[無糖校園故]《你愛我還是他》

仲以為大家會好大反應添

如果係方晴應該會大反應啲

如果方晴係英國番黎搵番呀駿，然後為左呀駿甘願做個黃臉婆，從此佢地開心滿足咁過生活
完~

《你愛我還是他》第六十四章
.
雖然考試的成績未必十分理想，但至少我真的盡了自己的努力，沒有浪費時間。
.
考試完成後，就是放假的時候！在下一個學期開始前，我有大概三個星期的時間去休息去玩。
這個假期除了要跟杜杜和Kathy重聚外，我還想到她…
不如，真的約她出來食頓飯？
.
「嗨，考完試未呀？」
等了一個下午後…
「未呀」
「考到幾時？」
「二十八號，做咩呀？」
「無呀，唸住約你食個飯咋麻，不過你未考完試，咁就算喇」
「不如二十八號下午，你有無約人呀？我考上午，考完之後一齊食飯？」
「可以呀，咁我地去邊度食好？」
「銅鑼灣好唔好？我考完試搭叮叮落黎搵你」
「無問題呀，銅鑼灣宜家變左我地頭，等我帶你食好西」
「哈哈，好呀，咁到時見喇」

總括今次和上次的對話，我真的完全感覺到我們都放下了往事，似乎真的能做回朋友。
.
幾天後，就是我和芷怡食飯的時候。不知為何，今日出門前，卻呆站在衣櫃很久。究竟…我應該怎樣著呢？我幾乎換了又換，想了很久才作出最後決定。
.
去到銅鑼灣時，見時間尚好，就一個人先四周閒逛。行行下，電話突然響起。
.
「喂，我就到喇喎，你係邊呀？」
「我一個人四周圍行緊咋麻」
「咁你係叮叮站等我好無？」
.
在電車站等了一會後，就看到一架電車正駛過來，而她正坐在上層的前面。我們看到對方後，就互相做鬼臉。
.
「等左好耐喇？」
「唔係呀，黎左一陣咋麻」
「你今日…」她正上下打量我
「咁著唔好睇呀？」我緊張地問
「唔係，只係好小見你著恤衫，呢件又唔太老餅，幾好睇呀」聽到她這樣說後其實我暗爽了一會
「係喎，咁你頭先考試考成點？」
「還可以喇，不過我今朝無食早餐，宜家好肚餓呀」
「得得得，即刻帶你去食好西」

在銅鑼灣打滾了幾個月，附近有甚麼好食我也大概知道。我知道她喜歡食日式拉麵或烏冬，我就帶了她去附近一間食石鍋烏冬的日本鋪頭。而且，今天的天氣都有點凍，食熱辣辣的烏冬暖身就好。
.
她看起來對這間店也頗滿意，我們很快就選好食物，靜靜的等待。
.
「係喎，有樣野好想問你」我跟她說
「問咩呀？」
「我早排搵番你時，你當時其實有咩感覺？」
「有啲意外囉，無唸過你真係會搵我」
「我都估唔到你會應承出黎」
「出，點解唔出呀？咁又到我問你，點解你會搵番我呢？」
「咁上次撞到後，覺得好似無乜野，咪試下再搵你囉，咁難得我地茫茫人海中遇到，證明我地仲有緣份，咁再見都可以係朋友麻」
「好老土呀！不過我都無唸過可以再同你坐低食飯」
「以前的事唔好再提喇，總之宜家我地重新開始，你好，我叫司徒駿」我把手伸出來
「你好，我叫方芷怡」

on 9 痴線 邊有咁架 現實中

on 9 痴線 邊有咁架 現實中

不幸的係，現實中真係有人咁癡線咁on9，而呢個人宜家仲覆緊你

呀駿你唔好沉船啦 背叛者同被背叛者做番朋友 痴線架

《你愛我還是他》第六十五章
.
重新和方芷怡當上朋友，重新認識她，令到我又多了一個朋友，一個能說心事的朋友。
.
食完烏冬後，我們又四周逛逛，還一起行過宜家傢俬。我總是覺得宜家傢俬這個地方，是應該和女朋友一起來，兩個人一路行一路在幻想和討論，將來兩個人住在一起，應該要怎去布置。
.
以往都是和家人一起行，爸媽二人行，我就變成剩下的一個。今天卻不同，有了芷怡的陪伴，這是我覺得最開心最幸福的一次。
.
「多謝你呀」
「做咩無啦啦多謝我呀？」
「多謝你出黎陪我食飯，多謝你陪我行宜家傢俬，仲有多謝你肯同我做番朋友」我說
「傻仔」
「咁之後我可以再約你食飯？」
「下個學期如果夾到時間，可以一齊食飯呀」
.
和芷怡道別後，我就自己回家了。回想起今日的所有事情，就好像回到過去般，甚至比以前更親密。
如果，我們以前能像現在般，那是多好呢。不過，這一切都只是想象…現在的方芷怡，已經是別人的女朋友。
.
之後，我就開始享受三個星期的假期。沒有學業的包伏，可以好好休息一下。除了留家睡覺打機外，當然要出去和一班朋友聚舊，特別是杜杜和Kathy。

這個晚上，我和杜杜和Kathy一起約出來食晚飯。
「喂，點呀你地，拖哂手咁甜蜜黎，肯定無影響喇」當我看到他們糖黐豆般出現時不禁說了句
「你最近點呀？」杜杜一坐下來就問我
「幾好呀，就黎完全病好，啱啱又完左一個學期」
「咁係學校有無遇到個合眼緣架？」Kathy接著問
我第一下竟然想到了方芷怡…
.
「無呀，邊有咁易呀，做咩呀，你有好介紹呀？」我反問她
「咁你又放心，有好女仔我一定介紹你識，我同杜杜都好想你快啲拍拖，等我地…」
「等我地唔使顧你呢隻單身狗的感受，可以光明正大咁係你面前放閃」杜杜搶著挖苦我
「嘩，你地宜家仲未夠閃呀？全間餐廳都就黎俾你地閃盲喇！咁你地宜家點呀？相隔咁遠」
「我發覺原來中大同城大都唔算好遠，只係差幾個火車站」杜杜一臉開心的說
「當時我都猶疑左好耐究竟中大定港大好，兩邊都有我想讀的科，但論方便，無論係我定杜杜，都係中大比較方便」Kathy解釋
「就係因為咁，所以我同Kathy的距離亦無想象中咁遠」
「呢個傻瓜，有時為左見我耐啲，仲傻到陪我搭到去大學站，然後自己去番對面月台搭回頭車去九龍塘」
「咁都係想見多你一陣啫」
「不過都唔係講笑，上到大學真係有人追我，仲要唔止一個」Kathy笑說
「咁你點處理？」
「好彩我手機同電腦都用左同杜杜的合照做牆紙，咁咪令到一班人知難而退囉」
「咁會唔會有人繼續死纏爛打？」
「有呀，呢個時候就係杜杜豬出場的時候」
「下！佢？！！」
「咪就係我囉，遇到呢啲人，就梗係由我出手，接放學加手拖手咁放閃，再追上黎就即場咀咀等佢死心」杜杜作勢要即場示範
「得，我不嬲對朋友妻無興趣，唔使即場示範喇…」
.
看到他們如此安穩，甚至比以前更甜蜜，我這個朋友都替他們開心。

千奇唔好復合 我覺得杜杜會同佢關係變差 如果復合

《你愛我還是他》第六十六章
.
其實看到他們這麼甜蜜，有時我都會十分羨慕，甚至希望我的身邊也有個人陪伴我。
.
開新學期前，最擔心而又最好奇的，就是去查看自己的時間表。因為這間大專是不用自己選科的，所以時間表也是由校方編定的。好處的就是不用傷神決定要讀哪一科，更不用和別人搶。不過，如果不幸運的話，可能會抽到一個無休息日，再加天地堂的時間表。
.
結果雖然我逢星期三休息，但是我星期六早上卻有堂，而且星期二還有天地堂…
收到這份時間表後，我第一時間轉傳給芷怡。
.
「唉…又天地堂仲要星期六都要上堂」我抱怨說
「咦，我星期二都天地堂喎，可以過黎一齊食飯」
「真係架？係都好呀，唔使咁悶」
之後，我就收到她的時間表。她比我辛苦，一至五都要上學，不過星期六就可以休息。星期二她比我遲半個小時下課，又比我早半個小時上課。不過即使扣除交通時間，我們還有兩個半小時可以在一起。
.
「咁我約定你逢星期二見喇」雖然我發出冷冰冰的文字，但其實背後我卻是十分的興奮，忽然覺得，天地堂其實都不太差
「咁下星期見喇，等你帶我食好野」
.
在這一刻，我更想快點開學，快點到星期二…
其實自從我們重遇後，加上上一次重新成為朋友，交換了電話後，我們幾乎每一日都有短訊來往。我們幾乎無所不談，有時候她甚至連何能夠帶她去哪都會跟我說…不過這也好，至少我們真的能做回朋友。

來到最期待的星期二，上午的課其實我都沒有多留神，只是不時看手錶。
到了下課的時候，好兄弟城城見我準備離去，就好奇地問：
「咦，呀駿，唔一齊食飯呀？」
「唔喇，約左朋友，走先喇」
.
由山頂行去電車站也要一段時間，沿途我也有和芷怡互傳訊息。等了一會，終於等到她的出現。
.
「等左好耐喇？我一落堂就衝去等叮叮架喇」
「一陣啫，我地去食野喇好無？」
「好呀，我地今日食咩呀？我無食早餐宜家好肚餓呀」
「你又無食早餐呀…嗱，我帶你去嗰個地方，但食咩就由你負責決定喇」
「咁得意？好呀」
.
說罷，我就把她帶到附近的金百利大廈，這裹有西餐、越南菜、四川麻辣米線、日本菜等等。這麼多選擇，我猜總有一間適合她吧？而且，這裏的餐廳，大多都價錢相宜，在昂貴的消費區中總算是學生的一片樂土。
.
「不如我地今日食日本野？」她問我
「好呀，你決定」
.
於是，我們就去了食日本菜，我還意外地發現了那間店有學生優惠，令我們可以很便宜就大吃一餐。
.
離開的時候，我卻沒有想過，竟然會遇上一班同學。
.
「咦，呀駿，唔怪得唔同我地食飯喇，原來約左囡囡」
「咩呀，朋友黎架咋」我急忙澄清
「實係咁喇，我地上南華會篤波呀，你黎唔黎呀？」
.
「你有無興趣呀？」我先問芷怡的意見
「可以呀，我都想試下，不過打美式得唔得？」
「得！呀嫂話打咩式就咩式，狗仔式我地都同你打」城城笑說
「狗咩仔式呀！你就狗仔式呀，打波喇，炒你呀嗱！仲有呀，佢唔係呀嫂！唔好亂叫！」
唉，看來他們已完全誤會了…

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

邊個呀軒？？

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

邊個呀軒？？

芷怡 條仔wo 唔係呀軒咩

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

邊個呀軒？？

芷怡 條仔wo 唔係呀軒咩

下，唔係呀，從來都無出現過呀軒呢個人喎，你係咪記錯左第二個故？
佢男朋友係何能夠，Can Ho

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

邊個呀軒？？

芷怡 條仔wo 唔係呀軒咩

下，唔係呀，從來都無出現過呀軒呢個人喎，你係咪記錯左第二個故？
佢男朋友係何能夠，Can Ho

仆街啦 記錯了 何能夠係咪同佢搶方晴個個

唔想人亂叫 就唔好同人有接觸啦 一陣呀軒誤會就仆街 呀駿呢個傻仔真係 總是長不大

邊個呀軒？？

芷怡 條仔wo 唔係呀軒咩

下，唔係呀，從來都無出現過呀軒呢個人喎，你係咪記錯左第二個故？
佢男朋友係何能夠，Can Ho

仆街啦 記錯了 何能夠係咪同佢搶方晴個個

係呀無錯

.
.
.
話咁快又黎到結局週～
唔知大家有無唔捨得呢？
.
首先，一定要同大家講兩聲對唔住。第一聲，係為左我龜速出文而令大家條頸再度發育而講的。第二聲，係為左我的任性而講，有連登巴打早幾日話現實中邊有咁戇鳩咁癡線，而好不幸現實中真係有人咁癡線咁戇鳩，而呢個人宜家仲覆緊你。
.
我知道架，我真係知道架，九成(甚至九成九，剩低一個係我)讀者都係想睇方晴回歸。而結果，我一次又一次令大家失望，對唔住！因為，我真係好想好想將我同方芷怡呢段關係寫落黎，好好搵一個地方將佢保存。
因為係真人真事，所以今次的發揮空間同自由度都無上次咁大，但好開心仍然陸續收到讀者同我講好好睇，而我知道，就算你地係鬧緊，都只係代入左為呀駿抱不平
.
無論如何，最後一個星期，希望大家都可以支持下，未like page既快啲like，未留低心底話既快啲講喇，仲有問題的快啲問，最後機會喇
約定大家，星期六見！

方晴呢

又就黎大結局

方晴呢

快啲去買西瓜喇

又就黎大結局

係呀，係咪好開心呢
唔使日日入黎追啲垃圾文，寫嗰個又慢又廢，個主角又終極on9

唉 又完一個lu