊最sad個part，所以情緒都有影響

先搞掂好個情緒再寫落去啦 比心情影響左故 仲衰 不如休息下再寫

咪棄故 否則叫方晴番黎

推下先～