[無糖校園故]《你愛我還是他》

雖然之後只剩下口試，但我們一大班人已經當作考完試，開始外出遊玩。
.
「喂，咁得閒出黎篤波，唔使陪Kathy咩？」
「難得你司徒少爺肯踏出家門，我點可以唔黎陪你！」
「係咪講啲咁既野呀？！！」我作勢要打他
「咁真係既，之前請你都唔出黎，不知幾擔心」
「宜家唔會架喇」
「無事喇？」
「點都仲有少少既，不過搞掂左個大佬，成身都鬆哂」
「咁佢呢？都搞掂左？」
「都走左囉，再記住都無意思」
「好似真係叻左喎」
「人會成長的！更何況，時間改變一切」
.
經過了這一段時間，我絕對感受到自己的成長。雖然我的抗壓能力仍然未算好，但有了今次的經驗，使我將來處事時，就會更有經驗。
.
至於情傷，連續兩年面對被分手，確實曾令我對愛情失去信心。不過，不經歷一些挫折，又怎去令自己進步，迎接我的真命天女？
.
去到今時今日，我已經沒有再特別憎恨他們。相反，有時候我會在想，其實會否是自己的問題？因為我未夠好，所以才留不住她。
.
於是，我就開始了自我改進之旅，不斷尋找自己的不足之處，然後努力去改變，希望不會再重蹈覆轍。
.
既然中學生涯快將完結，也倒不如讓自己帶著一個新的心態去迎接未來。

識諗咪好

識諗咪好

或者只係一時開竅呢
不過，每個人都係有經歷然後成長

《你愛我還是他》第五十七章
.
當我連口試也考完後，我終於正式可以鬆一口氣。同時，也有著一種失落感和對未來的不安感。
這三年，我一直為著這個試去努力。可是，同一時間，我卻不知不覺間被這個考試吞噬了自己，甚至差點賠上了自己的性命。
曾經，我讀書是為了別人，要討好別人。但或者，從今日起，我要開始為了自己而去努力。
.
公開試後，正當其他同學開始放假時，我卻正式開始我的備試工作。不過，此「試」不同彼「試」，公開試過後，就是一連串的面試。
不過，大家又不要誤會，我去見的並不是大學的面試，而是大專的副學士面試。其實早在我休學的時候，我已經清楚知道，我能進大學的機會幾可是微乎其微。但縱然如此，我仍然需要繼續進修，因此我早早就報完了幾間專上學院的副學士課程。
.
慶幸的是，有兩間院校都有回音，讓我有一個面試的機會。因此，最近我都在努力為面試而作準備。
.
雖然已經完了考試，最大的壓力已經過去，不過我仍然要繼續定時覆診和食藥。經過一段時間的治療後，我也開始感覺我個人逐漸變得正面，少了負面的思想，或許離康復之日不遠了。

有一天的晚上，我約了杜杜兩個人出來聚舊。
「今日咁好約我出黎食飯呀？」
「咁考哂試，我又面完試，咪出黎搵下你」
「係喎，你之前同今日的面試點呀？」
「盡左力喇，但結果係點就真係唔知」
「你又真係得意既，讀讀下商科又會無端端轉去讀心理學既？聽講呢科好難讀好多野要背」
「好似係呀，不過我又想了解自己同個病多啲，所以咪試下囉，邊似你呀，實好大機會入大學」
「你睇我好，我睇你好啫，我都唔係考得最好」杜杜忽然一副悶悶不樂的樣
「做咩呀，有心事咁既？」
「Kathy今次應該會考得好好，如無意外一係中大一係港大，但我呢，好大機會得城大…」
「城大唔好咩？都叫中等呀，俾我有得入都一定入！」
「唔係話城大唔好，只係我怕Come On James…」
「唔會既，Kathy唔係啲咁既人，如果佢係，一開始就唔會揀你喇」
「咁又係…不過出面的世界咁多吸引，我又唔係佢身邊…」
「要信佢！兩個人一齊最緊要講個信字，如果無互信，就好難一直走落去！我識左Kathy都四年，我知道佢一定唔係咁既人，我唸係你太緊張佢先會亂唸啫」
「唉，唔唸喇唔唸喇！陪我飲酒喇！」
「好喇，我飲解千愁，今晚要開開心心！」
.
其實，有時候人生就是這麼簡單，和兄弟食飯喝酒吹水，一晚就如此過去了。
在這個繃緊的社會，我們有時候就是要懂得怎去放鬆自己。
.
很快，就會來到放榜日…
不過其實一切也塵埃落定，再擔心也只是徒然…

《你愛我還是他》第五十八章
.
放榜日，一直都沒有期望的一個日子，卻突然這麼快就要面對…不過，雖然大學無望，但今日我還有一個目標。那就是有五科考獲第二級，然後我就能入讀心理學副學士的課程。
.
那一天整個過程，我到現在還歷歷在目。雖說我不用太緊張考獲的成績能否令我入大學，但我也有一個基本的目標，所以怎樣也有點緊張。
.
其實，我對自己也有信心，始終五科二也是我本身應該要考到的成績。即使當時的我狀態不佳，但爛船還有三斤釘，我猜也不會差到這麼爛。
.
我們學校的放榜方式就有少少特別，我們五科會同坐禮堂內，然後由班主任分發成績，之後再去見小組老師，商討聯招的排位。
.
等了一會，朱老師就將成績表派到我手上，還拍一拍我膊頭。我先簡單祈禱，然後才翻閱成績表。
.
中文：2 （意料中事）
英文：4 （意料之外）
數學：3 （唉…）
通識：2 （唉…）
經濟：3 （還可以）
企管：2

最後，我因為之前病的緣故，沒有報考歷史科而減低負擔。不過，我夠分了！我夠分滿足副學士的要求，我真的有書讀了！我興奮到忘形了，好像入了大學般。
.
之後，就要去見小組老師。原本我還要排在幾位同學之後，但當他們知道我只需要簡單報告，很快完成後，都紛紛讓位給我。
.
「副校長，我考唔到3322，但我有五科2，夠我讀港大副學士」我直接把重點說出
「咁咪幾好囉，可以鬆一口氣喇」
「咁我係咪可以走得喇？」
「未得呀，因為你考唔到3322，所以循例都要去見升學及輔導主任」
.
由於3322是大學入學的最低要求，所以考不到這個成績的學生，都要額外去見升學主任，一對一專門計劃一下之後的路。
.
今屆總有十二位同學考不到最低要求，當我在等待見升學主任時，我都不忘跟爸媽報「喜」。
「唔夠分讀大學，但夠分讀副學士」
.
「點解你之前唔聽我講，報定啲課程？你睇你宜家，乜都無」只見升學主任生氣地跟另一位學生說
「嗱，你宜家先落去見呢間，之後再搭車去呢一間，最後再去嗰間搏埋」只見升學主任拿了一大堆資料給那位學生，然後就將他打發走

「李太」我乖乖地坐下
「司徒駿，你點呀？」只見她由生氣樣變回帶有笑容
「我雖然考唔到3322，不過我有副學士讀呀」我把那張大專的有條件取錄信放在檯面
「你呀，真係我呢兩年第一位見到的學生，有齊準備仲帶埋呢份有條件取錄信俾我睇」她笑道
「咁應該架麻，係喎，其實另一間院校都有叫我交成績，咁我仲應唔應該去呀？」
「去乜鬼呀，你都有位喇，留番個位俾人喇」
「知道李太，麻煩哂你喇」
「好喇，祝你好運喇」
.
當我起身準備離開時，我方才發覺原來在我之後的同學，正正就是方芷怡。原來她也失手了，而且看來她也是甚麼也沒準備。
.
之後，我就趕去找爸媽，把成績單給他們看。
「咁你同爸爸去交成績喇，我番屋企煲定靚湯等你」媽媽說
「多謝媽媽！」
「咁我地行喇呀仔」
當我踏出校門的一刻，我就知道我正走向我的未來，一個全新的地方－香港大學專業進修學院保良局社區書院。

我學校個升學主任都係姓李

我學校個升學主任都係姓李

係本姓定夫姓先？

唉 終於度過低潮 感動 終於醒左 枉我追左咁耐 點解突然出咁多文既 樓主呢排得閒？

我學校個升學主任都係姓李

係本姓定夫姓先？

本姓

我學校個升學主任都係姓李

係本姓定夫姓先？

本姓

唸唸下，其實我個升學主任都係本姓喎

唉 終於度過低潮 感動 終於醒左 枉我追左咁耐 點解突然出咁多文既 樓主呢排得閒？

多謝你仲繼續支持落黎
呢排多文就梗係唔係因為得閒喇，因為上個禮拜為左適應澳洲，所以就停文一星期，咁有停就要有還，今個星期咪即刻出番哂六篇
每晚都係咁寫文，然後又打文再番學同照顧自己，邊有得閒，不過慶幸仲有得訓

咁咪好囉

追文追死人

追文追死人

係太少等到死，定係突然多左追唔切？

《你愛我還是他》第五十九章
.
暑假，今年的暑假竟然是最平靜的。沒有分手，沒有發病，一切卻好像來得不易。
.
公開試後，我刻意把自己收起，除了杜杜和Kathy，其他人基本上不會找到我。整段時間，除了去旺角覆診，外出最多就是去杜杜的家打機。
.
「唉」杜杜忽然間一聲長歎
「搞咩呀杜杜，贏緊架喎我地，唉咩呢？」
「我真係好怕呀…」
「你唔好話我聽你仲唸緊嗰件事？」
杜杜不發一言，只是輕輕的點一點頭。
「你唔係麻，你仲係對Kathy無信心呀？」我不解地問
「我係對自己無信心，以前就算成績再大差距，點都係同校。但係宜家呢？佢考三十三分，基本上入咩科都得，但我最好五科得二十五分，想讀商科就得番城大。無論佢想揀薄扶林定馬料水，我地都肯定隔左一個大區」
「三年幾喇，你地一齊三年幾，你都仲未知道佢係點？」
「但我真係好驚…我好驚會有人搶走佢，就好似罐頭何咁，突然間出現」
「無事既，唔好亂唸」

眼前這個杜杜，令我感到非常不熟悉。忽然變成淚人的他，變得毫無自信，極度驚惶。身為他的兄弟，我更加知道Kathy對他的重要性，我更加於心不忍，不想再看到他繼續如此下去。
.
「Kathy，聽日有無時間出黎食個飯呀？」我傳了個短訊給他
「可以呀，我得閒，想係邊度食幾點食？」
「但你可唔可以唔好同杜杜講？」
「點解呢？」
「因為我有啲私人野想單對單同你講」
「下，咁呀…好囉，聽日見喇」
約好時間地點後，我就準備一下明天要跟Kathy說的事情。
.
我約了Kathy回到學校附近的粥店，邊食邊傾。
「呀駿，做咩無端端約我出黎，仲唔俾我同杜杜講？」
「其實我係有樣有重要的事想同你講，我有個朋友好有錢又靚仔，最近仲有機會入港大或中大，而佢又單身」
「咪住先，你究竟想講咩？」
「咁呢，佢又想追你，咪搭我路睇下你有無興趣？」
「癡線既，即係你要我放棄杜杜呀？杜杜係你兄弟黎架！」
「但我個朋友又有錢又靚仔架喎」
「咁又點呀？杜杜對我好好，我係唔會背叛佢」
「即係無論點，你都唔會放棄杜杜？」
「係呀，你叫你個朋友死左條心佢喇！」Kathy氣沖沖地說
「呼！咁就一天都光哂！」我頓時鬆一口氣
「呀駿，究竟你今日搞咩呀？」Kathy不解地問

咁樣試條女 最掂

「其實係杜杜呢排失常，佢怕自己變做James」
「James？邊個黎架？」
「Come on James呀」
「哦，俾女朋友嫌無出息嗰個？」
「就係佢，因為你考三十三分，杜杜就得二十五分，佢知道自己一定無機會同你同校，佢怕之後你會被人搶走」
「佢個傻瓜…」Kathy低下頭說
「佢咁唸全因為佢真係好愛你，佢唔想失去你」
「佢個傻瓜！同我拍左咁耐拖都唔知我要咩」
「我有話佢架，但佢都係繼續鑽牛角尖」
「多謝你呀駿，我知點做架喇」
「多口都講句，身為你地的朋友，睇住你地由相識，到一齊再到宜家，我都真係想見到你地走到最尾」

《你愛我還是他》第六十章
.
在派大學學位申請之前的一日，雖然不關我事，但也要陪好兄弟捱過這個艱辛的晚上。這個晚上我們決定在他的家打通宵機，玩盡他所有的珍藏。
.
不過，就算有我幫手分散視線，我還是能感受到的不安，緊張和擔心。
「兄弟，唔好唸咁多喇，所有野都定哂，再擔心都無用，不如襯今晚玩盡佢，遲啲都未必再有機會」
「唉…不過你都講得啱既，遲啲我地三個係唔同學校讀書，一定會少左好多機會見面」
「不過無論發生咩事，你都一定會係我兄弟！」
.
我們兩個邊打機邊聊天，杜杜也開始享受其中，珍惜我們最後難得的相處時光。在玩了無數隻遊戲後，終於天光了。
.
我決定要帶杜杜走出黑暗，落街食早餐。
「嗱，咩都唔好理，食飽再算，今日可能好忙架」
「嗯，無所謂喇」杜杜又故態復萌
.
「咩無所謂呀？」另一主角終於到場
「Kathy？點解你會係度架？」杜杜驚訝問
「係我叫佢黎既，今日呢個咁重要的日子，你兩個梗係要一齊面對！更何況，有啲野係要面對同解決啱」
「啱既啱既，今日一次過處理哂」
看來，他還是誤會了。

食完早餐後，我們便一起回杜杜的家靜候結果。
等到九點正，終於可以搶入網上看結果。經過一輪的F5大戰後，他倆先後知道自己的下一站。
.
杜杜一如所料，進入了九龍塘的城市大學。不過，他的臉上卻沒有絲毫的喜悅。或許，他正等待死刑的來臨。當Kathy也知道她的結果後，杜杜更為低落。拿著三十三分，Kathy最後選擇了中文大學，亦正式宣佈二人將在不同大學上課。
.
「恭喜你呀Kathy，終於入到你想入的大學」杜杜淡淡說
「杜杜！乜你想改英文名咩？」Kathy突然問他
「改咩名呀？」杜杜不解
「James囉，你好想做Come On James咩？」
「呢樣野…都唔到我決定喇」
「杜杜！我估唔到，同左你一齊四年，你都仲會咁唸我！你宜家聽清楚，我，係絕對，絕對，絕對唔會同你分手！！！除非你想飛左我，但我都唔會俾你咁做，我會一直煩住你，煩死你，等無女仔敢埋你身！！！」
「Kathy bb…對唔住呀，我唔應該咁去唸你…」
「算喇，我都明點解你會咁唸既，總之宜家無野可以阻住我地！我地一定要一直咁走落去！」
.
看到他們終於回復當初的甜蜜，身為他們的好友，我也為他們感到開心。
.
「多謝你呀駿」Kathy忽然對我說
「下？又關呀駿咩事？」杜杜一臉不解
「如果唔係呀駿，我都唔會知你呢個傻仔亂唸左咁多野，更加唔會識點去處理」
「原來係因為你呢個好兄弟我先有番個女朋友，仲陪左我成晚！」
「我都係見你咁頹，將你的情況同Kathy講，至於今日呢一切，都係Kathy自己唸」
「總之我有Kathy呢個好情人同呀駿呢個好兄弟，我就真係夠哂幸福喇！」

咁樣試條女 最掂

而事實證明，Kathy真係一個好女仔
其實。。。我慢慢覺得，Kathy先係最正
成績好，性格好，當初為左真實無女的杜杜而創造的一個角色，結果反而成為左宜家三個女角入面，最好的一個
真係有d羨慕杜杜。。。

見唔少中學甜甜蜜蜜
入到 u就...