[無糖校園故]《你愛我還是他》

集資駿仔去英國

嘩，隔左一日已經咁激烈喇

《你愛我還是他》第三十一章
.
接下來的幾日，她都一直對我不揪不睬。無論我如何低聲下氣，她都是對我置諸不理，視而不見，令到我都不知怎算好。
.
「點呀兄弟？仲未氹番芷怡咩？」杜杜八掛問
「唉，你都睇到架喇，我出盡辦法佢都係唔理我，我仲可以點？」
「咁有時風頭火勢，你講咩佢都可能聽唔入耳」
「咁我可以點呀？由得佢呀？」
「交俾我喇！」
「交俾你？」
「正確啲黎講，係交俾Kathy bb，女仔同女仔講野點都方便啲」
「但係…」
「唔好但係喇，之前我同Kathy嗌交，都係你同呀晴幫口，宜家我地係時候還恩。總之你就隨時準備，等我地幫你融冰先喇」
「多謝你兄弟！」
.
為今之計，真的唯有寄望Kathy能勸到芷怡，不再生我氣。處理完兒女私情，又是時候面對期考成績。
.
其實，今次的成績尚算不錯，至少全部科都合格。之前自覺失手的經濟科，也仍有五字頭，雖然失望但同時亦算不錯。最好的科目仍然是數學科，有八十六分，屬全級中上階段。整體而言，今次雖未達最好的成績，但總算穩步上揚。
.
不過考得好又如何，在男朋友這個評核上卻完全不合格…不知為何，對比上一次，今次我好像更常做錯事激怒了另一半…其實，究竟是方晴容忍度太高，還是方芷怡接受度太低？

從另一個說法，其實我和芷怡也只是認識了幾個月，互相了解根本不足。在根基不穩下就開始，確實會較容易起磨擦。現在唯有希望盡快了解她的喜好習慣，令到自己可以避免再踩中「地雷」。
.
經過煎熬的週末，兩天不敢找她後，終於又到星期一。早上起床的時候，忽然看到Kathy的短訊。
「搞掂左，剩低睇你自己」
.
難道她已經替我勸服芷怡成功？為了以策萬全，我再一次拿出我的拿手本領－愛心早餐。希望透過這份愛心飛碟，她會感受到我的誠意。
.
回校後，我先放下書包，再到小食部等芷怡的回來。可是，我一直都看不到她的身影…突然間，有人從背後拍我。
.
「傻鴨，等左好耐喇？」只見她偷偷的笑了，態度軟化，看來Kathy真的成功了
「一陣啫，等你等幾耐都得」
「口花花」
「都係淨係對住你啫，唔好講住，快啲坐低食早餐先」我把餐盒打開
「嘩，飛碟呀！」
「仲係你最愛的芝腿飛碟！」
「睇下你下次仲敢唔敢再唔理我！」
「點敢點敢，哈哈」我以笑遮醜
「不過，不如你下次試下整其他口味？」
「做咩呀，你食厭左喇？」
「點會呢，只不過想試下其他配搭出黎會係點」
「哦，有人唔想做豬，想做白老鼠，咁好喇，我試下喇」

其實去到呢個時候，大家係咪會更加prefer sad end呢？

咁又唔係既 如果呀怡肯改佢個港女格 做番好少少 就唔洗sad end 始終我地呢班讀者已經受過方晴既傷 不能再受傷了 再黎sad end就爆血管架啦

咁又唔係既 如果呀怡肯改佢個港女格 做番好少少 就唔洗sad end 始終我地呢班讀者已經受過方晴既傷 不能再受傷了 再黎sad end就爆血管架啦

咦，呢個回覆真係估唔到喎
咁大家就放長雙眼睇，始終兩個都仲細，未完全識點去處理感情事

《你愛我還是他》第三十二章
.
雖然今次逃出生天，不過我們還未脫離危險期，好幾次她也無故發脾氣，我怎樣哄她也沒有用。但奇怪在，隔日她又會好像無事發生般。難道她就是聞名不如見面的「港女」？
.
但其實，她又不貪錢，平時都愛留在學校食飯，又不會要求我買甚麼禮物給她。其實嚴格來說，她除了情緒大起大落，非常敏感外，就幾乎無可挑剔。
.
不過，這又不能完全怪罪於她。經過我旁敲側擊後，才發現原來她又是在單親家庭中長大。自少缺乏父愛的她，加上媽媽極嚴厲的管治下，令她不懂得如何抒發自己的感覺。因為父母的影響，令她對愛情曾經失去信心。現在的她，仍然對愛情充滿疑問，所以也解釋到為何她非常敏感和情緒大起大落。
.
為了令她安心，唯有將她捧成公主般呵護，事事遷就她。
.
「其實點解你要咁就我？」有一天放學的時候她突然問我
「咁鍾意你就自然會想對你好，令你開心」
「但係你唔怕就得我太多，我會變港女，變公主咩？」
「怕架！但鬼叫我鍾意你咩」
「傻鴨」

曾經，我覺得你就是我的未來。無論你多公主，多港女，我也會一直遷就你。
.
不過，快樂的日子總是十分短暫。當一來到考試季節，又是我們意見不合之時。
.
「你上次考得麻麻，今次一定要再努力啲」我關心她說
「我都知…」
「一係我幫你補習？」
「我地啲選修科都唔同」
「咁主科都可以幫你麻」
「唔使喇，我都唔慣俾人補」
「咁你自己要努力啲喇」
「得喇」
.
其實，我本想透過替她補習的機會，多見她幾面。同時間，一起訂立目標，兩個人共同努力去完成，加深我們的關係。只可惜，我們的想法並不是一樣，始終方晴還方晴，方芷怡還方芷怡。
.
不知不覺，就來到了學期尾的時候，大家也努力為期末大考而努力。為了重返前列位置，我也必須施展渾身解數，以彌補學期初的失手。
.
「芷怡，其實都就黎考試喇」
「跟住呢？」
「我可能要花啲時間溫書少啲陪你」
「又係咁，你有邊次唔係咁？」
「其實你都應該花啲時間去溫書」
「咁不如我地直接分開一陣，等你考完試再算」
「下…咁好囉…」
.
其實，女人總是口不對心的。而經過那次交談後，我們真的沒有再談過話。就算面對面經過，頂多都是一句起兩句止。
.
其實，有好幾刻我也想找回她。但我知道，就算現在我重新找了她也沒有用，因為一日未考完試，我都不能全心全意陪她。現在唯有期望盡快考完試，然後用整個暑假去氹回她。

港女格

性格衰 唔就人 已經飛得 會唔會有新女角出現

西女人

港女格

少少喇，公主病>港女
其實都係主角自己一手養成

睇黎主角要行動啦 主角應該好好調教佢 唔好再比佢做港女 對佢嚴格d 多說教 好似老豆咁樣 但要軟硬兼施 呀怡冇父愛 就比番d愛佢 多d帶佢番屋企食飯 主動叫呀怡同佢傾心事 開解佢

睇黎主角要行動啦 主角應該好好調教佢 唔好再比佢做港女 對佢嚴格d 多說教 好似老豆咁樣 但要軟硬兼施 呀怡冇父愛 就比番d愛佢 多d帶佢番屋企食飯 主動叫呀怡同佢傾心事 開解佢

嘩，呢個要好勁先得，好易就over
不過可以預告，之後呀駿會改變自己，令到芷怡不能抗距

性格衰 唔就人 已經飛得 會唔會有新女角出現

係唔會既，今個故同下個故都會係方芷怡
大家一直睇落去就會明

睇黎主角要行動啦 主角應該好好調教佢 唔好再比佢做港女 對佢嚴格d 多說教 好似老豆咁樣 但要軟硬兼施 呀怡冇父愛 就比番d愛佢 多d帶佢番屋企食飯 主動叫呀怡同佢傾心事 開解佢

嘩，呢個要好勁先得，好易就over
不過可以預告，之後呀駿會改變自己，令到芷怡不能抗距

不能抗拒 係咩意思？ 調教到呀怡聽教聽話 定係愛呀駿愛到不能自拔

《你愛我還是他》第三十三章
.
期末大考，除了對我今年的成績有很大影響，而且還對我將來大學之路有不少的影響。很多大學都會以今次和下年的第一次考試作指標，給予有優良成績的學生面試的機會。
.
所以我要努力去溫習，考取最好的成績。可惜，偏偏就在這個重要的時刻，我又倒下了。
.
沒有了芷怡後，身邊好像失去了支撐，而且經常都會想起她。這樣下來，令到我的情緒也變得波動，溫書時總不能集中。
.
除了情緒受到波動，連身體也受到影響。之前的頭暈和心跳加速又再一次出現，這一次更加嚴重，心還有痛的感覺，時不時就有氣喘的問題。
.
最奇怪的是，即使我看過醫生，醫生也發現不到任何問題，心臟和呼吸道也沒有問題。找不到根源，自然也沒辦法作出應對，變相只能勉強承受，邊努力邊辛苦。
.
這個難題也令到我考試前夕也被逼告假連連，本來已經信心滿足的考試，現在卻忽然變得難關重重。
.
按常理，有了前幾個月的努力，其實我也不應該擔心。但現在，我最擔心的，是我不能順利完成考試。
.
面對這個情況，我只想到一個人可以跟我去分享。

「呀駿，好多謝你選擇相信朱sir，將呢一切同我講」
「因為…我真係唸唔到有邊個可以俾到意見我」
「所以你處理得非常正確，無自己一個人勉強去面對」
「咁朱sir，你有咩意見？」
「我覺得…係你舊病發作」
「即係你覺得，係考試的壓力令到我出問題？」
「我的估計就係咁，尤其你已經睇左醫生，但又檢查唔到身體有咩問題」
「但係，我之前都未試過咁樣架喎」
「我覺得…」朱老師欲言又止
「？？？朱sir你係咪有咩想講？」
「你暫時都係唔好唸住，專心準備考試，但如果再有事發生，就一定要黎搵我」
「唯有係咁喇」
.
剩餘不足一星期下，現在唯一可以做的，確實只有專心考試。幸好的是，這一輪日子不只我一個孤軍作戰，還有杜杜和Kathy陪我。
.
「呀駿，你無事嗎？」Kathy問我
「無，有少少抖唔到氣啫，可能呢度太焗，我出班房抖一抖就應該會好啲」我還是選擇隱瞞他們，不希望他們因為擔心我，而分心應試
「啱喇，兄弟陪我一齊落小食部買野食，bb你食咩？」
「燒賣呀唔該」
「無問題！」
.
「兄弟，你係咪有事？」在行樓梯的時候，杜杜突然問我
「無事呀」我始終不想再令其他人擔心
「仲講大話，我今朝已經見你摸住個心，係咪之前的問題翻發？」
「果然知我者，始終都係暪唔到你，係呀，個心又痛番，宜家連抖氣都有影響」
「睇左醫生未？」
「睇左喇，咩都檢查唔到」
「無事既，放鬆啲，有我頂住你！」
「我就係唔想你頂住我，考試喇…」
「兩兄弟係咪講啲咁的野？！！總之我撐硬你！」
「好，我應承你，我都無咁易跌低嘅！」

西女人

女人有西，正常
講笑啫，遲d你睇下仲係咪咁死

呀怡收撚皮啦

唔係方晴走左 你個呀怡 冇位入

睇黎主角要行動啦 主角應該好好調教佢 唔好再比佢做港女 對佢嚴格d 多說教 好似老豆咁樣 但要軟硬兼施 呀怡冇父愛 就比番d愛佢 多d帶佢番屋企食飯 主動叫呀怡同佢傾心事 開解佢

嘩，呢個要好勁先得，好易就over
不過可以預告，之後呀駿會改變自己，令到芷怡不能抗距

不能抗拒 係咩意思？ 調教到呀怡聽教聽話 定係愛呀駿愛到不能自拔

呀駿會將自己改到，令芷怡就算本身一齊，都會被吸引到開始，然後一直落下

《你愛我還是他》第三十四章
.
第一科就要考數學，對我來說其實又算好又未算好。數學一直都是我最有信心的科目，取高分其實應該不是難事。但是，就因為過往的成績，無形中令自己形成了壓力，好像有一個不能失手的包袱。
.
結果，真的負重過多倒下了。在開考頭一小時都一直相安無事，在做頭兩部份時，因為題目較易，所以比較順利。但當去到最後一部份時，難度加深，開始需要更多的思考。在這個時候，緊張令到自己開始呼吸不暢順，繼而心臟好像被拉扯般痛。原本我仍想堅持下去，但那個痛楚接近令我暈倒，令我不得不舉手求助。
.
當值的老師決定讓我先離開試場稍事休息，待我休息好後再進場考試。但即使我離開試場，坐在校務處外，仍然感受到內心的掙扎，直到朱老師來看我。他一直指導我利用呼吸調整心態，再給予我一條朱古力，說對我的狀況有利。
.
「呀駿，你覺得點呀？」
「宜家終於總算抖番順條氣」
「個心呢？」
「無再扯住，但仲有少少餘痛」
「睇黎我一直擔心的事始終都要發生」
「朱sir你係咪有咩想同我講？」
「上次你同我提及你的情況後，我即刻去搵左社工華哥，我地一齊傾過後，懷疑你…」
「我有咩事呀？」
「暫時我地都只係懷疑，我地覺得你可能有焦慮症，甚至抑鬱」
「即係你地覺得我有精神病？」
「只係初步性懷疑，你呢一連串的身體反應好有可能係因為情緒所牽動。不過一切仲需要留俾專業人士跟進，之後華哥會聯絡你」
「嗯…」
「唔好唸咁多，專心左呢個考試先」
「朱sir，你覺得我真係仲可以順利完成呢次考試？」
「只要你信，你就可以！」
「好！我會努力的！」